E mafai faapefea ona ou teteeina ponokalafi?

“O ponokalafi, ma ona eleelea matagā, ua lilofia ai le lalolagi e pei o se tai lofituina matautia. O se mea ’ona. Aua le matamata ai pe faitau ai. O le a faataumaoia ai oe pe afai e te faia. O le a aveesea ai mai ia te oe lou faaaloalo mo oe lava. O le a faoa ai lou sane po o le lagona talisapaia o mea matagofie o le olaga. O le a talepe ai oe ma toso i lalo oe i le lopala o mafaufauga leaga ma ono oo ai i faiga faatiapolo. Ia taumamao mai ai. Aloese mai ai e pei o le a e faia i se faama’i leaga, aua e faapena foi le faatama’i” (Gordon B. Hinckley, “O ni nai Mafaufauga e uiga i le Malumalu, Faatumauina o Tagata Liliu Mai, ma le Galuega Faafaifeautalai,” Liahona, Ian. 1998, 61). A o tatou “oofu i ofutau atoatoa mai le Atua” (tagai Efeso 6:11–17) ma faalagolago i le malosi o le Alii, e mafai ona tatou puipuia i tatou lava mai osofaiga a le fili e faatatau i amioga lelei ma tausisia pea le mama o o tatou mafaufauga ma amioga.

Saunia oe lava ia faaleagaga

O a ni mea aoga ma le faagaeetia ua e faatumuina ai lou olaga e fesoasoani ai e tetee atu i ponokalafi? Ua faapefea ona faamanuiaina oe i le avea ai ma sē ua umia le perisitua ona o le teteeina o ponokalafi? i le avea ai ma se tane? i le avea ai ma se tama

O a ni itu e maua ai e au alii talavou ia ponokalafi? E mafai faapefea ona aafia ai o latou mana o le perisitua? O a ni faatosinaga aoga ma musuia e mafai ona e fautuaina atu e fesoasoani ai ia i latou e tetee ai i ponokalafi?

Ia suesue ma le agaga tatalo ia mau ma punaoa nei. E mafai faapefea ona e uunaia alii talavou e tetee i ponokalafi?

Kenese 39:7-21; Roma 12:21; 2 Timoteo 2:22; Alema 39:9; Moronae 10:30; MF&F 27:15–18; 121:45–46 (E tatau ona tatou faliu ese i le taimi lava lena mai le faaosoosoga i tuinanau ae ia faatumu o tatou mafaufau i mafaufauga mama)

Isaia 1:18; Helamana 12:23; MF&F 58:42–43 (E mafai ona faamagaloina i tatou pe a tatou salamo)

Mataio 5:27–28; Roma 6:12; Alema 39:9; MF&F 42:23 (O le tuinanau i se tamaitai o se agasala e ogaoga ona taunuuga)

1 Nifae 17:3; Mosaea 24:14; Alema 26:12 (O le a faamalosia i tatou e le Atua i a tatou taumafaiga e tausi poloaiga)

Jeffrey R. Holland, “Ia Le toe Ulu Mai i Lou Agaga Le Ita Mai ia te Au,” Ensign po o le Liahona, Me 2010, 44–46; tagai foi i le vitio “Mataala i Ou Ala”

2:47

Quentin L. Cook, “ E Mafai Ea Ona Outou Lagonaina Nei?” Ensign po o le Liahona, Nov. 2012, 6–9

Linda S. Reeves, “Puipuiga mai Ponokalafi—o se Aiga e Taulai Atu ia Keriso,” Ensign po o le Liahona, Me 2014

Teuteu Ou Manatu i le Mama (2006)

“Tusi ma Ata Mataga,” Faamaoni i le Faatuatua (2004), 189–90

“Faafiafiaga ma Ala o Faasalalauga,” Mo le Malosi o le Autalavou (2011), 11–13

Vitio: “Ia Vaavaai Atu I Ai”

NaN:NaN

Tuu atu i alii talavou e taitai

O se tasi o le au peresitene o le korama (po o se fesoasoani i le epikopo i le korama a le ositaulaga) e taitaia le fonotaga a le korama. Na te taitaia alii talavou i le fefautuaai faatasi e uiga i pisinisi faalekorama, aoao i latou i o latou tiute faaleperisitua (mai tusitusiga paia ma le tusi Tiute i le Atua ), uunai i latou e faasoa atu o latou aafiaga i le faataunuuina o o latou tiute i le Atua, ma valaaulia se faufautua po o se isi tagata o le korama e aoao atu se lesona o le talalelei. E mafai ona ia saunia e ala i le faatumuina o se lisi o mataupu talanoaina o le fonotaga a le korama i le taimi o se fonotaga a le au peresitene.

Amata le aafiaga faaleaoaoga

Filifili mai nei manatu pe mafaufau i ni ou lava manatu e iloilo ai le lesona o le vaiaso ua tea ma faalauiloa atu le lesona o lenei vaiaso:

Tusi i luga o le laupapa se fuaitau mai le lesona o le vaiaso ua tuanai, ma fai atu i se alii talavou e faamatala le uiga o lena fuaitau ia te ia.
Faaali atu se fasiie pa’epa’e (e pei o se solosolo po o se totinilima) ma se koneteina laitiiti palapala. Ia talanoa ma alii talavou po o le a le mea e tupu pe a latou lolōina le fasiieie pa’epa’e i le palapala. O le fea o le a aafia ai, o le palapala po o le fasiie pa’epa’e? O le a le aafiaga o ponokalafi i o tatou mafaufau ma agaga? Ia talanoa i le upusii a Peresitene Hinckley o loo i le amataga o le lesona lenei.

Aoao faatasi

O gaoioiga taiasi o loo i lalo o le a fesoasoani i alii talavou ia iloa auala e tetee ai i ponokalafi. I le mulimuli ai i le uunaiga a le Agaga, filifili se tasi po o le sili atu o le a sili ona aoga mo lau korama:

Faaali atu le vitio “E Vaavaai Atu Iai,” ma tuu atu i alii talavou e ta’u atu ia te oe e taofi le vitio i taimi taitasi na ono mafai ai e Tavita ona faia se filifiliga e ese mai. O le a le mea na tupu i le Tupu o Tavita ina ua uma lenei aafiaga (tagai 2 Samuelu 11–12)? Na faapefea ona aafia ai lona aiga? Aisea ua matuai matautia ai le matamata i ponokalafi? Tuu atu i alii talavou e faitau le Kenese 39:7–21 ma vaavaai mo auala na tali atu ai Iosefa i se tulaga talitutusa faapena. Ia faatusatusa faapuupuu ia taunuuga o amioga a le Tupu o Tavita ma Iosefa. Aisea ua avea ai le matamata i ponokalafi o se agasala i le Atua? O a ni talipupuni na faaaoga e alii talavou pe na faalogo na faaaoga e isi e fesoasoani e aloese ai i ponokalafi? O a ni gaoioiga po o ni manatu aoga e mafai ona latou faaaogaina e suitulaga i mafaufauga le talafeagai?

NaN:NaN
Fai atu i alii talavou e vaai faalemafaufau e faapea, o loo latou faia se talanoaga ma o latou atalii i le lumanai e 12 tausaga le matua e uiga i le mafuaaga e matuai faataumaoia ai ponokalafi ma auala e tatau ona aloese ai. Atofa atu le afa o le korama e suesue i le saunoaga a Elder Jeffrey R. Holland “Ia Le Toe Ulu Mai i Lo'u Agaga Le Ita Mai ia te Au” ma le isi afa e suesue i le saunoaga a Sister Linda S. Reeves “Puipuiga mai Ponokalafi—o se Aiga e Taulai Atu ia Keriso,” ma vaavaai mo ni faamatalaga lea e mafai ona fesoasoani ia te ia i lenei talanoaga. (E mafai foi ona latou matamata i se tasi o ata vitio o i lenei otootoga Valaaulia i latou e faasoa mai mea na latou maua. E faapefea e o latou filifiliga e faatatau i ponokalafi i le taimi nei ona aafia ai lo latou fiafia i le lumanai pe a avea i latou o ni tane ma ni tama?
Fai atu i alii talavou e vaai faalemafaufau e faapea, o loo latou faia se talanoaga ma o latou atalii i le lumanai e 12 tausaga le matua e uiga i le mafuaaga e matuai faataumaoia ai ponokalafi ma auala e tatau ona aloese ai. Totofi le afa o le korama e suesue i le saunoaga a Elder Jeffrey R. Holland “Ia le toe ulu mai i lou agaga le ita mai ia te au” ma le isi afa e suesue i le saunoaga a Sister Linda S. Reeves “Puipuiga mai Ponokalafi—o se Aiga e Taulai atu ia Keriso,” vaavaai mo faamatalaga lea e mafai ona fesoasoani ia te ia i le talanoaga lenei. Valaaulia i latou e faasoa mai mea na latou maua. E faapefea e o latou filifiliga e faatatau i ponokalafi i le taimi nei ona aafia ai lo latou fiafia i le lumanai pe a avea i latou o ni tane ma ni tama?
Fai atu i alii talavou e vaai faalemafaufau faapea, sa i ai so latou avanoa e ta’u atu ai i se tasi o le Korama a Aposetolo e Toasefululua e uiga i luitau o loo feagai ma le autalavou i aso nei e faatatau i ponokalafi. O a ni mea latou te ono ta’u atu ia te ia? Tuu atu i alii talavou taitasi se kopi o parakalafa e ono mai le lauga a Elder Quentin L. Cook “E Mafai Ea Ona Outou Lagonaina Nei?” e amata mai i le fasifuaitau “O le le mama i feusuaiga ma mafaufauga le mama.”Fai atu i le afa o le korama e vaavaai mo ma faasoa mai i le mea sa aoaoina e Elder Cook mai se alii talavou e 15 tausaga le matua, ae fai atu i le isi afa e vaavaai mo ma faasoa mai le fautuaga na tuuina mai e Elder Cook. O a ni mea e mafai ona fai e alii talavou e fesoasoani ai ia fai o latou fale ma “nofoaga o le sulufaiga” mai ponokalafi?
Valaaulia alii talavou e vaai faalemafaufau o loo i ai se latou uo o loo tauivi ma ponokalafi. O le a se latou tala e fai atu ia te ia? Fai atu i alii talavou taitasi e faitau “Faafiafiaga ma Ala o Faasalalauga” i le Mo le Malosi o le Autalavou po o vaega ua faaulutalaina “Sailia o le Malosi e Lafoai ai le Agasala” mai le tamaitusi Teuteu ou manatu i le mama. O a ni mea o le a faasoa atu e alii talavou mai lenei vaega i le latou uo? O a nisi o mau e mafai ona fesoasoani i se tasi o loo tauivi ma ponokalafi? (tagai, mo se faataitaiga, o mau o loo fautuaina mai i le otootoga).

Fai atu i alii talavou e faasoa mai mea na latou aoaoina i le aso. Pe ua latou malamalama i auala e tetee ai i ponokalafi?O a ni o latou lagona po o ni uunaiga? Pe o i ai ni a latou fesili faaopoopo? Mata e aoga le faaaluina o se isi taimi i lenei autu?

Motugaafa faafaiaoga

“O lou popolega sili lava e tatau ona i ai o le fesoasoani atu lea i isi e aoaoina le talalelei, ae le o le tuuina atu o ni lesona e maoae le matagofie. E aofia ai le tuuina atu o avanoa mo tagata o loo aoaoina e aoao ai e le tasi le isi” (O Le Aoao Atu: E Leai Se Isi Valaauga E Sili Ai [1999], 67).

Valaaulia e faatino

O le alii talavou o loo taitai e faaiuina le fonotaga.E mafai ona ia:

Faasoa atu le mea o loo ia faia e aloese ai mai le tilotilo atu i mea e le talafeagai.
Uunaia isi tagata o le korama e fai se fuafuaga patino e aloese ma sola ese ai mai ponokalafi.
Fai atu i tagata o le korama e vaai le epikopo po o le peresitene o le paranesi pe afai o loo latou tauivi ma ponokalafi.