Tiute i le Atua

E mafai faapefea ona ou i ai i le lalolagi ae le ni o o le lalolagi?

“I se tasi taimi na tele lava ona tutusa tulaga faatonuina o le Ekalesia ma tulaga faatonuina o malo, o lea ua i ai se vā tēle i lo tatou va, ma o loo faatupulaia pea lena va” (Thomas S. Monson, “Mana o le Perisitua,” Ensign po o le Liahona, Me 2011, 66). E finagalo le Alii ia tatou tumau faamaoni pea i Ana tulaga faatonuina ae aua le auai i le faia o mea leaga o le lalolagi. O le taimi lava foi lea, o loo faamoemoe o Ia ia avea i tatou ma faatosinaga lelei ia i latou e siomia i tatou.

Saunia oe lava ia faaleagaga

O a nisi o tulaga faatonuina i le lalolagi e le ogatasi ma tulaga faatonuina o le Ekalesia? O a ni faamanuiaga ua oo mai ia te oe i le ola ai i tulaga faatonuina a le Alii? E mafai faapefea ona faatosina e le faatumauina o ou tulaga faatonuina i latou e siomia oe?

O faapefea ona taumafai le lalolagi e faatosina le auala o loo manatu ai alii talavou i tulaga faatonuina a le Alii? E mafai faapefea ona faaauau e alii talavou ona lagolago tulaga faatonuina a le Ali pe afai o loo faaauau pea le atili faaleagaina o tulaga o le lalolagi? E mafai faapefea ona avea alii talavou ma se faatosinaga lelei ia i latou e siomia i latou?

Ia suesue ma le agaga tatalo ia mau ma punaoa nei. O le a se mea e te lagona o le a sili atu le aoga i alii talavou e te aoaoina?

“Ola Agavaa,” ”Faataunuuina o LouTiute i le Atua (2010), tiakono, 16–17; aoao, 40–41; ositaulaga, 64–65

Kenese 39:1–20 (Tetee e Iosefa o Aikupito faatosinaga a le toalua o Potifara)

2 Tupu 6:14–17 (Na iloa e auauna a Elisaia e le na o ia o i ai)

Mataio 26:41; MF&F 10:5 (Leoleo ma tatalo ina ia e le ulu atu i se tofotofoga)

Ioane 15:19; 1 Nifae 8:24–28 (O i latou o e mulimuli ia Keriso e masani ona ulagia ma itagia e le lalolagi)

1 Korinito 10:13 (O le a le faaosoosoina i tatou e sili atu nai lo mea tatou te gafatia)

MF&F 3:6–8 (Afai e sili atu ona tatou faalagolago i le Atua nai lo o tagata, o le a Ia lagolagoina i tatou e tetee atu i le fili)

MF&F 62:1 (Ua silafia e le Alii o tatou vaivaiga ma le auala e fesoasoani ai ia i tatou i taimi o faaosoosoga)

MF&F 87:8 (Tutu i nofoaga paia)

Neil L. Andersen, “Manumalo i le Lalolagi,” Ensign po o le Liahona, Me 2017, 58–62

Mark A. Bragg, “Tupu Susulu Pea Lava Pea Seia oo i le Aso e Atoatoa Ai,” Ensign po o le Liahona, Me 2017, 36–38

Dieter F. Uchtdorf, “Aua le Matau, Tau Lava Ina Talitonu,” Ensign po o le Liahona, Nov. 2015, 76–79; tagai foi i le vitio “Ua Tu'uina Atu e le Atua ia i Latou le Poto”

13:58

Thomas S. Monson, “Ia Lototele e Tu Na o Oe,” Ensign po o le Liahona, Nov. 2011, 60–67

Vitio: “Uluola I Le Mea Ua E Toto Ai”; “Ia Lototele e Tu Na o Oe”

NaN:NaN

4:20

Aoao atu i le ala a le Faaola

Sa saunia o Ia lava e aoao atu e ala i le faaaluina o le taimi e tatalo ma anapogi ai na o Ia lava. I taimi na tuua ai na o Ia, sa Ia saili atu mo le taitaiga a Lona Tama Faalelagi. A o e sauni e aoao alii talavou, ia faaalu se taimi i le tatalo ma saili mo le taitaiga a le Tama Faalelagi ia iloa ai le auala e fesoasoani atu ai i alii talavou ia malamalama i faamanuiaga ia e oo mai i le ola i tulaga faatonuina a le Alii.

Tuu atu i alii talavou e taitai

O se tasi o le au peresitene o le korama (po o se fesoasoani i le epikopo i le korama a le ositaulaga) e taitaia le fonotaga a le korama. Na te taitaia alii talavou i le fefautuaai faatasi e uiga i pisinisi faalekorama, aoao i latou i o latou tiute faaleperisitua (mai tusitusiga paia ma le tusi Tiute i le Atua ), uunai i latou e faasoa atu o latou aafiaga i le faataunuuina o o latou tiute i le Atua, ma valaaulia se faufautua po o se isi tagata o le korama e aoao atu se lesona o le talalelei. E mafai ona ia saunia e ala i le faatumuina o se lisi o mataupu talanoaina o le fonotaga a le korama i le taimi o se fonotaga a le au peresitene.

Amata le aafiaga faaleaoaoga

Filifili mai nei manatu pe mafaufau i ni ou lava manatu e iloilo ai le lesona o le vaiaso ua tea ma faalauiloa atu le lesona o lenei vaiaso:

Fai atu i alii talavou taitoatasi e tusi i luga o se fasipepa se fuaiupu se tasi e otooto ai mea sa ia aoaoina mai le lesona o le vaiaso talu ai. Tuu atu i ni nai alii talavou e faitau leotele a latou otootoga.
Faaali atu i tagata o le korama se moli (po o se isi fualaauaina mata aava). Fai atu ia i latou e ta’u mai nisi o tulaga faatonuina o loo i le Mo le Malosi o le Autalavou. A o latou ta’uina mai, ia tusi na mea i luga o le moli. Tuu le moli i totonu o se koneteina vai (o le a opeopea). Aumai i fafo le moli mai le vai ona fofoe lea. Toe tuu i totonu o le vai, o le a magoto. Valaaulia alii talavou e faasoa atu se mea ua aoao atu e lenei mea ia i latou e uiga i le tausia o tulaga faatonuina a le Alii. Ia faasoa atu se faataitaiga faapitoa o le faamanuiaina o lou olaga ona o le tausia o se tulaga faatonuina.

Aoao faatasi

O le faamoemoega o le lesona lenei o le fesoasoani lea i alii talavou taitoatasi ia malamalama i le auala e mafai ona ia i ai i le lalolagi ae le o ni o o le lalolagi, ma le auala e fesoasoani ai lenei mea ia te ia ia ola agavaa e faaaoga le perisitua. I le avea ai ma se vaega o lenei lesona, e tatau i uso o le korama ona fai ni fuafuaga ia latou tusi o le Tiute i le Atua ina ia suesue ma ola i tulaga faatonuina i le Mo Le Malosi o le Autalavou. A o le’i oo i le fonotaga a le korama, fai atu i alii talavou e o mai ma aumai a latou tusi o le Tiute i le Atua i le lotu, faatasi ma a latou kopi o le Mo le Malosi o le Autalavou. I fonotaga faalekorama i le lumanai, valaaulia i latou e faasoa mai aafiaga latou te maua a o latou faataunuuina a latou fuafuaga.

I luga o le laupapa, tusi le “Manumalo i le lalolagi o le … ” ma le “Manumalo i le lalolagi e taunuu i le … ” Fai atu i sui o le korama e suesue le lauga a Elder Neil L. Andersen “Manumalo i le Lalolagi” ma saili nisi auala e faamaea ai fuaiupu nei. Talanoa i mea ua latou maua. Vave valaaulia se tasi o alii talavou e sau saunia e faasoa le tala e uiga ia Elder Bruce D. Porter mai le lauga a Elder Andersen (pe matamata a o faamatalaina e Elder Andersen le tala i le vitio o lana lauga). Faamata o a ni lagona o isi tagata i lenei tofotofoga e tasi? Na faapefea ona manumalo Elder Porter i le lalolagi?
O se tasi o auala e fesoasoani ai i le alii talavou e malamalama ai i le auala e maua ai le malamalama i se lalolagi pogisa o le aumaia lea o ni moliuila se tolu i le vasega. Vaevae le vasega i ni vaega se tolu ma tofi i vaega taitasi e faitau se tasi o vaega o le lauga a Elder Mark A. Bragg “Tupu Susulu Pea Lava Pea Seia oo i le Aso e Atoatoa Ai.” A maea ona suesue e alii talavou le lauga, tape moli ma tuu atu i vaega taitasi se tasi o moliuila. A o latou faasoa mai mea na latou aoaoina, e mafai ona latou kiina o latou moliuila ma tuu i totonu o le ogatotonu o le potu. E faapefea ona fesoasoani puna o le malamalama taitasi ia i tatou i se lalolagi pogisa?
I le aluga o le vaiaso, valaaulia alii talavou e faitau le Tanielu 1–2 pe matamata le vitio “Ua Tu'uina Atu e le Atua ia i Latou le Poto” ma o mai saunia e faasoa atu pe na faapefea ona faamanuia e le Atua Tanielu mo le tumau faamaoni i se siosiomaga amioleaga. I le taimi o le vasega, tuu atu le taimi mo i latou e faasoa mai ai mea na latou aoaoina. O se korama, iloilo le vaega ua faaulutalaina “O Tatou pei o Tanielu?” mai le lauga a Peresitene Dieter F. Uchtdorf “Aua le Matau, Tau Lava Ina Talitonu.” Vaevae le korama i ni vaega ma fai atu ia latou e faatino se tala o se mea e tupu atonu latou te feagai ai lea e mafai ona latou tumau ai i le faamaoni e pei o Tanielu.

13:58
Fai atu i alii talavou e faitau ia mau o loo lisiina i le otootoga lenei (taitoatasi pe o se korama) ma talanoa i mea ua latou aoaoina e uiga i le faatoilaloina o faaosoosoga. E faapefea ona latou ola i tulaga faatonuina a le Alii pe a faaosooso i latou e le lalolagi e fai mea e ese mai pe taufaifai ia i latou mo le i ai o ni tulaga faatonuina maualuluga? O a ni o latou lagona ina ua latou ola i tulaga faatonuina a le Alii ma tetee atu i faaosoosoga? O a aafiaga e mafai ona latou faasoa mai?
Fai atu i alii talavou e sue i le faasino mataupu o le Mo le Malosi o le Autalavou ma filifili se tulaga faatonuina se tasi pe sili atu latou te mananao e talanoaina. Fai atu i alii talavou taitasi e faaalu ni nai minute e suesue ai le tulaga faatonuina ua ia filifilia ma sauni e faasoa atu mea ua ia aoaoina. Fai atu i alii talavou taitasi e susue lana tusi Tiute i le Atua ma tusi i le vaega “Galue” ia lana fuafuaga e ola i lenei tulaga faatonuina (itulau 17, 41, po o le 65). Faamalosiau i alii talavou e fefaasoaai a latou fuafuaga ma isi, pe a talafeagai. Valaaulia alii talavou e o mai sauniuni i nai isi vaiaso o le a sosoo ai e faasoa atu po o a ni auala ua fesoasoani ai le mulimuli i a latou fuafuaga ia i latou ina ia “i ai i le lalolagi ae le o ni o o le lalolagi” (tagai Ioane 15:19).
I le avea ai o se korama, faitau leMataupu Faavae ma Feagaiga 87:8ma fesili i alii talavou po o a ni o latou manatu i le uiga o le tutu i nofoaga paia. Valaaulia i latou e mafaufau loloto i le fesili lenei a o latou matamata i se tasi o vitio o loo fautua atu i lenei otootoga. O a ni malamalamaaga faaopoopo latou te maua mai i le tutu i nofoaga paia? Fesili atu i alii talavou po o a ni o latou lagona pe mafai ona latou faia o latou aiga, a latou aoga, po o o latou alalafaga o se nofoaga e sili atu ona paia.

Fai atu i alii talavou e faasoa mai mea na latou aoaoina i le aso. Pe ua latou malamalama i le pogai, i le avea ai ma e umia le perisitua, e ao ai ona latou i ai i le lalolagi ae le o ni o o le lalolagi? O a ni o latou lagona po o ni uunaiga o i ai? Pe o i ai ni a latou fesili faaopoopo? Mata e aoga le faaaluina o se isi taimi i lenei aoaoga faavae?

Valaaulia e faatino

O le alii talavou o loo taitai e faaiuina le fonotaga.E mafai ona ia:

Faasoa atu lana molimau i le taua o le ola i tulaga faatonuina a le Alii.
Ia faatautino alii talavou e faataunuu ia fuafuaga ua latou faia i le vaega o le “Ola Agavaa” o o latou tusi Tiute i le Atua.