O ai au, ma o ai e mafai ona avea ai au?

O i tatou o ni atalii o le Tama Faalelagi, foafoaina i Lona faatusa, ma le faamoemoega ia avea faapei o Ia. E ala i le mamanu paia, ua tatou maua ai ni meaalofa ma ni taleni uiga ese lea o le a fesoasoani ia i tatou i le faataunuuina o o tatou tiute o e umia le perisitua. O le iloaina po o ai i tatou ua maua ai se faamoemoega i o tatou olaga ma ua fesoasoani lea ia i tatou e faia ni filifiliga sao.

Saunia oe lava ia faaleagaga

Pe o faapefea i le iloaina o oe o se atalii o le Atua ona aafia ai ou manatu ma faatinoga? O a nisi o meaalofa ma taleni na tuu atu e le Atua ia te oe? E faapefea ona e faaaogaina na meaalofa ma taleni e faamanuia ai ia alii talavou o loo e aoaoina?

E mafai faapefea ona e fesoasoani i alii talavou ia iloa lo latou faamoemoega paia? E mafai faapefea e lenei malamalamaaga ona fesoasoani ia i latou e fai ni filifiliga sao? O a nisi meaalofa ma taleni uiga ese o i ai i alii talavou o loo e aoaoina? E mafai faapefea one e uunaia i latou e faaaoga nei meaalofa ma taleni ina ia faamanuiaina ai isi?

Suesue ma le agaga tatalo mau ma punaoa nei. O le a se mea ua uunaia ai oe e faasoa atu i alii talavou?

Salamo 82:6; Galuega 17:28–29; Eperu 12:9; MF&F 76:24 (O i tatou o fanau a le Atua)

Mataio 25:14–30 (O le faataoto i taleni)

Luka 15:4–6, 11–32; Ioane 3:16; MF&F 18:10–15 (Ua tele lava le taua o se agaga)

Mose 1:4–22 (Ua iloa e Mose o ia o se atalii o le Atua)

Donald L. Hallstrom, “I O Au o se Atalii o le Atua,” Ensign po o le Liahona, Me 2016, 26–28

Dale G. Renlund, “Le Au Paia o Aso e Gata Ai, Taumafai Pea,” Ensign po o le Liahona, Me 2015, 56–58

Dieter F. Uchtdorf, “O Faalagiga e Fa,” Ensign po o le Liahona, Me 2013, 58–61

“O Le Atua Lo’u Tama,”Viiga, nu. 184

Vitio: “O Au o se Atalii o le Atua”; “O Lo Tatou Faasinomaga Moni”

6:31

3:40

Aoao atu i le ala a le Faaola

Na silafia e le Faaola i latou sa Ia aoaoina, ma sa Ia silafia tulaga e mafai ona avea ai i latou. Sa Ia maua ni auala uiga ese e fesoasoani ai ia i latou ia iloa ma tuputupu ae. Pe a latou tauivi, e lei fiu o Ia ia i latou ae sa faaauau pea ona Ia alofa atu ma auauna atu ia i latou. Ao e aoao atu ia alii talavou, mafaufau i le po o ai i latou ma le tulaga e mafai ona latou avea ai, ma saili ni auala e fesoasoani atu ai i lo latou faataunuuina o lo latou faamoemoega paia.

Tuu atu i alii talavou e taitai

E taitai e se uso o le au peresitene o le korama le fonotaga faalekorama. Na te taitaia alii talavou i le fefautuaai faatasi e uiga i mataupu faalekorama, aoao atu i latou i o latou tiute faaleperisitua (mai tusitusiga paia ma le tusi o le Tiute i le Atua), ma valaaulia se faufautua po o isi uso o le korama e aoao atu se lesona o le talalelei. E mafai ona ia saunia e ala i le faatumuina o se lisi o mataupu talanoaina o le fonotaga a le korama i le taimi o se fonotaga a le au peresitene.

Amata le aafiaga faaleaoaoga

Filifili mai nei manatu pe mafaufau i ni ou lava manatu e iloilo ai le lesona o le vaiaso ua tea ma faalauiloa atu le lesona o lenei vaiaso:

Valaaulia se vaega o alii talavou e faasoa mai se mea e sili ona taua sa latou aoaoina mai le lesona o le vaiaso ua tea ma le auala o latou faaaogaina ai i o latou olaga.
Tusi fesili nei i luga o le laupapa: “O le a se mea ou te iloa e uiga i le Tama Faalelagi?” “O le a se mea o aoao mai e lena mea e uiga i lou tagata ma le tulaga e mafai ona avea ai au?” “O faapefea ona aafia i lenei malamalama ou manatu ma faatinoga?” Tuu atu i alii talavou se taimi e manatunatu ai i nei fesili, ona valaaulia lea o i latou e o mai i le laupapa ma tusi a latou tali.

Aoao faatasi

O gaoioiga taitasi nei o le a fesoasoani i sui o le korama ina ia malamalama ai i lo latou faasinomaga ma le faamoemoega paia. I le mulimuli ai i musumusuga a le Agaga, filifili se gaoioiga se tasi po o le sili atu foi o le a sili ona aoga mo lau korama:

Mafaufau i se gaoioiga faigofie lea o le fesoasoani i alii talavou ina ia malamalama o le avea faapei o le Atua e manaomia ai le onosai ma le faifaipea. O lenei gaoioiga e tatau ona manaomia ai ni taumafaiga se tele e ausia ai ma le manuia. Mo se faataitaiga, e mafai ona taumafai pea lava pea ia alii talavou e togi se mea faitino i totonu o se paelo lapisi e aunoa ma le tilotilo i ai. O le a se mea o aoao atu e lenei gaoioiga ia i tatou e uiga i taumafaiga faifaipea. E faapefea ona tatou fesootaia lenei gaoioiga i le avea ai faapei o le Tama Faalelagi? Valaaulia alii talavou taitasi e tagai mo ma faasoa mai ni faamatalaga mai le lauga a Elder Dale G. Renlund “Le Au Paia o Aso e Gata Ai, Taumafai Pea” lea e faaalia ai mea sa ia aoaoina mai le gaoioiga.
Valaaulia ia alii talavou e sailiili i le Mose 1:4–7 ma faailoa mai po o a ni mea sa aoaoina e Mose e uiga ia te ia lava. Valaaulia i latou e sailiili i le fuaiupu 12 e iloa ai po o le a se mea na faia e Satani e tetee ai i le mea sa aoaoina e Mose. Faitau faatasi ia fuaiupu 13–22. Fai atu i alii talavou e faasoa mai se mea sa latou aoaoina mai lenei tala e uiga ia i latou lava, Tama Faalelagi ma le Faaola, faapea ma le tiapolo. O a ni faafitauli o feagai ma alii talavou lea e ono aoga ai lenei malamalama? Mafaufau e faaali le vitio “O Au o se Atalii o le Atua” o se vaega o lenei talanoaga.

6:31
Fai atu i alii talavou e lisi mai nisi o faalagiga o i ai pe sa i ai i le aluga o latou olaga. O a mea o tau mai e nei faalagiga e uiga ia i latou? Valaaulia i latou e filifili se faalagiga se tasi pe lua e taua ia i latou. Vaevae le korama i ni vaega se fa, ma atofa atu ia tofu le vaega ma se tasi o faalagiga e faitau i ai mai le lauga a Peresitene Dieter F. Uchtdorf “O Faalagiga e Fa.” E mafai foi ona latou faitau i ni vaega o le lauga a Elder Donald L. Hallstrom “I O Au o se Atalii a le Atua.” Ona fai atu lea i vaega taitasi e faasoa mai i le korama mea sa latou aoaoina ma le auala e faatatau ai i o latou olaga. E avea ma se vaega o lenei gaoioiga, emafai ona usuina e alii talavou le pese “O Au o se Atalii o le Atua” (Tusipese a Tamaiti, nu. 2).
Valaaulia ia sui o le korama e matamata le vitio “O Lo Tatou Faasinomaga Moni” (pe faitau nisi o mau nei: 1 Ioane 3:1–3; MFF 84:37–38; 88:107; 132:20) ma tusi i lalo se faamatalaga latou te iloa e aoga. Fai atu ia i latou e faasoa mai se mea sa latou tusia ma faamatala mai pe aisea na latou tusia ai. O le a se mea na latou aoaoina mai lenei vitio po o nei mau e uiga po o ai i latou ma po o le a le tulaga e mafai ona avea ai i latou? E mafai faapefea ona aafia i lenei malamalama ia filifiliga latou te faia? I le avea ai ma se vaega o lenei talanoaga, mafaufau e faasoa atu le saunoaga lenei mai ia Peresitene Gordon B. Hinckley: “O le faamoemoe atoa o le talalelei o le taitai atu lea o i tatou i luma ma luga ae i taunuuga maoae, seia oo lava i le avea ma atua” (“Aua Ne’i Pau le Polo,” Ensign po o le Liahona, Ian. 1995, 57).

3:40

Fai atu i alii talavou e faasoa mai mea na latou aoaoina i le aso. O a ni o latou lagona po o ni uunaiga? Pe o malamalama o ai i latou ma o ai e mafai ona avea ai i latou? Pe o i ai ni a latou fesili faaopoopo? Mata e aoga le faaaluina o se isi taimi i lenei autu?

Valaaulia e faatino

O le alii talavou o loo taitai e faaiuina le fonotaga. E mafai ona ia:

Faasoa atu lana molimau o i tatou o fanau a le Atua ma faamatala atu pe na faapefea ona taitaia e lenei molimau ana faatinoga.
Valaaulia ia alii talavou e mafaufau i se auala se tasi latou te faaaogaina ai a latou meaalofa ma taleni e faamanuiaina ai fanau a le Tama Faalelagi.