Talafou Sili Ona Lata Mai—O Le a Se Mea Fou mo le 2017?

Toe Faafou Anotusi o le 2017

E toatele faiaoga ma taitai o autalavou o loo tuufesili, “O le a se mea fou?” Ua toe faafou le Sau, Mulmuli Mai ia te Au mo le 2017 faatasi ai ma lauga o konafesi lata mai nei, o vitio, ma musika mai le Ekalesia. E mafai e faiaoga ma le autalavou ona maua anotusi aupito sili ona lata mai i le polokalama o le Potutusi o le Talalelei ma le uepisaite o le Sau, Mulimuli Mai ia te Au . O iunite o masina taitasi o loo i ai le sili atu o otootoga e aoao ai nai lo mea e mafai ona aoaoina i se masina, ma o le 146 o na otootoga o loo i ai punaoa fou pe ua toe faafouina ma gaoioiga e aoao ai. A o mafaufau loloto faiaoga i manaoga a o latou talavou, o le a latou iloa ai o manatu o gaoioiga tuai sa aoaoina i ni auala fou i tagata aoao fou o le a tutusa le mataalia e pei o le aoaoina o gaoioiga ua toe faafou ma [gaoioiga] fou.

Faaauauina le Atiaeina o Faiaoga

Ua fautuaina ia iunite o le lotoifale ina ia saunia ni aoaoga faifaipea i faiaoga o le Sau, Mulimuli Mai ia te Au e iloilo ai ma toe faamalosia ai ia mataupu faavae o le aoao atu i le ala a le Faaola. O fonotaga o aufono a faiaoga i masina taitasi i uarota ma paranesi, O Le Aoao Atu i le Ala a le Faaola, ma le vaega “Ia Amata” i luga o le uepisaite Sau, Mulimuli Mai ia te Au o le a avea o se punaoa taua. E mafai foi e faiaoga ma taitai o e masani lelei ma le Sau, Mulimuli Mai ia te Au ona fesoasoani i faiaoga o le autalavou sa valaauina talu ai nei.

Tusiga o Mekasini a le Ekalesia

O masina taitasi, e mafai ona e maua ni tusiga i mekasini o le New Era ma le Liahona lea e lagolagoina le autu faalemasina i le Sau, Mulimuli Mai ia te Au.

Aua ne’i Galo!

O le tele o punaoa faifai pea o loo maua e fesoasoani ai i faiaoga ma taitai ina ia saunia e aoao a latou talavou. O vitio e aoao atu ai e tuuina atu le eseese o auala e faaauai ai le autalavou i le aoaoina. O loo maua vitio nei i le itu taumatau o otootoga o lesona ma i le vaega o “Manatu e Aoao Mai Ai ma Aoao Atu” o le uepisaite. O le tele o lesona ua otootoina atu i le Sau, Mulimuli Mai ia te Au e aofia ai sootaga i le uepisaite fou Gaoioiga a le Autalavou, lea e aofia ai le silia ma le 160 manatu o gaoioiga ma e ofoina mai ni motugaafa mo le saunia mataalia o gaoioiga e faatatau i manaoga o le autalavou. E faaopoopo i ai, o loo i ai se DVD Sau, Mulimuli Mai ia te Au o loo i ai ni vitio mo le faaaogaina e le vasega ma mo le aoaoga a le faiaoga i faletusi (e lei faaopoopoina vitio fou i le DVD). E mafai foi ona sii mai nei vitio mai le initoneti.