Faaalia o Vitio

E mafai ona avea ala o faasalalauga ma se meafaigaluega ofoofogia e fesoasoani ai ia te oe e aoao atu ia mataupu faavae o le talalelei. E tele lesona i le Sau, Mulimuli Mai ia te Au ua i ai vitio e mafai ona e taina e faalautele ai le aafiaga e aoao ai. Peitai, afai e te taumafai e faaali se vitio i le sootaga faa-Initoneti i le falelotu, atonu o le a fai ma motu, feto’i, ma taofia. E manaomia lou vave sii maia o le vitio pe afai e te manao e faaaoga i lau vasega.

E tele ni auala e sii mai ai ma taina ia vitio i lou potuaoga. O le auala sili e faalagolago i a outou masini o i ai, o le aofai o lau vasega, ma masini faavitio o lo outou falelotu.

Auala 1: Komepiuta feaveai

I lau komepiuta feaveai, kiliki le sootaga o vitio o i le otootoga o le lesona.
A o soloa’i mai le vitio, o le a e vaaia se sootaga e Sii mai ai o loo i lalo ifo. Kiliki le Download.
Filifili le tele e te manao e sii mai. O faila e tetele atu e umi atu le taimi e sii mai ai, peitai e sili atu ona lelei.
A uma ona e filifilia le telē o se faila, e mafai ona otometi le sii mai o le vitio. Afai o le tulaga lena, ona sue lea i lau faila o Downloads.
Atonu e i ai le avanoa e te filifili ai po o fea e te manao e sefe ai le faila. Matou te fautuaina le sefe i luga o lau lau autu ina ia faigofie ai ona e sueina, ae e mafai lava ona e sefeina i soo se mea. Atonu e te manao e toe faaigoa le faila i se igoa e fesoasoani e te manatua ai po o le a le mea e faatatau i ai le vitio. A uma loa ona toe faaigoa le faila ma ua tonu le mea e te manao e sefe ai, ona kiliki lea o le Save.
Ona mafai lea ona e sau ma lau komepiuta feaveai i le vasega ma ta ai vitio na sii mai.

Auala 2: Tablet po o le Smartphone

Afai o i ai sau masini Apple po o le Android po o se smartphone, e mafai ona e sii maia vitio mai le LDS.org (mulimuli i laasaga lava e tasi o loo faamatala atu i le “Auala 1,” i luga) po o le Gospel Library app.

Ina ia sii mai vitio mai le Gospel Library app (masini o le Apple):

Alu i le vaega o le Manage Library o le Gosel Library app.
Filifili Vitio mai le lisi autu.
Filifili Autalavou: Sau, Mulimuli Mai ia te Au.
Faatonutonu agai i le vitio e te manao ai.
Oomi le faamau e sii mai ai, ona amata ai lea ona sii mai le vitio i lau masini.
A uma ona e sii maia le vitio, toe foi lea i le lisi autu. E mafai ona e maua le vitio ua sii mai i le vaega o Vitio o lau potutusi.

Ina ia sii mai ia vitio mai le Gospel Library app (Android devices):

Tagai i le otootoga e aoao ai, ma filifili le faamau o le Media Playback i le tulimanu taumatau i luga.
Filifili le Download Media.
O le isi taimi e te filifili ai le vitio, o le a ta mai ai ao e sii maia le faila mai lau masini nai lo le toe alu i le Initoneti.

Auala 3: DVD

I luga o lau komepiuta, kiliki le sootaga i le vitio o i le otootoga o le lesona.
A o soloa’i mai le vitio, o le a e vaaia se sootaga e Sii mai ai o loo i lalo ifo. Kiliki le Download.
Filifili le tele e te manao e sii mai. O faila e tetele atu e umi atu le taimi e sii mai ai, peitai e sili atu ona lelei.
A uma ona e filifilia le telē o se faila, e mafai ona otometi le sii mai o le vitio. Afai o le tulaga lena, ona sue lea i lau faila o Downloads.
Atonu e i ai le avanoa e te filifili ai po o fea e te manao e sefe ai le faila. Matou te fautuaina le sefe i luga o lau lau autu ina ia faigofie ai ona e sueina, ae e mafai lava ona e sefeina i soo se mea. Atonu e te manao e toe faaigoa le faila i se igoa e fesoasoani e te manatua ai po o le a le mea e faatatau i ai le vitio. A uma loa ona toe faaigoa le faila ma ua tonu le mea e te manao e sefe ai, ona kiliki lea o le Save.
Faaaogaina o le polokalama e pue ai DVD (atonu ua i ai i lau komepiuta lena polokalama, ma e tele polokalama e mauafua mai i le initoneti), fatufatu se DVD e tuu i ai se faasino autu ina ia mafai ai ona e faatonutonu agai i ai ma ta ia faila mai le laau e ta ai DVD mai lo outou falelotu. (Mulimuli i faatonuga o i le polokalama e pue ai DVD.)

E mafai ona e fuafua e sue se tasi i la outou uarota po o le siteki e mafai ona fatufautina ni DVDs mo faiaoga uma.