Ol Temple Odinens na Kavanen Rot
"Temple i stap namel tru long strongim feit na spirit bilong yumi bikos Seivia na doktrin bilong Em i stap olsem bel tru bilong temple. Olgeta samting yumi lainim insait long temple, thru long instraksen na thru long Spirit, i givim yumi moa save long Jisas Krais. Ol impoten odinens bilong Em i pasim yumi i go long Em thru long ol sekred prishud kavanen. Bihain, taim yumi kipim ol kavanen bilong yumi, Em i blesim yumi wantaim hiling bilong Em, i gat strongpela pawa." (Presiden Russell M. Nelson, “Temple na Spiritual Faundesen bilong Yu,” Jeneral Konferens, Oktoba 2021)
Kisim na kipim ol temple odinens em i impoten hap bilong komitmen long bihainim Jisas Krais. Em i helpim yu tu long redi long sampela de kam bek na stap wantaim Em na Papa bilong yumi long Heven. Yu ken mekim planti samting long redi. Stadim gospel bilong Jisas Krais na aplaim ol tising long laip bilong yu i mas stap insait. Kipim ol kavanen yu mekim pinis em i ki long redi bilong yu long temple.
Jisas i tis, “Dua em i hat tru long painim, na rot em i liklik tru, we i go long dispela laip, na liklik lain bai painim” (Matthew 7:14). Dispela dua yumi go insait long em i baptisim na dispela rot yumi bihainim em i gospel bilong Em. Baptisim i nambawan odinens bilong gospel na i mas kamap long dispela rot bilong kavanen i go bek long God.
Ol narapela odinens bai gaidim yu long dispela rot. Dispela em olsem kisim Holi Gos, kamap odein long Melkisedek Prishud (bilong ol man), kisim temple endaumen, na sil insait long temple. Ol sekred prishud odinens bai gat ol bikpela blesing Papa long Heven bai givim long ol pikinini bilong Em—amamas long stap wantaim Em na ol famili bilong yumi bihain long laip long ples graun.
Yu bai pilim pret liklik taim yu redi long temple. Pastaim long nambawan taim bilong yu, bai yu gat ol tingting long ol temple seremoni bai olsem wanem. Sampela samting bai nupela long yu, tasol planti samting bai kamap bai pilim wankain bikos olgeta i stap long gospel bilong Jisas Krais.
Yu no nid long save o tingim olgeta samting taim yu go long temple. Ol wokman long temple bai redi long helpim yu. Ol dispela lain i gat gutpela lav and pasin. Ol i stap long hap long mekim yu welkam na orait insait long haus bilong Bikpela.
Bikos yu baptais pinis, yu save long ol sampela samting long ol dispela odinens. Yu save ol i gat ol mining long ol simbol na long spirit. Eksampel, yu lainim olsem baptisim i gat simbol bilong klinim na bon gen. Yu putim waitpela kolos na go insait long wara. Wanpela i holim prishud i apim han bilong em na mekim ol toktok bilong odinens. Yu go aninit (insait) long wara na kamap olsem nupela man o meri. Yu klin na nogat doti na redim laip bilong yu long stap olsem feitful disaipol bilong Jisas Krais. Bihain long yu baptais, yu kisim dispela presen bilong Holi Gos taim ol i putim han antap long yu.
Taim yu baptais, yu mekim wanpela kavanen wantaim God. Yu promis yu bai wanbel long kisim nem bilong Jisas Krais antap long yu, olgeta taim tingim Em, na kipim ol komanmen bilong Em, na sevim Em i go long pinis. Olsem memba bilong Sios bilong Em, yu ken tingim bek dispela baptisim na ol narapela kavanen taim yu kisim sakramen.
Ol temple odinens i bihainim ol dispela rot. Yu bai putim waitpela kolos, lainim plen bilong God, na tek pat long ol seremoni i sekred na i gat simbol. Yu bai gat promis long ol blesing taim yu mekim kavanen long bihainim ol tising na eksampel bilong Jisas Krais.
Tingim olsem olgeta samting insait long temple i pointim yumi i go long Seivia na Papa long Heven. Olgeta samting i mas liptimapim na givim gutpela tingting.
Ol Klinpela Han na Bel i Piua
Long buk bilong Psalms, yumi kisim askim, “Husat bai go antap long maunten bilong Bikpela? o husat bai sanap long ol holi ples? Em husat i gat klinpela han, na bel i piua” (Psalm 24:3–4). Dispela maunten bilong Bikpela em i temple bilong Em. Tupela samting ol i kolim long go insait—klinpela han na bel i piua.
Elda David A. Bednar i tok: “Mi bai sagestim olsem ol han i save kamap klin long proses bilong rausim dispela man i nogat spirit na taim yumi winim sin na pasin nogut long laip bilong yumi thru long Atonmen bilong Seivia. Ol bel i kamap klin taim yumi kisim strongpela pawa bilong Em long mekim gut na kamap moa beta. Olgeta gutpela laik na gutpela wok, olsem ol i impoten, i no inap kamapim klinpela han na bel i piua. Em Atonmen bilong Jisas Krais i givim tupela wantaim klinim na ridiming pawa i helpim yumi winim ol sin na kisim strongpela pawa i helpim yumi kamap moa beta na ino long strong bilong yumi yet. Atonmen i nogat pinis bilong em i bilong sin man na seint insait long yumi wanwan” (“Klinpela Han na Bel i Piua,” Ensign o Liahona, Nov. 2007, 82).
Taim yu redi long temple, yu bai lukim bisop bilong yu. Yu bai bungim tu steik presiden, sapos yu bai kisim endaumen bilong yu o kisim siling. Ol bai wanwan holim wanpela temple rekomen intaviu. Yu bai serim ol tingting na piling bilong yu wantaim ol, na ol bai givim yu gutpela kaunsel. Taim yu bekim ol kwesten bilong ol, yu bai tok stret olsem yu gat "klinpela han na bel i piua." Yu bai tok olsem yu woti na wanbel long go insait long temple, tek pat long ol sekred odinens na kipim ol kavanen bilong yu.
Ol Sekred Kavanen i Bilong Yu Yet na i Gat Pawa
Taim yu go het long kavanen rot i go long temple, yu bai stat long tok tenkyu long ol blesing bilong ol sekred odinens long laip bilong yu moa yet. Hia em ol sampela samting long tingim long impotens bilong ol kavanen:
1. Ol kavanen bai strongim sindaun bilong yu wantaim Papa long Heven na Jisas Krais.
Kavanen em i olsem sekred promis namel long God na ol pikinini bilong Em. Dispela definisen i orait, tasol em i no pinis gut. Kavanen i bikpela moa long wanpela kontrak. Em i komitmen bilong yumi wanwan na i strongim sindaun bilong yumi wantaim God. Ol kavanen i kamapim sekred bon wantaim God na ol pikinini bilong Em. Ol i riniwim spirit bilong yumi, senisim bel bilong yumi na helpim yumi kamap yunait wantaim Em. Taim yu feitful long kavanen bilong yu, divosen bilong yu long Papa long Heven na Jisas Krais bai pulap. Ol piling bilong tenkyu bai pulap. Pasin bilong yu long lavim na sevim ol narapela bai gro. Na ol blesing i promis long temple bai ron olsem wara kam insait long laip bilong yu.
2. Ol kavanen bai helpim yu fokas long ol samting i impoten moa long yu.
Long laip bilong yu, yu bai pesim ol sois i nidim taim bilong yu, strong bilong yu, na ol risoses bilong yu. Planti gutpela sois bai resis wantaim ol narapela i gutpela tu. Hau bai yu sus?
Presiden Dallin H. Oaks i tis: “Bikos samting i gutpela i no min em i gutpela as long mekim. … Sampela samting i moa beta long gutpela, na ol dispela em ol samting i mas kisim nambawan atensen long laip bilong yumi. … Sampela yus long ol taim bilong yumi yet o famili taim i gutpela moa, na ol narapela i gutpela stret. Yumi mas lusim ol sampela samting i go bai yumi susim ol narapela i gutpela tru o stret bikos ol bai mekim feit bilong yumi long Jisas Krais i bikpela na strongim ol famili bilong yumi.” (“Gutpela, Gutpela Moa, Gutpela Stret,” Ensign o Liahona, Nov. 2007, 104, 107).
Thru long ol kavanen, God i helpim yumi klia gut long ol as bilong lo, ol prektis, na ol promis Em i save i gutpela stret bilong yumi. Yumi ken kisim moa tingting long ol samting i impoten na mekim ol wais sois taim yumi fokas pastaim long ol dispela sekred komitmen yumi mekim wantaim God.
3. Ol temple odinens na ol kavanen bai blesim yu na ol narapela.
Taim yu kisim endaumen bilong yu o sil i go long man o meri bilong yu o famili bilong yu, yu bai lusim temple wantaim ol promis i kam long Bikpela stret long yu. I no ol promis long ol sampela profet bilong bipo tasol o pipol, tasol promis i mekim long yu. Yu mas klia gut long ol na mining bilong ol long laip bilong yu.
Bihain long yu kisim ol odinens bilong yu yet, yu ken go bek long temple long kisim ol odinens bilong ol narapela husat i dai pinis. Yu gat spesel wok long painim ol tumbuna bilong yu na mekim wok bilong ol bai ol i ken kisim ol temple odinens. Sevis bilong yu bai blesim ol laip bilong ol na helpim yu tingim ol promis na blesing bilong yu.
Traim long Tingim na Go bek.
Taim yu redi long tek pat long ol temple odinens, tingim olsem God i Papa Oltaim bilong yu na Jisas Krais i Ridima bilong yu. Ol i save long yu wanwan. Ol i lavim yu tumas. Taim yu kipim ol kavanen bilong yu, yu bai kisim blesing long dispela laip na narapela laip.
Yu nap tingim wanpela taim yu pilim klostu tru long Papa long Heven na Jisas Krais? Ol dispela piling bai gro long temple. Temple em i stap long hap i nogat ol samting bai paulim tingting bilong yu, ol wari na ol pasin nogut bilong laip. Long dispela holi ples, yu bai tingim bek olsem yu na ol lain yu lavim i stap long ples graun long sampela bikpela wok. Yu bai painim ol bikpela bel isi, kamfot, gaidens, na hop.
Yu bai tu painim olsem ol blesing bilong temple bai go insait long bel bilong yu na liptim sol bilong yu. Go bek long temple taim yu gat sans. Taim yu mekim, yu bai klia moa long lav bilong God na Jisas Krais i gat long yu na olgeta pipol. Sapos yu lusim temple tu, Holi Gos bai go het long tisim yu. Em bai rimainim yu long wanem yu ekspiriensim, wanem yu pilim, na hau yu ken stap olsem God i laikim.
Taim yu redi long temple, tingim olsem God i laikim yu klostu long Em. Em i givim temple bilong Em olsem spesel ples long kam klostu long Em. Amamas bilong yu oltaim i amamas bilong Em. Em i givim blesing bilong temple long kisim yumi go bek long Em. Askim long helpim bilong Em taim yu redi na serim wokabaut bilong yu wantaim Em. Em bai gaidim yu. Em bai givim yu gutpela tingting. Na Em bai helpim yu long dispela rot.
