Mga Kandidato sa Pangserbisyo nga Misyon ug mga Ginikanan
Ang pagpangalagad sa Manluluwas maoy ehemplo sa duha ka dako nga sugo: “Higugmaa ang Ginoo nga imong Dios sa tibuok mong kasingkasing, ug sa tibuok mong kalag, ug sa tibuok mong hunahuna” ug “Higugmaa ang imong isigkatawo sama sa imong kaugalingon” (Mateo 22:37, 39). Kon moserbisyo kita sa atong mga silingan, kita nagpakita og gugma sa atong Langitnong Amahan: “Kon kamo anaa sa pag-alagad sa inyong isigkatawo kamo anaa lamang sa pag-alagad sa inyong Dios” (Mosiah 2:17).
Welcome sa Pangserbisyo nga mga Misyon
Service Missions Family Orientation | Elder W. Mark Bassett
Service Missions: Elder Quade’s Story
Tamdanan nga Basahon sa Pangserbisyo nga Misyonaryo
Ang Mga Sumbanan sa Misyonaryo alang sa mga Disipulo ni Jesukristo—Pangserbisyo nga mga Misyon mao ang tamdanan nga basahon sa misyon nga gihatag ngadto sa matag batan-ong pangserbisyo nga misyonaryo. Ang tamdanan nga basahon maghatag og tambag ug giya mahitungod sa mga hilisgotan sama sa pasalig nga magserbisyo sa Ginoo, personal nga kinaiya, ug inadlaw nga eskedyul. Sa dili pa magsugod sa pangserbisyo nga misyon, ang mga misyonaryo kinahanglan nga magmainampingong morebyo sa tamdanan nga bahason uban sa ilang mga ginikanan ug sa presidente sa stake.
Pagpahiangay ngadto sa Kinabuhi sa Pangserbisyo nga Misyonaryo
Ang usa ka pangserbisyo nga misyon mahimong makalipay ug makaugtas. Ang kakugi ug serbisyo napamatud-an nga mga himan sa pagdumala sa kaguol, pagkawala sa paglaom, ug kakapoy. Kini importante alang ni bisan kinsa nga nalambigit sa buhat sa Ginoo, sa kasamtangan ug inigkahuman sa misyonaryo nga pagserbisyo. Apan ang kakugi ug serbisyo dili lamang mao ang inyong mga himan. Ang ubang mga kapanguhaan naglakip sa propesyonal nga tabang, mga panalangin sa pagkapari, tambag gikan sa sinati nga mga hamtong, ug Pagpahiangay ngadto sa Kinabuhi sa Pangserbisyo nga Misyonaryo: Booklet nga Kapanguhaan. Ang Ginoo motabang kanimo sa pag-ugmad og mga kahanas ug mga kinaiya nga makatabang kanimo sa paglampos samtang ikaw magserbisyo ug mangalagad sa uban.
Komon nga mga Pangutana
Ang mga ginikanan motabang sa pag-ila sa mga interes, mga abilidad, ug mga talento sa umaabot nga pangserbisyo nga misyonaryo. Sila mohatag sa mga lider sa pagkapari ug sa mga lider sa pangserbisyo nga misyon og mga panabot sa mga pamaagi nga ang pangserbisyo nga misyonaryo makaserbisyo sa epektibong paagi. Ang mga ginikanan makahatag usab og mga ideya sa pagtino unsa nga mga oportunidad sa pagserbisyo ang labing haom alang sa misyonaryo. Mopasalig sila sa paghatag sa suporta nga gikinahanglan atol sa misyon, sama sa pag-follow up sa matag adlaw nga mga kalihokan, paghatag og pang-transportasyon kon gikinahanglan, paggasto sa medikal ug mga galastohan sa sakyanan kon gikinahanglan, ug pagtanyag og mahigugmaong suporta.
Ang mga batan-ong lalaki ug mga batan-ong babaye nga dunay tinguha nga moserbisyo og misyon ug takos nga mohimo niini mokompleto og usa ka online nga porma sa rekomendasyon nga i-proseso sa presidente sa stake. Base sa impormasyon nga gihatag diha sa aplikasyon, lakip ang pagtimbangtimbang sa bishop, sa presidente sa stake, ug sa mga propesyonal sa medikal, ang gimbuhaton sa pangserbisyo nga misyon himoon. Ang Korum sa Napulog Duha ug mga General Authority Seventy modumala sa proseso sa rekomendasyon sa misyon, ug ang tawag sa pagkamisyonaryo i-isyu gikan sa Ginoo pinaagi sa Iyang propeta.
Dili. Ang tanang aplikante gikonsiderar alang sa pangtudlo nga mga misyon. Ang batan-ong mga lalaki ug mga babaye kansang mga sirkumstansiya labing haom alang sa usa ka pangserbisyo nga misyon i-assign isip pangserbisyo nga mga misyonaryo. Kon ang usa ka aplikante tawagon isip pangserbisyo nga misyonaryo, ang tawag maggikan sa propeta, ug ang pagserbisyo ipahaom sa talagsaong mga talento, mga kahanas, ug mga gasa sa aplikante ug sa lokal nga palibot.
Ang batan-ong mga lalaki ug batan-ong mga babaye kansang mga talento ug mga sirkumstansiya labing haom alang sa usa ka pangserbisyo nga misyon tawagon nga mahimong pangserbisyo nga mga misyonaryo. Kini nga pagtimbangtimbang himoon atol sa pagproseso sa rekomendasyon sa misyonaryo o human ang indibidwal makaserbisyo og porsiyon sa pangtudlo nga misyon ug mauli sa dili pa mahuman ang gilaoman nga petsa sa pagkompleto. Ang usa ka pangserbisyo nga misyonaryo gitawag sa Ginoo pinaagi sa Iyang propeta aron moserbisyo diha sa usa ka palibot nga gitakdo sa talagsaon nga paagi ngadto sa iyang mga talento, mga kahanas ug mga gasa.
Human ang usa ka batan-ong lalaki o batan-ong babaye matawag nga moserbisyo isip pangserbisyo nga misyonaryo, ang usa ka gipahaom nga pagtakdo sa mga talento, mga kahanas, ug mga gasa sa misyonaryo himoon sa mga lider sa pangserbisyo nga misyon ubos sa direksiyon sa presidente sa misyon. Ang misyonaryo ug ang iyang mga ginikanan motabang usab. Ang mga gimbuhaton mahimong usbon atol sa misyon.
Ang pangserbisyo nga mga misyonaryo moserbisyo sa aprobadong matinabangon nga mga organisasyon ug mga ahensiya sa gobyerno (sama sa mga pundohanan og pagkaon, mga pagserbisyo sa refugee, mga kasilongan, mga eskwelahan), mga organisasyon nga gipadagan sa Simbahan (sama sa mga balay tipiganan, mga buhatan sa delata, mga templo, mga seminary, ug mga institute), o sa mga gimbuhaton gikan sa ilang lokal nga mga lider sa Simbahan.
Ang pangserbisyo nga mga misyonaryo mopuyo sa balay ug moserbisyo sa lokal nga komunidad. Sa pipila ka talagsa nga sitwasyon, ang pangserbisyo nga mga misyonaryo tingali makadawat og pagtugot nga moserbisyo layo sa ilang panimalay samtang magpuyo uban sa mga paryente. Dili gayod mahimo nga ang pangserbisyo nga mga misyonaryo magpuyo nga siya ra.
Ang pangserbisyo nga mga misyonaryo kanunayng magsul-ob sa name badge sa pangserbisyo nga misyonaryo atol sa ilang pagserbisyo ug pagtudlo nga mga buluhaton, atol sa mga miting sa misyon, ug sa Dominggo nga mga miting sa Simbahan. Magsul-ob usab sila sa name badge sa laing mga higayon.
Dili. Ang pakig-date wala itugot alang sa pangserbisyo nga mga misyonaryo atol sa ilang mga misyon. Ang pangserbisyo nga mga misyonaryo makaapil sa mga kalihokan sa ward, stake, ug young single adult.
Ang pangserbisyo nga mga misyonaryo ug ang ilang mga pamilya maoy responsable sa mga galastohan kalabot sa misyonaryo nga pagserbisyo. Kini nga mga galastohan maglakip apan dili limitado sa transportasyon, pagkaon, sinina, medikal, dental, ug insurance sa sakyanan. Ang pangserbisyo nga mga misyonaryo maoy responsable sa transportasyon paingon ug gikan sa ilang mga lokasyon nga serbisyohan. Ang pangserbisyo nga mga misyonaryo walay madawat nga suportang pinansyal gikan sa General Missionary Fund [Kinatibuk-ang Pundo sa Misyonaryo].
Bisan ang pangserbisyo nga mga misyonaryo walay mga kompanyon sama sa pangtudlo nga mga misyonaryo, ang ilang mga lider sa pangserbisyo nga misyon pwedeng maghimo og mga kompanyon alang sa pagtuon sa ebanghelyo ug ubang mga kalihokan nga may kalabotan sa misyon. Ang ilang kasegurohan ug kaayohan mao ang unang prayoridad. Ang mga lider sa pangserbisyo nga misyon ug mga ginikanan moseguro nga adunay igong suporta, superbisyon, ug proteksiyon atol sa inadlaw nga eskedyul sa pagserbisyo sa pangserbisyo nga misyonaryo.
Oo. Ang presidente sa misyon ug mga lider sa pangserbisyo nga misyon mohatag og tukma nga mga oportunidad sa pagpalambo sa pagpangulo sa mga misyonaryo isip kabahin sa ilang kasinatian sa misyon. Ang mga tahas sa pagkalider sa mga misyonaryo mahimong ihatag ngadto sa mga sister ug mga elder.
Oo. Girekord kini sa samang paagi sa usa ka pangtudlo nga misyon.
Dili. Ang pangserbisyo nga misyonaryo kinahanglan nga mabalhin ngadto sa panarbaho o human sa high school nga pagbansay o edukasyon.
Palihog tan-awa sa Reassignment sa Nauli og Sayo nga seksiyon sa Gipahaom nga Kasinatian nga pahina.
Ang misyonaryo mahimong i-reassign nga moserbisyo sulod sa panahon igo nga makompleto ang nahibilin sa 18 o 24 ka bulan sa pagserbisyo.
Ang mga konsiderasyon nga malayo sa peligro ug sa risgo maoy importante kaayong prayoridad alang sa kaayohan sa misyonaryo, sa Simbahan, ug sa matinabangon nga mga organisasyon sa komunidad. Ang tanan nga gimbuhaton sa matinabangon nga organisasyon ug ubang komunidad magkinahanglan daan og sinulat nga kasabotan nga moprotekta sa mga interes sa misyonaryo ug sa Simbahan. Kinahanglan kini nga adunay pakigsabot pinaagi sa Missionary Department ug sa Opisina sa Pangserbisyo nga Misyon. Ang pihong mga matang sa mga kalihokan gidili o gilimitahan kay kini nagpakita og mas dako nga risgo ngadto sa mga indibidwal ug sa mga organisasyon. Ang pangserbisyo nga mga misyonaryo dili moapil sa mosunod nga matang sa mga kalihokan ubos sa bisan unsang mga sitwasyon nga:
Walay superbisyon, usa-usa nga pakig-inter-aksiyon sa mga bata o huyang nga mga hamtong
Moligo, mobantay og bata, o mohatag og ubang susama nga matang sa personal nga mga serbisyo
Mopadagan og mga makinarya, ekipo, o mga sakyanan nga walay tukmang pagbansay o sertipikasyon
Ang uban pang dako og risgo nga mga oportunidad sa pagserbisyo nga himoon sa pangserbisyo nga mga misyonaryo diha sa mga organisasyon sa komunidad mainampingong gidumala pinaagi sa mga kasabotan. Ang susamang dako og risgo nga mga oportunidad sa pagserbisyo diha sa mga organisasyon nga gipadagan sa Simbahan ug diha sa mga lokasyon nga gisangon ngadto sa stake, gidumala pinaagi sa palisiya ug pagbansay. Kini nga dako og risgo nga mga kalihokan naglakip sa:
Pagtudlo o pag-mentor diha sa mga pundok.
Paggunit o pag-angkon og bisan unsa nga cash, securities, o uban pang bililhon nga mga butang.
Paghatag og propesyonal nga opinyon.
Mopadagan og mga makinarya, ekipo, o mga sakyanan nga walay tukmang pagbansay o sertipikasyon.
Ang pangserbisyo nga mga misyonaryo mamulong sa miting sa sakramento sa dili pa ug human sa ilang mga misyon, modawat sa samang pasidungog sa pangtudlo nga mga misyon (mga plaque sa misyon, mga bulletin, mga newsletter, ug uban pa), ug moreport ngadto sa high council human makakompleto sa ilang mga misyon.
Sa Summary
Ang pangserbisyo nga mga misyon mokomplemento sa pangtudlo nga mga misyon pinaagi sa pagtugot sa uban nga makasinati sa gugma sa Dios pinaagi sa pagdawat og sama kang Kristo nga pagserbisyo. Karon labaw pa kay sa kaniadto, ang batan-ong mga babaye ug lalaki nga adunay tinguha sa pagserbisyo mahatagan sa oportunidad sa pagpauswag sa buhat sa Ginoo isip usa ka misyonaryo. Mamahimo kining talagsaon nga panalangin sa mga misyonaryo, sa ilang mga pamilya, ug ngadto sa ilang mga serbisyohan.