Taitai

Auaunaga Faamisiona- Auauna Atu i Isi e Pei o le a Faia e le Faaola
Sii Mai: Laitiiti (360p), Feololo (720p), Telē (1080p)

O se Misiona o Auaunaga O se Valaauga mai le Perofeta e Auauna Atu Sii Mai: Laitiiti (360p), Feololo (720p), Telē (1080p)

• Misiona o Auaunaga: O Se Taiala mo Epikopo
• Misiona o Auaunaga: O Se Taiala mo Peresitene o Siteki ma Itu
• Misiona o Auaunaga: O Se Taiala mo Fitugafulu Eria
• Misiona o Auaunaga: O Se Taiala mo Matua po o Tagata e Vaaia [le faifeautala’i] ma Aiga
• O Fautuaga Aoga mo Taitai Perisitua

E mafai ona i ai i taitai perisitua ni faatosinaga lelei ma tumau i soifuaga o tagata talosaga, matua ma tagata o le uarota ao latou aoao atu mataupu faavae autu nei:

• O valaauga ma tofiga taitasi o le misiona, po o le toe suia o se tofiga mulimuli ane, o se taunuuga lea o faaaliga e ala mai i auauna a le Alii.
• O se valaauga i le galuega a le o se faifeautala’i tala’i po o faifeautala’i o auaunaga e sau mai le Atua e ala mai le Peresitene o le Ekalesia.
• O meaalofa faaleagaga o valoaga ma faaaliga e i ai i valaauga ma tofiga uma o le misiona.

E tatau i taitai faalotoifale ona:

• Manatua, e leai ni tagata le atoatoa le malosi pe i ai ni manaoga faapitoa i fofoga o le Alii. O fanau taitoatasi a le Tama Faalelagi ua faamanuiaina i ni faamanuiaga faaleagaga tulaga ese.
• Filifili tatau a latou upu pe a talanoa atu i tagata lotu ma matua e uiga i misiona o auaunaga. E latou te faatulagaina le tulaga e tatau ona vaavaai ai i valaauga ma aafiaga.
• Ia faamamafa atu o le misiona tala’i ma le misiona o auaunaga o osigataulaga e talia i luma o le Alii ma e tatau ona aloese mai i le faaaogaina o faaupuga “misiona moi,” “misiona masani,” po o le “misiona faatulagaina” pe a talanoa e uiga i le misiona tala’i. O faifeautala’i uma lava o sui o le Alii ma o i latou o Ona sui i le galuega o le faaolataga.
• Ia aoao atu o faifeautala’i uma ua fai ma sui o le Alii ma o Ona sui i le galuega o le faaolataga.

O aliii ma tamaitai talavou uma ua i ai le manao e auauna atu ma ua agavaa e faatumu le pepa mo talosaga i luga o upega tafailagi e faagaoioia e le epikopo ma le peresitene o le siteki. E faavae i faamatalaga o loo i totonu o le talosaga, faatasi ai, ma le iloiloga a le epikopo, peresitene o le siteki, ma fomai, ua ono mafai ai loa ona faia se tofiga o le faifeautala’i o auaunaga. O le Korama a Aposetolo e Toasefululua ma le Pulega Aoao a Fitugafulu latou te vaaia ia le faagasologa o le fautuaina atu ma o le valaauga o le faifeautala’i e aumai mai le Alii e ala mai i Lana perofeta.

O se faifeautala’i o talosaga e na te le filifilia po o le fea le ituaiga misiona o le a ia auauna atu ai. O talosaga uma e iloiloina muamua mo misiona tala’i. O alii ma tamaitai talavou o e e sili ona talafeagai o latou tulaga mo misiona auauna atu, e valaauina o ni faifeautala’i o auaunaga. Afai e valaauina se tagata na talosaga i se misiona o auaunaga, o le auaunaga a le tagata o le a fua faatatau i ana taleni, tomai ma meaalofa ma le siosiomaga faalotoifale.

O faifeautala’i o auaunaga e tautua i faalapotopotoga fesoasoani alofa faamaoniaina i nuu (e pei o nofoaga e faaputu ai mea taumafa, nofoaga o tagata sulufai, po o malutaga), o galuega a le Ekalesia (e pei o fale teu meaai, fale tuu apa ai meaai, malumalu, seminare ma inisitituti), po o ni tofiga mai o latou taitai faalesiteki po o le epikopo. O leJustServe.org atonu o se punaoa aoga mo le faailoaina o avanoa o auaunaga fesoasoani alofa.

O faifeautala’i o auaunaga o loo nonofo i nofoaga maotua e ono manaomia ona faalagolago tele i ituaiga eseese o faalapotopotoga o fesoasoani alofa i nuu ma auaunaga e tofiaina e le siteki e i ai falemai ma gaoioiga o auaunaga faalelotoifale.

A uma ona valaauina se alii po o se tamaitai talavou e auauna atu o se faifeautala’i o auaunaga, ona feiloai lea o taitai misiona o le auaunaga ma le faifeautala’i ma lona aiga e fatu se misiona patino e fetaui ma taleni ma gafatia o le faifeautala’i. E ono mafai ona fetuunai ia tofiga i le taimi o le misiona.

O faifeautala’i o auaunaga e nonofo lava i le aiga ma auauna atu i le lotoifale. I nisi tulaga e seāseā ona tupu, e ono maua se faatagaga mo faifeautala’i o auaunaga e auauna atu ai i nofoaga e ese mai o latou aiga, ao nonofo ma o latou tauaiga. O ni fetuunaiga faapitoa e tatau ona faia i faatalanoaga ma se fautuaga ma le peresiene o le siteki, matua o le faifeautala’i, ma le Ofisa o Misiona o Auaunaga. Afai e nofo le faifeautala’i o auaunaga ma tauaiga i se isi siteki, ona ave lea o ona pepa faamaumau i le mea o loo nofo ai, ma e faaauau e le peresitene o le siteki a lona tauaiga le tiutetauave faaletaitai o le ekalesia mo le faifeautala’i o auaunaga. E matua leai lava se tulaga o le a nofo toatasi ai se faifeautala’i o auaunaga.

O faifeautala’i o auaunaga e fai i taimi uma a latou pine faafaifeautala’i i o latou tofiga o auaunaga ma aoaoga, i fonotaga a le misiona o auaunaga, ma i sauniga a le Ekalesia i Aso Sa. E mafai foi ona fai a latou pine o igoa i isi taimi.

Leai. E le faatagaina le tafafao faamasani o faifeautala’i o auaunaga i le taimi o a latou misiona. E mafai ona auai faifeautala’i o auaunaga i gaoioiga faaleuarota, siteki po o le autalavou nofofua matutua.

O faifeautala’i o auaunaga ma o latou aiga e nafa ma tupe faaalu e faatatau i a latou misiona o auaunaga. O tupe faaalu faaleaiga e aofia ai ae le na o le pau lea, femalagaaiga, meaai, lavalava, ma tausiga faafomai, nifo, ma inisiua o taavale. O faifeautala’i o auaunaga e nafa ma femalagaaiga i le alu ma le sau mai nofoaga o a latou auaunaga. E le maua e faifeautala’i o auaunaga se lagolago tautupe mai le Tupe Lautele mo Faifeautala’i.

E ui lava e leai ni soa a faifeautala’i o auaunaga e pei ona faia e faifeautala’i tala’i, ae e mafai e o latou taitai misiona o auaunaga ona fatuina ni soa mo le suesueina o le talalelei ma isi gaoioiga e faatatau i le misiona. O lo latou saogalemu ma le soifua manuia o mea e sili ona faamuamua. E faamautinoa e taitai o misiona o auaunaga ma matua o loo i ai le lagolago talafeagai, vaavaaiga ma le puipuiga i taimi o galuega faatulagaina i aso uma a faifeautala’i o auaunaga.

Ioe. E tuuina atu e taitai misiona o auaunaga ni avanoa talafeagai e atinae ai tulaga faaletaitai i faifeautala’i o se vaega o a latou aafiaga faalemisiona. O matafaioi faaletaitai e avanoa mo tamaitai ma alii faifeautala’i.

Ioe. E faamaumauina i le ala lava e tasi e pei o se misiona tala’i.

E mafai ese peresitene o le siteki ona faamaloloina ma le mamalu se alii po o se tamaitai talavou ua ia mautinoa ua le gafatia ona auauna atu a le o se misiona tala’i po o se misiona o auaunaga. Peitai, e le faia e se peresitene o le siteki se faaiuga pe valaauina se tagata talosaga i se misiona tala’i po o se misiona o auaunaga. E faaauau lava e le peresitene o le siteki ona tuu atu pea fautuaga i luga o upega tafailagi mo alii po o tamaitai talavou matutua e valaauina a le o ni faifeautala’i tala’i po o ni faifeautala’i o auaunaga.

Leai. Ae peitai, o le toatele o alii faifeautala’i o auaunaga e latou te umia le Perisitua Mekisateko. Afai e lagona e taitai perisitua e lei saunia se alii talavou e umia le Perisitua Mekisateko, e tatau ona ia umia le Perisitua Arona.

O faifeautala’i o auaunaga e tatau ona agavaa mo le malumalu. I le lautele, e tatau i faifeautala’i o auaunaga ona maua o latou faaeega paia. Ae peitai, o epikopo ma peresitene o siteki e latou te tuuina atu fautuaga i faifeautala’i o auaunaga ina iloa ai po ua saunia ma mafai ona maua faaeega paia.

Ioe. Ua tofia faifeautala’i o auaunaga e auauna atu i lalo o le peresitene o le misiona i le misiona o loo latou nonofo ai. O taitai misiona o auaunaga, i lalo o le taitaiga a le peresitene o le misiona, e tuuina atu le taitaiga ma le lagolago i aso taitasi mo faifeautala’i o auaunaga. E latou te galulue faapa’aga ma le peresitene o le siteki o le faifeautala’i o auaunaga, o lē o loo umia ki faale-ekalesia mo le faifeautala’i.

O le peresitene o le siteki o le taitai faaleperisitua mo le faifeautala’i o auaunaga ma e tali atu i soligatulafono matuia e tuai ona ta’uta’u atu e pei ona taitaia ai e le Agaga Paia, e pei ona ia faia i soo se tagata o lana siteki. Afai e le mautonu o ia i le mea e fai, e mafai ona talanoa i ona fesoasoani, po o le Fitugafulu Eria e taitaifono i le fono faamaopoopo po o se sui o le Au Peresitene o le Eria. Afai e mafai ona faamae’a le faagasologa o le salamo i le taimi o faaauau ai le auaunaga o se faifeautala’i o auaunaga, e mafai e le faifeautala’i o auaunaga ona faaauau lana misiona o auaunaga. Afai e faia se fono aoai aloaia a le Ekalesia, e tatau ona faamaloloina le faifeautala’i o auaunaga, ma e tatau ona logoina le Matagaluega mo Faifeautala’i i le laumua o le Ekalesia.

Afai e iloa mulimuli ane e le taitai misiona po o le pule o auaunaga i fafo soo se solitulafono pe na tuai ona ta’uta’u atu, e tatau ona faasino vave atu le faifeautala’i o auaunaga i lana peresitene o le siteki

O se faifeautala’i o auaunaga ua faamaloloina ae le’i uma lana misiona ona o mafuaaga o le agavaa, e masani lava ona le toe valaaulia. I ni tulaga e seasea ona tupu, o i latou e mananao ia toe valaaulia o se faifeautala’i o auaunaga ina ua uma ona faamalolo vave ona o mafuaaga o le agavaa, e tatau ona galue e ala mai i lana peresitene o le siteki. Afai e lagona e le peresitene o le siteki e mafai ona ave i ai se isi avanoa, e tatau ona ia auina atu se talosaga i le Matagaluega mo Faifeautala’i. O nei talosaga mo le toe faaaogaina e iloiloina e le Au Pulega Aoao ua tofiaina i le Matagaluega mo Faifeautala’i.

A maea loa ona valaauina i se misiona o auaunaga, o le tulaga masani, o se faifeautala’i o auaunaga e le toe tofia e avea ma se faifeautala’i tala’i. Afai o le tulaga na taofia ai le auaunaga o se faifeautala’i tala’i e ogaoga ma suia faaletino, e ono mafai ona toe talosaga i le Matagaluega o Faifeautala’i mo se toeiloiloga.

I lalo o le taitaiga a le peresitene o le misiona, e mafai e faifeautala’i o auaunaga ona galulue faatasi ma auai i tofiga o aoaoga faatasi ma faifeautala’i tala’i. E mafai foi e le peresitene o le misiona ona galulue faatasi ma faifeautala’i o auaunaga o e malolosi le manao ia tofia e avea ma faifeautala’i tala’i.

O fuafuaga o le saogalemu ma lamatiaga o le faifeautala’i o mea faamuamua na mo le faifeautala’i, le Ekalesia ma faalapotopotoga o fesoasoaniga alofa i nuu. O tofiga uma mo faalapotopotoga o fesoasoaniga alofa ma nuu e manaomia ai se maliliega tusitusia e puipui ai le ta’uleleia o le faifeautala’i ma le Ekalesia. O le mea lea e tatau ona faamaopoopo e ala atu i le Matagaluega mo Faifeautala’i ma le Ofisa o Misiona o Auaunaga. E i ai ituaiga o gaoioiga e le faatagaina pe faasaina ona e ono tulai mai ai se lamatiaga i tagata ma faalapotopotoga. E le tatau ona auai faifeautala’i o auaunaga i ituaiga gaoioiga o loo taua i lalo i soo se tulaga lava:

• Fesootaiga taitoatasi ma tamaiti po o ni tagata matutua e ono aafia e aunoa ma se tagata e vaaia.
• Faataele, vaaia o tamaiti po o le tuuina atu foi o isi auaunaga patino e talitutusa.
• O le faafoeina o masini po o taavale e aunoa ma aoaoga faamasani talafeagai po o se faamaoniga e faafoe ai.

O isi avanoa o auaunaga e tele so latou lamatiaga e faia e faifeautala’i o auaunaga i faalapotopotoga mo fesoasoaniga alofa e faia ma le faaeteete e ala i ni maliliega. E faapena foi nisi avanoa o auaunaga e tele sona lamatiaga i galuega a le Ekalesia ma isi galuega totofi mai le siteki e taulima e ala i aiaiga masani ma aoaoga faamasani. O nisi nei o gaoioiga e maualuga lo latou lamatiaga e i ai:

• O le faiaoga po o le faufautua i tulaga o vaega.
• Taulimaina po o le umiaina o soo se tinoitupe, faamaoniga, po o isi mea taua.
• Tuuina atu o se manatu faaalia faapolofesa.
• Faafoeina o masini, mea e faaaoga, po o ni taavale e aunoa ma se aoaoga faamasani talafeagai po o se faamaoniga e faafoe ai.

Leai. O faifeautala’i o auaunaga e tatau ona faasolo atu i le sailia o ni galuega po o aoaoga faamasani i le maea ai o aoga maualuga po o le aotauina.

Ioe. E mafai ona toe valaauina se faifeautala’i e auauna mo se taimi talafeagai e faaatoa ai le 18 po o le 24 masina o le auaunaga.

Faamolemole tagai i le vaega Toe Valaauina o faifeautala’i e Vave Foi i Aiga i le itulau Aafiaga Faapitoa.

O faifeautala’i tala’i ua toe foi mai i aiga mo mafuaaga faafomai ua uunaia malosi ina ia suia vave i se misiona o auaunaga. A faaleleia faafomai, e mafai ona toe foi atu le faifeautala’i i lana misiona tala’i na muai tofia i ai.

Afai o se faifeautala’i tala’i na vave ona foi i le fale mai lana misiona ma ua toe tofia i se misiona o auaunaga, e le manaomia ona toe vaetofiaina. Ae peitai, e faamalosiauina le peresitene o le siteki ina ia tuu atu se faamanuiaga faaleperisitua mo le filemu ma fautuaga.

O se vaega taua o misiona o auaunaga o le taulai atu lea ina ia maua e faifeautala’i o auaunaga avanoa e auauna ai. I se faaopoopoga, e mafai e faifeautala’i o auaunaga ona faaauau le i ai o tofiga mo auaunaga i totonu o a latou uarota i lalo o le taitaiga a le au perisitua ma le Aualofa i le lotoifale. I lalo o le taitaiga a le peresitene o le misiona, e mafai foi e faifeautala’i o auaunaga ona galulue faatasi ma auai i tofiga faafaiaoga faatasi ma faifeautala’i tala’i.

O faifeautala’i o auaunaga e lauga i le sauniga faamanatuga ae lei alu ma pe a maea a latou misiona, ma tuuina atu i ai le amanaia e pei o faifeautala’i tala’i (faailoga mai misiona, puletini, talafou ma isi mea faapena) ma lipoti atu i le fono a fautua maualuga i le maea ai o a latou misiona.

O anomea nei o loo maua i le taimi nei i gagana nei: Sipaniolo, Potukale, Farani, Siamani, Italia, Iapani, Korea, Sepuano, Takaloka, FaaSamoa, ma le FaaToga