Tagata Talosaga Faifeautala’i o Auaunaga

O i tatou uma o fanau agaga a se Tama Faalelagi alofa. Na Ia auina mai i tatou i le lalolagi faatasi ma ni gafatia ma ni taleni eseese. O ia gafatia, e mafai ai e tatou ona tuuina atu ni auaunaga anoa e fesoasoani ai i le fausiaina o le malo o le Atua i le lalolagi. Ua folafola mai e le Alii, “O le mea lea, afai o ia te outou le manao e auauna atu i le Atua ua valaauina outou i le galuega” (Mataupu Faavae ma Feagaiga 4:3). O i latou uma lava e agavaa ma iai le manao e auauna atu, e mafai ona maua le avanoa e valaauina ai e avea ma se faifeautala’i.

E te manao e fai sau auaunaga i le Ekalesia, nuu ma lou aiga? E te manao ia e maua ni aafiaga taua i le avea ai o oe o se faifeautala’i? E mafai ona valaauina oe e auauna atu o se faifeautala’i tala’i po o se faifeautala’i o auaunaga. O faifeautala’i o auaunaga e valaaulia e le Alii e auauna i ni tofiga i faatautaiga a le Ekalesia, i faalapotopotoga i le lotoifale e le saili polofiti ua faamaoniaina ma totonu lava o a latou siteki.

Po o fea lava e te alu iai ma pe faapefea foi ona e auauna atu, o le a matua faamanuiaina oe. I le avea ai o oe ma faifeautala’i o auaunaga, e te:

Mulimuli i le faataitaiga a Iesu Keriso.
Tuuina atu le auaunaga anoa.
Suesue ma tatalo.
Atiae tomai o le olaga.

Fesoasoani e faataunuu tiutetauave paia atofaina a le Ekalesia.

Fesili Masani

O faifeautala’i o auaunaga e mafai ona nonofo lava i le aiga ma auauna atu i le lotoifale. E tele isi galuega e mafai ona tuuina atu ia te oe. O nisi nei o faataitaiga o galuega e te ono maua.

Talafaasolopito o Aiga: E fesoasoani i le galuega mo e ua maliliu i le auauna atu lea i le polokalama o talafaasolopito mo aiga. O lou valaauga e ono aofia ai le faavasegaga o igoa (indexing) o le FamilySearch, fesoasoani i le FamilySearch i le lalolagi atoa, fesoasoani i nofoaga autu o talafaasolopito o aiga, ma fesoasoani i faletusi o talafaasolopito o aiga.

Seminare ma Inisitituti: E fesoasoani i tagata e aoao ma ola i le talalelei i le lagolagoina o polokalama o seminare ma inisitituti. E mafai foi ona e faia galuega faaofisa po o fesoasoaniga faakomepiuta. E mafai foi ona e fesoasoani i upega tafailagi ma lagolago i mea e fai. E mafai foi ona e fesoasoani e su’e ma lesitala tamaiti aoga.

Faatautaiga o le Uelefea: Vaaia o tagata matitiva ma lē tagolima i le galue lea i se tasi o le mau fale o le uelefea o loo faagaoioiga e le Ekalesia. O le a faamanuiaina oe i le auauna atu i le faleteuoloa o epikopo, nofoaga e gaosi ai meaai, faatoaga po o togalaau, Deseret Industries, po o le ofisa tutotonu o punaoa mo galuega.

Auaunaga i Nuu: Tuuina atu le auaunaga i lou nuu e auala atu i faalapotopotoga ua faamaonia e lē saili polofiti ma matagaluega a le malo. O lou valaauga e ono aofia ai lou auauna atu i se fale e tuuina atu ai meaai i le lotoifale, potu teu meaai, malutaga, nofoaga o tagata matutua ma isi mea e tele.

Auaunaga Alofa e Tofia Atu e Lou Epikopo po o le Peresitene o le Siteki: Tuuina atu le auaunaga i tagata i lau siteki. E tele auala e mafai ona e fesoasoani ai! Mo se faataitaiga, e mafai ona e asiasi atu i tagata matutua po o tagata le lolotu ma tuuina atu iai se auaunaga i o latou fanua po o fale. E mafai foi ona e aoaoina se tomai e faasoa pe aoao atu, e pei o le faaleleia o moavao po o uila vilivae.

Ioe. Ua tofia faifeautala’i o auaunaga e auauna atu i lalo o le peresitene o le misiona i le misiona o loo latou nonofo ai. O taitai misiona o auaunaga, i lalo o le taitaiga a le peresitene o le misiona, e tuuina atu le taitaiga ma le lagolago i aso taitasi mo faifeautala’i o auaunaga. E latou te galulue faapa’aga ma le peresitene o le siteki o le faifeautala’i o auaunaga, o lē o loo umia ki faale-ekalesia mo le faifeautala’i.