Navidad: peteĩ época jajohayhu, jajoservi ha ñañoperdona haĝua ojupe.
Ahayhu ahechávo umi mitã kyre’ỹ ha vy’a Navidad época jave! Chemandu’a che vy’a avei che mitãrõguare akakuaávo Argentina-pe. Peteĩ año, ore mbo’ehára Primaria-pe ojerure oréve toromopotĩ ore juguéte tuja, torojohéi ore muñekakuéra akãrangue, ha toromonde porã ikatuhaĝuaicha rome’ẽ umíva umi mitã’i ha mitãkuña’ípe ohasátava Navidad ára hospital-pe.
Upe semana aja amopotĩ umi che muñeka tuja, che sy oporandu chéve mba’épa ajapo hína umíva reheve. Amombe’u chupe ore mbo’ehára Primaria-pe ojerureva’ekue torojapo, ha ha’e ombohovái, “Reme’ẽva’erã ningo avei peteĩ nde juguete porã umi mitãme.”
Upévape che ambohovái: “Mba’ére piko ajapova’erã upa?”
Uperõ he’I chéve peteĩ mba’e opytáva chendive opa ko’ã ary. Ha’e he’i, “Cris, iporãiterei ningo ñame’ẽ peteĩ mba’e ha’étava peteĩ sacrificio. Upéva ha’e ñande Ru Yvagagua ome’ẽva’ekue ñandéve. Ha’e ombou Ita’ýra Jesucristo – ndaha’éi oimeraẽ ta’ýra. Ha’e ombou pe Ita’ýra Ojehayhuetéva ha iperféctova ikatuhaĝuáicha ñande jaha jey jaiko Hendive.”
Upe año-pe ame’ẽvo peteĩ che juguete favorito, a’entende porãmie ñande Ru Yvagagua don ome’ẽva’ekue ñandéve – Ita’ýra Ojehayhuetéva, Jesucristo, ome’ẽva mborayhu ha py’aporã reheve Hekove ñanderehe.
Cada año, Navidad celebración parte ramo, che ru omoñe’ẽva’erã umi escriturape Lucas ñemombe’u porãite:
“Ha péicha oiko upe árape Augusto César onohẽka peteĩ edicto, he’iva opavave yvypora oñehaíva’erã padrónpe …
“Ha opavave ohova ojehai haĝuape padrónpe, peteĩ teĩ itávagui.
“UpévareJosé de Galilea, Nazaret pegua, Judeaè, David távagua, oñehenóiva Belén…
“María, hembireko oñempadrona, ha’e hyéguasuva omendamboyve hese.
“Ha péicha oiko ha’ekuéra oikovo upepe, oguahẽ pe ára imemby haĝua.
Ha imemby ypekue, ha olía peteĩ trapope, ha omoñeno chupe peteĩ pesebre-pe, ndaipori rupi peteĩ lugar upepe chupekuérapeguarã .
“Ha oĩvaekue pastorkuéra upe regiónpe, oñatendeva pyharejave imymbakuérare .
“Ha péicha, ou hendapekuéra peteĩ Tupã ángel, ha Tupã Señor gloria ohesape chupekuéra; ha tuicha oñemondýi hikuái.
“’Ha pe ángel he’i chupekuéra: Ani pekyhyje, porque agueru peẽme mba’e pyahu pende mbovy’atava, ha’eva opa yvypora peguarã:
“ko árape onace, David távape, peteĩ Salvador, ha’eva Cristo el Señor.
“Ha kova ha’eta señal: Petopata ko mitãme ojelía trapope,oñenova peteĩ pesebre-pe.
“Ha uperiremi ou heta ángelkuera yvagapegua huestes, omomorãva Tupãme ha he’iva:
“¡Gloria a Dios amo tvate oikova, ha ko yvy’apere toĩ py’aguapy, buena voluntad yvyporapeguarã!”1
Hermano ha hermanakuéra, mba’éichapa ikatu ko’ã árape ñañandu avei upe py’aguapy ha Buena voluntad yvyporakuéra ndive ĝuarã?
Ajepy’amongetávo upe porandu rehe ko’ã semana paha, aguerekóvo che akãme Navidad ha’eha peteĩ époka ñame’ẽ haĝua, mbohapy mba’e – mbohapy don opavave ikatúva ñame’ẽ - ou che akãme. Ñame’ẽvointe ningo umi don año jerére, ha katu Navidad époka porãitépe, ñanemandu’a ñande Ru Yvagagua don Ita’ýra rehe ha ñaconsidera mba’éichapa ikatu jasegui Iñehemplo ñambokakuaávo ñande katupyry ha deseo ñame’ẽ haĝua.
1. Navidad ha’e époka ñame’ẽ haĝua mborayhu.
Ñande Ru Yvagagua ha ñande Salvador Jesucristo, ha’e umi mborayhu ehemplo tuichavéva. Peteĩ escritura ojehayhuetéva ñanembo’e, “Porque de tal manera amo Dios al mundo que ha dado su hijo Unigénito, para que todo aquel que en El crea no se pierda, mas tenga vida eterna”2.
Ñande Salvador ñanembo’e ehemplo rupive jahayhu haĝua opavavetépe. Ha’e ñanembo’e avei jahayhu haĝua Tupãme ha ñande rapichakuérape ñandejupéicha.
Elder John A. Widtsoe he’i:
“Ikatu nañantendepái pe mborayhu naturaleza, ha katu oĩ heta mba’e ikaúva rupi jahechakuaa chupe.
“Mborayhu oñemopyenda meme añeteguápe…Japu ha mbotavy, térã oimeraẽ mba’e oñemo’ĩva ley moral rehe, ohechauka mborayhu’ỹ. Mborayhu omano añetegua’ỹ mbytépe….Upéicha…[upe] ombotavýva imborayhúpe, térã oikuave’ẽrõ chupe oimeraẽ mba’e oñemoĩva añeteguáre, ndohayhúi añete chupe.
“Avei, mborayhu no’ofendéi ni ndojapovairi ni nombohasai’asy pe ohayhúvape…Ñaña ha’e opuesto mborayhúgui… añetegua’ỹ ha’eháicha opuesto añeteguágui.
“ Mborayhu ha’e peteĩ pu’aka activo ipositívova; Oipytyvõ pe jahayhúvape. Oĩrõ tekotevẽ, mborayhu oñeha’ã omyatyrõ. Oĩrõ kangy, mborayhu omyengovia mbarete reheve. Mborayhu ndoipytyvõiva ha’e mborayhu gua’u, térã ndovaléiva.
“Iporãramo jepe ko’ã prueba, oĩ peteĩ tuichavéva. Mborayhu añetéva ojesakrifika ohayhúvape rehe…Upéva ha’e pe prueba paha. Cristo oñeme’ẽ ijupe, ome’ẽ hekove ñanderehe, ha upéicha oproclama imborayhu añetéva iñermano ha hermanakuéra ko yvy’arigua rehe3.
Ñande Ru Yvagagua, ñane’invita, Ita’yrakuérape, tañame’ẽ ha jasakrifika upe mborayhúre. “grasiagui rehupyty, grasiagui eme’ẽ”4. “Eme’ẽ” he’i pe Salvador, “ha oñeme’ẽta ndéve”5.
2. Navidad ha’e époka ñame’ẽ haĝua servicio.
Ñande Salvador ha Redentor oministra personalmente umi hentekuérape, omopu’ãvo umi ojejopývape, ome’ẽvo esperanza umi oĩva desalentado ha ohekávo umi okañývape. Ha’e ombohecha jey umi ohecha’ỹvape ha ndoguataivape omboguata, ha omopu’ã umi omanova’ekuépe.
Navidad épokape, apensa umi misionero-re – elderes, hermankuéra, misioneros mayores ha presidentes de misión opa ko mundo jerére – Jesucristo representante ramo, ome’ẽ itiempo ha iservicio libremente opa tekovépe. Apensa opa umi hermano ha heranakuérare ome’ẽva heta hora oservívo tekojojápe illamamientokuérape. Ko época aja avei apensa umi kuña ha kuimba’e oĩva servicio militar-pe omo’ã haĝua ñande seguridad. ¡Aguijevete peẽme pende servicio-re!
Jepe ndajaservíramo hína Ñandejárape térã ñane retãme a tiempo completo, ñande oportunidad jaservi haĝua ndoguerekói limite. Umi ja’e ha jajapóva py’aporã reheve omopu’ãkuaa umi mba’e pohýi ha omokyre’ỹ korasõkuéra. Ñande Ru yvagagua ñane’invita opavavépe ñame’ẽ haĝua servicio. Jajapórõ upéicha, “Ombohováivo pe Rey, he’íta [ñandéve] : Añetehápe, añetehápe ha’e peẽme pejapóramo peteĩ ko’ã che hermano michĩvévape, chéve pejapo”6.
Navidad ha’e época ñame’ẽ haĝua perdón.
Ñaperdona ramo ambuekuérape ogueru ñandéve py’aguapy…havy’apavẽ ñande rekovépe. Presidente Heber J. Grant ombo’e: “Ndaipori mba’eve ogueruvéva Tupã Espiritu…ndaha’éirõ ñandepy’aporãvo, ñanekonsiderádo, ñandekaritativo, tolerante ha ñaperdonávo ojupe. Ndaipori mba’eve ñanembovy’avéva ñaimehágui dispuesto ñaperdonávo pya’e umi mba’e vai ojapóva ñanderehe ñande rapichakuéra, ha ndaipóri ogueruvéva condenación ñamohatãgui ñane korasõ ha ñande py’aro ha ñañevengase umi oĩva ñande jeréregui”7.
Jahupyty haĝua perdón ñande pekadokuéragui, ñaperdonava’erã ñande rapichakuérape.
Ñaperdonávo ñande rapichakuérape jasupera umi pochy, py’aro térã venganza temiandu. ¿Ha máva piko oguerekose umi temiandu Navidad-pe? Perdon ikatu avei omonguera ñande herida espiritual ha ogueru py’aguapy ha mborayhu Tupã mante ikatúva ome’ẽ.
Ñande Ru Yvagagua oipota tañañe’arrepenti ha ñaperdona opavavépe, jepe ñandejupe. Elder Jeffrey R. Holland he’ihaguéicha: “…pepensarõ jepe peĝuahẽ hague tarde, térã peperde hague heta oportunidad, térã pejavy heta hague, taha’e ha’éva talento pepensáva ndapeguerekoiha, térã pepensa peho hague mombyryete pende roga, familia ha Tupãgui, che atestifika ndapehohaguéi mombyryve pe mborayhu divino ikatuhágui penderupyty. Ndaikatúi peike pypykuete napenderupytyikuaaihápe Cristo expiasión resape infinítova”8.
Hermano ha hermanakuéra, ko Navidad épokape tañame’ẽ opavave umi regalo porãvéva. Tajasakrifika korasõ aguije reheve umi ñande juguete favorito, ndaha’éi umi itujámava. Ha tañame’ẽ pe mborayhu don, pe servicio don umi hénte ñande jerereguápe ha perdón añetẽva don. Ñañe’arrepentívo, pe Santo de Israel ñaneperdona. Ha’e ningo pe Rey de reyes, Principe de Paz, ñande Salvador, ñande Redentor ha ñane amigo. Jesucristo rérape. Amén