Yvagagua regalokuéra
Mitã
Ndaipori mitã oha’arõvéva Navidad chehegui. ¡Ahayhueterei! Che ru ha che sy ikatupyryeterei ojapo haĝua ore rógagui peteĩ acogedor paraíso inviernope- ĝuarã. Oĩ decoración, música, luces, golosina, ha por supuesto regalokuéra. Oh, ¡mba’eichaitépa aha’arõ regalokuéra! Cada año fielmente ajapo che lista umi mb’ae che korasõ oipotavévagui.
Roikohaguére peteĩ granja-pe, cada Navidad pyhareve ro’abri mboyve ore regalokuéra, romoĩ ore abrigo aku rombohovake haĝua pe invierno clima ro’yete ha rosẽ roñangareko haĝua ore rymbakuérare. Ndaipori iporãvéva rojapopa pya’e ore rembiapo ha rojapura roike haĝua ógape roparticipa haĝua pe pyhareve magia-gui.
Apena aikuaa’imi hína pe kuimba’e, Jesucristo-pe, ikumpleaño roguerovy’ava hína; Ha katu ojogua peteĩ mba’e porã. Ha’e ikumpleaño, ha katu ore rorrecibi la regalokuéra. ¡Mba’e mitãme piko ndogustái upéva! Navidad-pe opa mba’e iporã.
Afortunadamente, ára ohasávo, che kuaapy pe Salvador-gui okakuaa – Inacimiento ha cumpleaños, Hekove ha milagrokuéra, Ipu’aka ha sacrificio, Ijexpiación ha Resurrección, ha katu principalmente Imajestuosidad ha Imborayhu ijojaha’ỹva. Heẽ, Navidad-pe opa mba’e iporã, ha katu upéva ha’e simplemente, Jesucristo ndive opa mba’e iporãgui. Terã oje’e porãserõ, ¡Jesucristo ndive opa mba’e imaravilloso!
Pe servicio misional
Heta mitãkaria’yicha, aservise peteĩ misión, ha katu che Navidad peteĩha mombyry che rógagui hasy’imi. Umi mes-pe Akumpli mboyve 19 año, opa ikatúva apensa ningo prácticamenteche misión-nte voi. Che mitãve hetave che kompañero ha angirũnguéragui, heta ijapytepekuéra ohóma imisionpe, cherejávo tapykuéo. Añandu aimemaha listo avei ha’ehaĝua misionero. Uniko oĩva che rapépe ha’e che cumpleaño.
Pe ojoguávaicha peteĩ eternidad rire, ipahápe oĝuahẽ che tiempo ha aike CCM-pe. Diciembre oñepyrũme, avevékuri hína avión-pe, che misión Santiago-Chile-pe. Ipahápe aiméma tapépe, ha, iporãvéva ningo, Navidad hi’aĝuima. Aĩ seguro aimemaha listo pe experiencia igloriosovéva che rekovépe ĝuarã.
Ha katu aguejývo pe avión-gui, pya’e ahechakuaa heta mba’e idiferenteitereiha ha’évagui che róga Utah-pe. Heẽ, Navidad hi’aĝuima, ha katu oñeñandu verano mbytépe. ¿Mo’õ piko oĨ pe nieve?¿Mo’õ piko oĩ umi abrigo aku ha bota?
Pya’e ajetopa aparticipávo pe obra desafiokuéragui. Asufri gueteri pe cambio de horario rehe ha sapy’ánte ake roime aja ore cita rombo’ehaĝuame. Pe cultura idiferente, pe ñe’ẽ ningo peteĨ misterio – añetehápe ndaipúi upe che aikuaava’ekue CCM-pe –ha tembi’u katu úniko. Ha añe’ẽvo tembi’u rehe, che compañero ha che oiméne ro’u peteĩ mba’e oĩ vaiva, mokõive orerasykatuete.
Ha’ékuri Navidad peteĩha mombyry che rógagui ha cherasykatuete. AĨ tupápe peteĩ tetã aikuaa’ỹvape, añeha’ãvo antende peteĩ ñe’ẽ apena ikatúva adesifra, aikóvo ambue ndive apena aikuaáva. ¿Kóva piko pe obra misional? ¿Mba’ére piko ajapuraite ra’e?
Upevére, opa umi desafio ári, añepyrũ ahayhu Chile-gua hentekuérape opa che korasõ reheve. Hechapyrãiterei hikuái ha ndahasýi jahayhu chupekuéra—ha heta ijapytypekuéra ohenduse ore mensaje. Opa crudeza reheve, pe mundo real-pe hentekuéra oĩháme desesperada peteĩ Salvador mensaje rehe, oimeháicha umi árbol de Navidad ha decoración-kuéra ndaha’éi en lo minimo importante ha’ehaguéicha yma. Cristo ohejarõkuri Hóga Celestial ha ou ko yvy’ári osufri ha omano haĝua opavave ñanderehe, añetehape che ikatu aheja che róga ha agueropu’aka incomodidad’imi akomparti haĝua Imensaje hechapyrãva.
Upe Navidad ombo’e chéve pe vy’a añete oúva ñaipytyvõvo hentekuérape ohupyty haĝua pe regalo tuichavéva ñande Ru Yavagagua oguerekóva, Iglorioso plan de felicidad – ha ahechakuaa, upe felicidad-nte ha’eha upe hetave oipotáva, ndaha’éi Navidad épokapente, ha katu tapiaite ĝuarã.
Mitãkaria’y viudo ha ñemenda
Pokã año che misión rire, ambohovake peteĩ desafio pyahu. Aĩ deprimido, chekane’õ ha añeñandu che’año. Ojapo heta mese, che rembireko, dos años pota romendahague, omano sapy’a peteĩ accidente automivilistico-pe, orerejávo, chéve ha che rajymi de 7 meses ore’año.
Ha’e alumno Universidad-pe, a’estudia, amba’apo ha añeha’ãkuri ha’ekuaahaĝua peteĩ túva ha’eñóva. Navidad oĝuahẽ potámakuri ha ambuekuéra oho aja hogakuérape ifamilia ha imborayhukuéra ndive upe fiesta aja, che apytava’erã universidad-pe aguerekógui compromiso de trabajo. Añeñandu che’año ha ndavy’ái. Navidad ou ha oho, ha ára ohasánte hína.
Ohasa un año potáma, ha Navidad hi’aĝui jeýma, aĩ che’año gueteri. Escriturakuéra he’i “nda iporãi pe kuimba’e oikove hi’año” (tojehecha Génesis 2:18) ha che aime totalmente de acuerdo. Aikotevẽ peteĩ compañera ha peteĩ sy che rajymíme ĝuarã.
Apensa: “Ikatu che ndaha’éi peteĩ potencial esposo ideal, ha katu ¿mba’e kuña piko ndoipotamo’ãi peteĩ mitãkuña’i real ha oikovéva Navidad-rã? Ndaha’éi peteĩ muñeka, ha katu peteĩ añetetéva”. Ha afortunadamente, oĩrõ oipotáva pe bebe, oĩ porã, che ha’éta parte del paquete.
Chegusta peteĩ mitãkuña che clase de biología-pe, hérava Nancy, ha katu opapotáma pe semestre ha nañanimai gueteri añe’ẽvo chupe. Oiméne Yvaga oĩ chendive ha peteĩ ára, por pura casualidad, rosẽ hína peteĩ examen-gui al mismo tiempo. Upéva ha’ékuri che oportunidad. Amoñepyrũ peteĩ conversación. Upéi upe tardeve upe pyharépe, ahenói Nancy-pe, ha ajerure chupe rosẽ haĝua peteĩ cita-pe. Rosẽ peteĩ cita-pe. Ha upéi otro ha upei otro. Upevére, aikuaa Navidad hi’aĝuima ha Nancy ohóta hógape. ¿Mba’e piko ikatu ajapo amoingove haĝua pe tata michĩmi ha anutri haĝua pe oñepyrũva hína ore’apytépe?
Ajapo peteĩ plan. Nancy hermana ha inóvio pytyvõ reheve, kañyhápe asorprendéta Nancy-pe peteĩ regalo reheve cada dia umi 12 dia oĝuahẽ meve Navidad.
Che plan oikoite. Nancy orrecibi hína umi regalo, ha katu ndoikuaaiete mávapa ombou umíva. Oiko peteĩ misterio-icha opa ifamilia oñeha’ãva ohesa’ỹijo. Nancy hermana ha inovio opromete nomombe’umo’ãiha iparticipación. Añetehápe ha’ékuri peteĩ combinación secreta, solo que roguereko motivo potĩ.
Upevére, peteĩ pyhare ifamilia opilla peteĩ pista. Pe timbre ipu, ifamilia odispara oipe’a haĝua pe okẽ ha ohecha peteĩ coche ohomeméva. Ohai hikuái ichapa número ha al dia siguiente ohenói coche chapakuéraoficinape oikuaa haĝua mávapa pe coche jára. Opilla hikuái ha’eha peteĩ pe hermana novio familiar –gui. Ha ojepillapaite. Nancy hermana ha inovio omombe’umanteva’erã iparticipación che plan-pe. Kañyhápe che avy’a chepillahague hikuái. Upéva rupi Nancy ha che rohasa pe Navidad ára oñondive ha upe guive rokontinua ore jegusta’i.
Ha aha’arõhaguéicha, Nancy oipotákuri peteĩ bebe real ha oikovéva Navidad-rã. Ha’e ohayhu che rajýpe imba’erõguáicha. Ha afortunadamente che ha’ékuri parte del paquete. Romenda pe verano oúvape. Ha’ékuri peteĩ regalo iporãvéva arrecibiva’ekue.
Che avivi hína pe ñande Ru Yvagagua gran plan de felicidad. Aguereko peteĩ familia eterna. Rojesella oñondive para siempre. Pe matrimonio eterno ha familia ha’e regalo opavave umi hekojojáva oguerekóta, taha’e ko tekovépe térã pe oúvape. ¿Mba’e ambue regalo porãve ikatu oĩ?
Ajepy’amongetávo umi che ñembyasy ha che’año ára rehe, ahechakuaa Jesucristo avei itiempope oñeñandu ha’eño ha Ha’e avavéicha oikuaa che dolor. Jepe umi ára che’añove vove, araka’eve nañandúi Ha’e chereja hague. Ha’e ndaha’éi che Salvador añónte; ha katu che hermano ha angirũ porãvéva.
Túva pyahu
Ore familiami oñepyrũ okakuaa ha pokã año rire rombohovake jey ambue ansiedad guasu. Hi’aĝuivo Navidad, Nancy ha che romaña ojuehe ha roñeme’ẽ en cuenta ndoroguerekoiha ni peteĩ moneda rojogua haĝua regalokuéra ore mitãmime ĝuarã upe año-pe.
Ajegradua ramoite universidad-gui ha roñeha’ã gueteri roñemoĩ porã económicamente. Aguerekorõ jepe peteĩ empleo porã, pya’e rohechakuaa pe alto costo de vida ohasapaha ore presupuesto. Uniko roguerekóva ore favor-pe ningo ropaga peteĩ diezmo integro. Avave ndoikuaairõ jepe ore situación, ñande Ru Yvagagua ha pe Salvador oikuaa, ha oñepyrũ omondo Navidad milagro mimi.
Peteĩ ára, ipu pe okẽ timbre. Ha’ékuri peteĩ vecina juguete caja reheve ipópe; Ha’e he’i: “Romopotĩ hína kuri ore róga ha rotopa ko’ã juguete oremembykuéra ndoipotavéimava. Roñeporandu pende familiakuérapepa ndogustaichene umíva”. ¡Añetehápe ogustáne!
Ambue ára, ipu jey timbre. Ko’áĝa ha’ékuri ore barrio miembrokuéra. OĨ upépe peteĩ bicicleta’imi mitãkuña’ime ĝuarã reheve. He’i: “Noroikotevẽvéima ko bicicletaha ropensa pende familia rehe. ¿Peimo’ã piko pende membykuña oipurune?” ¡Rovy’aiterei!
Pokã semana mboyve ore membykaria’y oike kuri peteĩ concurso para colorear peteĩ tienda local-pe. Peteĩ ára rorrecibi peteĩ llamada noticia emocionante reheve ha’e oganahague pe concurso. Rogana peteĩ película popular mitãnguerape ĝuarã video. ¡Ropyta oreñe’ẽngu!
¡opa umi milagro mimi! Ipahápe ore familiakuéra oguerekóta unos cuantos regalos Navidad-pe. Ropagakuri ore diezmo, ha Túva Yvagagua ha pe Salvador oipe’a umi yvaga ventana ha oñohẽ Ijehovasakuéra pe chimenea rupi.
Ajepy’amongeta pe niñoJesús onace hague circunstancias muy humildes-pe, ha upéicha jepe, ambue persona ojuhu hese ha ome’ẽ chupe regalokuéra hepyetéva avei. Túva terrenal-cha, ame’ẽseterei che familiakuérape opa ikatúva.
Ñande Túva Yvagagua oñandu upeichaite avei. Upevére, Imborayhu iperfectoiterei Ha’e ome’ẽséva ñandéve opaite Ha’e oguerekóva. Ha’e peteĩ regalo incomprensible.
Conclusi Conclusión on
Hermano ha hermanakuéra, opavave ñande algún momento-pe ñañeñandúkuri térã ñañeñandúta ñane’año, ñanderasy, deprimido, mboriahu térã mombyry ñande rógagui. Afortunadamente, jaguereko ñande Ru eterno ha peteĩ Salvador ñanentendéva. Jahávo chupekuéra, ñandejagarráta ñande pogui ha ñanepytvõta cada desafio rupive.
Ha hermano ha hermanakuéra, algún momento-pe opavave jaikuaáta mavagui oĩva ha’eño, hasykatu, deprimido, sogue térã mombyry hógagui. Ñande Ru Yvagagua ha pe Salvador ñandeguiakuaa ñaipytyvõ haĝua ñande rapichakuérape ha ha’éta ñande privilegio jajapo haĝua.
Mitãicha, apensa pe Navidad oĝuahẽha una ves al año-nte. Adulto-icha, ko’áĝa añeme’ẽ en cuenta cada dia ha’eha Navidad. Ñande Ru Yvagagua ha ñande Salvador Jesucristo ñanderayhuetévabenevolencia rupi, ñande jahupyty ára ha ára regalos celestiales peteĩ fuente opave’ỹvagui. Hetaiterei umi regalos celestiales ñamombe’upahaĝuáicha.
Che gratitud pe Túva ha ta’ýrare tuicha ha ipypukueterei, upévare, Ammon ymaguereicha, “ndaikatúi ha’e ni michĩmi pe añandúva” (Alma 26:16).
Heẽ, ha’e Jesucristo cumpleaños pe jacelebráva cada Navidad épokape, ha katu pe Túva ha Ta’ýra py’aporã rupi, opavave jarrecibipaite jepe umi regalokuéra. Upévagui atestifika, Jesucristo rérape. Amén.