Yéshmish Bee nél’į́
Shí díí baa yíhahgo ła’ haajéé’ ałhinéikahgo ayóí iinísh’ní dóó ayóó ádajo’níi Yisdá’iiníiłii yizhchíníi yéndaalní dóó Be’íina’ yaa ahéeh danízin dóó ak’eh nina’ídlá doo niníti’ da. T’áá bee neelą’í da yéé dah shiiłníhii díí bénináhaníh dóó ayóó bóhonéedlį́ dóó Yéshmish ádooleeł ńléí ánii naasháádę́ę́’, Englandgi ayóó deez doodago Arabia ayóó déesdóí łeh.
T’óó ahayóí nááná ła’ náhalingo, ła’ damóo yę́ędáá’ Yéshmishgo didooltłíł ałts’áá hánil, t’ááła’í doo diiltłáádgóó eíí ch’ééh hanishtáago hodíina’. Doo diiltłádii bik’ínyá dóó ła’ biih náásht’ą́, t’áá’át’é dadíiltłáh, dóó áajį’ shik’ídooldó dóó t’áa doole’é áłts’iisígo bik’esh didlééhgo baa hózhǫ́.
T’áa doole’é t’ááła’óó Yéshmishgo shił ninį́įgo íish’į́įhii yee’ Yéshmish tsin bííghah dóó shishdááh, ałtso da’nistsís, dóó tsin bąąh áłts’íisígo da’dilti’íi nésh’į́į łéh. Shináá’ doo hazhó’ó bee éesh’ǫ́ǫ, t’áá át’é ada’déesdíigo dóó bits’á dadeezdíi ałtaa dajigishgo éí ayóó at’é yilééh. Ałhi dadiildóo. T’áá aghááh sin ane’dę́ę́’ diitsá’ łeh, yaa halne’go, “Nihokáá’ bił hózhó, Bóhólníihii doogááł!”1 dóó eíí “Bízhi’ Báhozhó, yik’ih Hoo’ááł, Diyin God bitse’íí, aZhé’é nilį́įgo áhool’á, Hóozyeel Yinánta’í doolééł.”2
Shináá’ yida’deesdíingo dóó tsin t’éí nesh’íigo, shí nihiYisdá’iiníiłii diyingo íidoolíłii benáashnii’, jó’éí doo íits’a’í haléehgots’ídá hwił bééhoozííh. Ázhdííniid, “Nihokáá’ bá adinídíín nishłį́; háiida shikéé’ yigáłii eíí doo chahałheeł yii’ yigáał da doo, ndi iiná be’adinídíín bee hólǫ́ǫ doo.”3 Tł’ée’go hódiyingo eíí Bí’ dizhchį́ baa ntséskeesgo, aZhé’é nihéiidini’ąnii ayóó baa ahéeh nísin, ił hózhó, chánah, dóó ayóó ó’ó’ní yee aYe’ T’ááła’í Yizhchį́ ne’jį’ ayíił’a’.4
Díidí doo íits’a’í yiléehgo baa tsíhodikos dóó Yéshmish bijį́ bikáhę́ę nihináanish t’óó ahayóigo baa dayii’ná. Niłch’its’ohgo éí ałhída’íil dah dóó nilní dádiits’a’, da’adą́ dóó ałch’į’ áda’al’į́. Ádoolníłii hadei’át’į́į́h, dóó kot’éego bá áda’deeshłííł dii’níigo ádaadiit’áahgo baa nihił hózhǫ́ǫ dooyę́ę bi’hóh yilééh.
Áko Naat’áanii Nelson yéego yee na’nítin: “Nihił hózhǫ́ t’įįhdoo baa ákoniidzííh nihe’íina’ bił áhooníłii k’íildǫǫł dóó nihe’íina’ t’áá ałtsoní bee niil’įnii bidéet’i’. Nihe’íina’ Diyin God yisdá’na’iidééh binahat’a’ niil’į, … dóó Jesus Christ Báhane’ yá’át’éehii, haashįį hooníił ndi nihił hózhǫ́ baa ákoniidzííh—doodáo doo nihe’íina’—áhooníił da. Bits’ą́ą́dę́ę́ dóó bíniinaa ił hózhǫ́ hoolééł. Bí ałtso íl hózhǫ́ biníí’dę́ę́’.”5
Díí baa hoolzhiizhíi bii’ hazhó’ó ńdiníilnįįł baa sodiilzingo. Níish ha’íí nicháná díí Yéshmishgo bee ha’iinílní? Ha’íísh ní dóó ayóó adéiyini’íi bá danínizin áadę́ę́’ naa niná hidookáhii díí diyingo jį́níi biyi’?
Naaki Damóo dóó tágijį́į góne’, Yéshmish jį́níi baa hódoolzhish. Ha’íí yoołkáłí dabiká’ii danół’į́ naaki damóo dóó tági jį́įjį’. Ni daats’í t’óó ahayóí áadi deeshááł dabidíninii dóó t’ah nináanish t’óó ahayóiigo. T’óósh nił ałk’ííz áheeskai? Dine’é be’áda’ool’į́į́ł dóó kojígo ni’di’ínii ndéí ádaadzaa dóó binahjį’ doo nił hólóo da dóó Christ yizhchįnii nizhdiilééh doo ił hózhǫ́ǫ da. Níish hait’áo díí Yéshmish bii’ yoołkáłii doo nanitl’ágóó ádiilííł dóó hináhoot’éhí bá nahat’á hazhó’ó hasht’édiilííł?
Nihí t’áá bee ádaa áhwiilyą́ǫ í’iil’į́įł dóó lą’í íilníiłgo bąąh ch’ééh diidááh áko biniiyéii baa yii’náh dóó ch’ééh bich’į’ nitsididiigóhii nihá nanitł’ágo yii’ sitį́į, ánii aláadi naat’áanii yizhchínii doo bá hodiníilzin da, dóó doo ba’níilyée da.
Amá ánii naakáii, dóóo t’áá áníiltso, nidéish áhoot’é? Háájoosh dini’íí’? Díí yiháh daats’í doo Yéshmish baa hane’ ła’ diné bich’į’ ádiidíił da, doodáo niłch’i-náakidí kot’éego daanínii daats’í bíhidichíidgo t’áaní hasht’e nilééh. Oolkíł dóó bééso choisínił’įįdii lá Yisdá’iiníiłii bee béénilníihę́ę yąąh yóbé dóó Yéshmish baa niłhózhónę́ę.
Azhé’é ánii naagáii, dóó nihi bił, ha’íísh ts’ídá daníil’į́? Díí yiháh daats’í nihi Yéshmish doo nanitl’ágóó ádoolííł hooghangi ádaalyáii áádoołééł dóó ła’da biká adóołwoł jó ałtso naalyéhé hat’į́ hadéí áhósin dóó ayóó da’ílį́—dóó áá biniiyéhí da—dóó Yisdá’iiníiłii bee béé nilníihę́ę hąąh naah yóbé dóó Yéshmishgo nił hoozyélę́ę.
Átaa’ bighan bii’ na’ánish ál’į́ Yéshmish baa halzhishgo ayóó aká íilwo’. Átaa’ bighandi níil’į́į hasht’enát’įįh, nihił hózhǫ́ ąą kwót’į́įh, dóó kwii ła’ haajéé’ ła’í yee danilį́ dóó aníbaal bine’dę́ę́’. Átaa’ bighan bii’ á na’ánish ál’į́ áko Yéshmishgo áadi ałhí naanéiidiikáh jó Yéshmish biden niidlínę́ę bii’ nihiká i’doolwół. Eíidí diyingo bee áda’al’į́—bibee ádziil dah dayólełii bee íłhoozyéél dóó bitse’íi ałtso ayóó bił danilį́—biniinaa áko hodooníłii aZhé’é yee’ aYe’ T’ááła’í Yizhchį́, díí “Dibé Yázhí nihokáá’ dine’é bá siyéesxį́,”6 éí yizhchį́ k’ad béédelníih.
Díí Yéshmishjį’ yoołkááł, sółtį́’ da’ílįnii ádeil’į́ dóó a’hóhii yee’ dóo da. Sółtį́’ Jesus Nazareth yii’dóó ch’íyahii bináanishádeiiłnííła—yinííł naakáii ła’ chánah ádiilnííł, bijéí yizdlád ńdiilzíh, awáalyáhí bitáadiidááł, dichin nilį́į bidi’yiilzííł, bi’éé’ ádenii ééh diiltééł, dóó ła’da bá hadiidzíh, yóó adootánii, baa hóyoos’náhii, dóó daji’į́į.7
Haalá díí Yéshmish bii’hashtł’asooyáhii, t’áá shǫǫ Yisdá’iiníiłii yee ayóó ó’ó’níi nidoolé eíí t’áá ałtsoní bá. T’óó ahayóí, díí oolkíł, yii’ ayóó adayó’níi nídaałníih bąąh ádeiłdííh, są́ bich’į’, doodáo doole’é atídabiiláago. T’óó ahayóí bąąh ádaasdįįd yéé daalnííh eíí Yésmish bii’ ádahóótįįd, dóó díí éiyá nihijéí deinéesgái. Nááná ła’ éí ayóó adáyo’níi doo yá’ádaat’éhii ádaadeidíit’ą́ǫ yaa yinííł danilį́. Nááná ła’ éí yídahasááh, yił haajéé’ t’ááyeed, kánidaakái, doodáo ha’íshį́į́ biniinaa hástł’aheeskáigo Yéshmish yaa nitsíndaakees.
Yinídlądíí baa hoolzhíízh éí ha’íshį́į́ bee nididíílełii ná hóló. Doo íitsa’ígóó dóhhaah, áadi baa nisóhkees, baa sodołzin, dóó be’ayóó ó’ó’ní-bá áhwiint’į́ T’ááła’í yizhchįnii bíbee íł hózhó beeiiná bii’ nídidoolyééł. Áko aadit’ááh ła’ ajį́įdi lá, “doo aniné hólǫ́ǫ dadoo, yiníił nídi, dóoni’ haa’ída neezgái dadoo.”8 “Doo dichin dadooléeł da, doo ndó’ dibáa’ da. … Haalá Dibé Yázhí bikáá’ nahat’áii ałníi’gi dah sidáii éí haa áhályą́ą doo, dóó tó hiná hadaazlį́įjį’ yidoo’ísh, dóó Diyin God hanák’eeshto’ há deidoot’oł.”9
Bá dahóoł’aah, hanáyooł, índa yááh noosííh. Déigo dinóh’íí’. Ayóó at’é niheinílá nół’į́—t’áá aaníí nilį́nii nił bééhózin, dóó bee ídahontáh ádadoodįįłii bik’i’dinítą́ dóó kwe’é ił hózhǫ́ náasjį’ yíwohgo nił dahózhǫ́ǫ doo. Beenílniih, “Nihił hózhǫ́ t’įįhdoo baa ákoniidzííh nihe’íina’ bił áhooníłii k’íildǫǫł dóó nihe’íina’ t’áá ałtsoní bee niil’įnii bidéet’i’.”
“Dóó k’ad, shí díí Jesus hanóhtá nihidishní jó bá yádaałti’í dóó ayiis’áádii yaa ńda’íizoh, áko Diyin God aZhé’é dóó ałdó’ Bóhólníihii Jesus Christ, dóó Diyin Ii’sizį́ nihaa déijidóobááł, jo’éí yáá dahalne’íi, dah nihił dóó nihíí’ ájool’áo hólǫ́ǫ doo.”10 Áko ádidii’níił dah, “Aoo’, Bóhólníihii, ya’át’ééh, díí abínígo ni’dizhchįníi. … Oh, hágo, Tį́’ Bí baa hwii’nííh!”11
Jesus Christ bízhi’ bináhjį’, áamen.