Dííshjį́ Diyin yá ndáal’a’íi
Ya’át’éehgo e’e’ááh, shik’is dóó shiláh da’nóhlíi. Díí tł’éé’ nihich’į’ hadeesdzíhii bee shik’ihojísdlí’, nihí ts’ídá agháago áhootįįd bi’ééhaniih baa yiníłką́—Diyin God biYe’ nihokáa’jį’ niyá. Christ yizhchį́, hináo, dóó be’íina’ yee niná’ídláhii aZhé’é Diyiníi t’áá aníitso nihaidini’ą́.
Nihí Yisdá’iiníiłii yizhchį́ béé deelnííh díí yiháh bii’ baa hózhó, Diyin God be’ayóó ó’ó’ńí náás kwéeniił dóó t’áá íiti’ ayóó nihii’sizíi bii’ hóló, nihijéí yiká ádoojáh bił heijéé’, dánhik’is, dóó nihi náágóó dabighan , dóó t’áá sáhí naagháh, bąąh ádahasdiid, doodáo saad beeha’óní dóó hóozyeel deiníziníi.
Shí ayóó shił nilį́, Jesus yizhchíigi bee baa náhane’go, Luke biyá’át’éehgo hane’ bii’ saad bee ha’óní dóó hóozyeel bee bił dahane’ t’áabí koyéhii yiih yikáigo. Bibee éédahízin t’áá íishjání, nihiZhé’é Diyiníi bá ndáal’a’í ayóó ó’ó’níi áyiis’a’, nda’níłkaadii nízaadi naakaigo yaa yíkai, tł’ée’go BiYe’ doochíłii yaa dahóolne’ dóó ńda’níłkaadíi Mary dóó Joseph yaa yíkai, éí bighandóó nizáádi Galilee yii’ awéé’ yaa’áhalyą́.
Joseph dóó Mary Nazarethdóó nléí Bethlehemjį’ ni’áázh, ínóoltą’í niidoolééł biká, biniináanii hólóo, neeznádiidi nídaahaiáá’, éí diyin yá yádaałti’í yaa dahóone’ jó Bethlehem bii’ Yisdá’iiníiłii doochííł, David bikin sinílgi.1 Nihí eíí nihiZhé’é Diyiníi t’áá íídáá’ yaa ákonízin dóó BíYe’ T’ááła’í Bá Doochíiłgi yá hasht’éh hooláa. “Dóó éí akót’é, eíí, t’áá ákwe’é dzizkéego, azhdoołchíiłjį’ eíí ayííłką́.”2
Shí íidaa’ hait’áo dine’é nda’níłkaadii dóó ánii ałhaiyit’ázhii, Mary dóó Joseph deinéł’į́, íinisíngo nda’níłkaadii nléí dzígaidí diyin yá náal’a’í baa yíkai dóó nda’níłkaadii yee’ Mary dóó Joseph sikéegi yíkaigo saad yee hada’ólní, bił dahóozyeel, dóó bił dahózhó daazlíí’.
Haalá nda’níłkaadii, diyin yá nidaal’a’í saad bee ha’óníinii yee bił dahóolne’ áko Diyin God baa áko danízin dóó ba’ólíigo áłtsé Diyin God biDibé Yázhí yá da’óo’į́ daazlíí’. Haalá Mary dóó Joseph, nda’níłkaadii daats’í saad bee ha’íníinii deiz’ą́ǫ eíí ła’ alíleego diyin áhanéhii eíí dabíinééł.3
T’áá aaníí, diishjį́įdí nihitáhgóó nda’níłkaadii dahóló—hastóí dóó sáanii bee chahóołhił dóó bee hada’íi’aah deiyílníishgo. Ła’ díishjį́įdí nda’níłkaadii danlį́į doole’é yik’ihada’ásííd, ázee’ íił’įní dóó nitsíhadíłgo diné nidéiyéii, naalyéhé bá hooghan tł’éé’ bíigha dayiyéełyeedii dóó chidí bitoo’ báá ńdahaníih, dóó ádahoonííł yaa dahalne. Ła’ tł’éé’go nidáalnishíi ídahasááh diné yił áłch’į’ yádoołtí nááná ła’ jíigo nidáalníshígíí yił. Eíí binaanéit’ą́ǫ, díishjį́ Joseph dóó Mary ałdó’ dahóló éí bighandóó dah dahídiiná dóó iiná łahgo át’éii yee dahiná akwǫǫ Késhmish bee hániih, yizhchíijį’, altsééh, dóó anoonééł bił hoozhísh ndi.
Nihí Késhmish bich’į’ hóolzhish, íinisingo nihí daats’í diyin yá naal’a’í nda’níłkaadii yaa yíkaigo saad bee ha’óníinii Christ yá’át’éehgo baa hane’, hóoyeel dóó saad bee ha’íní yaa deiz’ą́. Dóó íinisin nihí diyin yá nidáal’a’í nahalíngo nda’níłkaadii bitáhdi áheedíikah dóó díishjį́ Joseph dóó Mary danilįníi biká adiijáh dóó danhik’éí bił kéédahwiih dóó kin dah naazhjaa’góó yee hada’ólní eíí Diyin God ayóó áyo’ní dóó hadábisííd dóó baa ádahalyą́.
Shił dabighan dóó shí t’áá dihwiidi shį́į́ nihí biyi’ hadiikái saad bee ha’óní dóó díishjį́į-di diyin yá nidaal’a’í bibee íł hóozyeel. Díí tl’éé’ shí t’ááła’í áhoodzaaígíí baa hódeeshní. 2003 bii’, nihí ghandóó Utahjį’ íi’ná. Eíí haigo, ts’ídá yéego yas nitáa silíí’ Utah gi lą’í náahai t’ahdoo ákohanéehgóó. Nihí nii’nándi t’ahdoo deilséeh da, nihí tsin áłts’óosígo yadáa’á dóó tónteel bąąhgóó séiigi danée’yá. Bountifuljí dah yisk’id bikáa’gi niníi’ná áko nízaagóó ha’átiin. Déezhchíilgo, she’ásdzáá bíneesh’ą́ nízingo yas átiin bikáá’dóó náhjį’ áyi’iisóół dóó bikáá’ hajiháhii tin bikáá’ ałhádiihazgo shilátsíín k’iníti’ dikwiishįį yiándáá’ nihik’éí ła’ bighan gódéi haa sháahgo. Eíí tídisdzaago shá naashgizh dóó lą’í shee nídeezid shíghaan bąąh áz’ą́ągo. Yaz náhjį’ áyiisóół yídeeshníshgo ts’ídá áłtsé ákodzaa, she’ásdzáá doo bił bééhózin da háajigo yaz ahidóolzółíí áko łahjí ałtso áyiilaa. Ńt’ę́ę́’, łahjígo náhjį’ ayé’ásoołgo íiyáo, eíí áajígo yas t’óó ayí’iisol lá. Ałnáhanádáahgo, ch’ééh íił’į́. T’óó hahóniicháád! Asdzáá nízaagóó deesk’ááz yii’ naayáo, bijáá’ t’áá’áłah biih yíłkaaz dóó naaki bee nídeedzid bijééh káłgo. Ákohgo shíye’ 16 bináahaii yas yikáá’ nidítiłgo atídiidzaa dóó yá’át’ééh násdłáa’jį’ t’óó tsésk’eh yikáá’ sitį́. Ákoh daníit’é, ła’ tsésk’eh yii’ sitį́, ła’ bijéehkał, ła’ bighaan bąąh az’ą́, dóó danhi’níidlí. nihináádę́ę́’ shį́į́ t’óó danhinéł’į́. Eíidí ła’ ábínígo, déesk’áazgo 5:00 a.m., hooghan bitsékǫ́ bííghahgóó ła’ yas náhjį’ abí’jiitsóół yits’á’. Tsésǫ’ doo dee’į́į́’ dóó shi náágóó bighan yiiłtsą́ nghái atiin tse’ áádáá’, Shík’is Blaine Williams. K’asdáá’ tsosts’ídiin bináahai, bighan bii’ honéezíłí dóó yá’áhoot’éeh dóó doo íits’a’ídę́é’ ch’íniyá dóó náhjį’ áyi’íisol, nihí doo bídaníil’ą’nii bił bééhózingo. Dóó bí t’áqadoo íits’a’í dóó doo yinízinígóó niyá, nááná ła’, shík’is Daqniel Almeida, nihíghangi niyáo Salt Lakegóó naashnóishjį’ náshizhyį́, shí ádił ádeesbąsíí doo bíishíshghah da. T’áá áłah bá áhwiinít’óó dóó t’áá íitsa’í abínígo nát’ash ałtso nídeidíi’jį’ dóó áko índa t’áá nihí t’áa doole’é ádeil’į́ ńdasiidlíí’. Eíí 2003 bii’ Késhmishgo ayóó deesk’ááz, díidí hastóí diyin yá naal’a’í nilį́įgo nihich’į’ éel’a’, t’áá nda’níłkaadii diyin ya nidáal’a’í baa yíkaihigi át’áo. Díidí hastóí naakigo nihi Yisdá’iiníiłii ádzaaígíí yík’ehgo ádzaa dóó daniidzínii áłtsé nihá áyiilaa áadoo t’áa bííh.
Shik’is dóó shiláh da’nólíi, Yisdá’iiníiłii ts’ídá be’ayóó ó’ó’ní dóó diné yaa dajóoba’go nihinááł í’iiláá. Bí nááná ła’ yá í’iiláá áádóó t’áabíi. T’áadoo átsijį’ na’ádiiltéhí be’íina niníti’ dóó doo ha’íi beiníłką́ nízingóó. Nihíjéé Yisdá’iiníiłii bich’į’ kódeilníiłgo, shí ádishníigo eíí nizhónígo Késhmish da’díidlééł. Áko deidzáago, t’áá aaníí bik’íhidiikáh haishį́į́ biká ahídiijáh t’áá ádaa nitsídeikéesí dóó dine’é ké dabidii’í. Díí bee Yisdá’iiníiłii hazhó’ó béé dahódiilzííł dóó nahasdzáá bikáá’ nihił dahóozyeel doo dóó dine’é baa deijiníiba’ doo, jo’éí lá, agháadi, nihe’ ayóó ó’ó’ńí, hóozyeel, dóó bee nihá yá’ánaadahóot’éehgo eíí baa ákoniidzín dóó ła’ bee bił wódiilníh. Nihí Yisdá’iiníiłii bikéé’ yiikáhgo, há da’ísíil’ąáá’ yigháhii dóó tsin yináalnishí bíla’ deidíiltsół. Nihí ałtso íil’į́į bii’ Yisdá’iiníiłii hadaníitáh, Késhmish doo ła’ ajįní t’éiyá da doodáo nídeezíd ndi ajéí dóó áne’ lá yee át’ée dooo, dóó Késhmishgo íł hózhó dóó ayóó ó’ó’ní ídiis’ná’ii yee’ koshísh ghánigóó hóló. Shí eíí t’áá aaníí Jesus Christ baa háshne’, Bethlehemgi yizhchíníi, lá Yisdá’iiníiłii dóó nihokáá’ dine’é ts’ídá ak’é Nina’ídlá.
Nizhónígo Késhmish da’doołééł. Shi díidí t’áa doole’é Jesus Christ bízhi’ binahjį’, áamen.