「最重要的是」

查德·韋伯

福音進修班及研究所行政主管

教會教育機構訓練轉播•2019年6月12日•教會教育機構大樓一樓禮堂

各位都喜歡見到學生，係咪？非常感謝唱詩班，我亦要特別感謝各位致力將救主放喺你哋學習同教導福音嘅中心。當我去觀察課堂嘅時候，睇到你哋同你哋嘅學生講出主嘅頭銜同角色，研習佢嘅品格同特質，學習佢完美嘅榜樣，¹我感受到天父亦感謝你哋為天父嘅愛子作見證。由於大家聽從克拉克長老嘅忠告，幫助學生學習去認識主，向主學習，²我睇到你哋喺教學同邀請之中更加充滿聖靈。最近有位教師同我講：「將耶穌放喺我教學嘅中心，將喜樂再次帶返嚟我嘅班房。我鼓勵大家繼續尋求靈感，知道每日點樣可以最有效率咁做到呢點。

今日，我想邀請大家以你嘅努力為基礎，去幫助你嘅學生睇到救主，唔單止喺研讀經文嘅時候，而同樣喺你哋嘗試效法救主嘅榜樣同愛嘅時候。大家可能仲記得培道·潘會長以下呢段說話，我發現當中嘅含意係既啟發人心又令人震驚嘅：

「在這些年裡，我感到非常榮幸，能從各位弟兄和姊妹身上看到一些美好的特質，這些正是那位最偉大的教師的形象。我相信只要你們根據個人的挑戰和責任全力以赴，在你們的容貌上確實會刻上基督的形像。對於所有實際的目標，在那間教室裡的那個教導時刻，用那樣的表達方式並且伴隨那樣的靈感，你們就是救主，救主就是你們。³

喺救主所有嘅特質當中，其中一樣能夠成為其他一切特質嘅動機同基礎，就係主完全嘅愛——主對天父嘅愛，同埋對我哋每個人嘅愛。

使徒保羅寫到：「我若有先知講道之能，也明白各樣的奧祕，各樣的知識，而且有全備的信， ……卻沒有愛，我就算不得甚麼。」⁴保羅可能會對一班福音進修班同研究所嘅教師講：「我若有個人魅力，也明白教與學的基本原理，各樣的教學方式，並懂得用很棒的實物教學，卻沒有愛，我就算不得甚麼。」請大家唔好攞呢句說話做藉口，俾自己唔去努力成為一位有教學技巧嘅教師。要記住，當我哋為咗了解、知識，甚至信心而去祈求，如果冇加上愛，就「成了鳴的鑼，響的鈸一般」。⁵

「愛是恆久忍耐，又有恩慈」

使徒保羅亦寫到：「愛是恆久忍耐，又有恩慈。」⁶

路加福音第19章記錄咗救主仁慈嘅一個例子。稅吏長撒該為羅馬人服務，而成為財主，猶太人認為佢收稅，背叛咗族人而憎惡他。有一日，撒該想見耶穌但唔成功，因為佢身材矮細，無辦法穿過人群，亦冇人肯幫佢。於是佢跑去路嘅前面，爬上桑樹，想喺耶穌經過嗰陣見佢。

[insert image of Zaccheaus in tree]

經文講：「耶穌到了那裏，抬頭一看，對他說：『撒該，快下來！今日我必住喺你家裏。』

「他就急忙下來，歡歡喜喜地接待耶穌。」⁷

大家可以想像到俾人見得到對撒該係有幾大意義？救主嘅邀請對成日俾人排擠嘅撒該起咗咩作用？呢個小小嘅善舉肯定令到世界唔同咗。

啲學生需要我哋嘅恆久忍耐同仁慈。不當行為、干擾、唔好嘅態度，有時都會令教學變得更加困難。但係喺呢啲時候，我懇請大家唔好糾結喺行為上，而係要了解當事人。用多啲時間好好諗吓：「係咩其他原因導致咁樣嘅行為或態度呢？」然後，就會好似傑佛瑞·賀倫長老所教導嘅：

「如果那些孩子沒有反應，或許你還無法教導他們，但你能夠愛他們。。如果你今日愛他們，或許你明天就能教導他們。」

「……愛他們並不是由他們來決定的。我們可以自始至終都愛著他們，而奇蹟將會發生。」⁸

但你點先做到呢？尤其喺很難去愛某啲人嗰陣？賀倫長老亦幫助我哋了解呢個問題：「你們可以從愛神開始。然後，祈求祂把你們對祂的愛擴展到其他需要愛的人身上。」⁹大家可以「全心全力向父祈求，好使你們滿懷……這種愛」。¹⁰你哋可以祈求能夠用天父嘅眼光去睇佢哋。你哋可以傾聽佢哋同埋嘗試去了解佢哋。又正如亨利·艾寧會長所講：「為他們服務，找些小事為他們服務。付出服務的代價，神會重視這些舉動，這是我給各位的應許。如果學生不是時時刻刻都乖巧可愛，不要擔心，只要為他們做點事，他們似乎就會變得比較可愛了，這是來自神的恩賜。」¹¹

你哋當中有人出席學生嘅音樂演出同運動比賽，或者用其他方式默默咁為佢哋服務，我向你哋表達感謝。就算佢哋冇見到你哋，亦會感受到你哋對佢哋嘅愛喺度增加緊，因為喺你哋為佢哋服務嗰陣，主會將愛賜俾你哋。

另外一個講述救主仁慈嘅例子可以喺馬可福音第5章搵到。

[insert image of Christ and woman with issue of blood]

諗吓耶穌為嗰位患血漏嘅女人所做嘅事。主醫治嘅唔止係佢嘅身體。佢一定受苦痛、社會排斥同埋經濟困難所折磨。因此，耶穌察覺到有能力從身上出去，就「周圍觀看，要見做這事的女人。」¹²女人身上嘅病已經好返。耶穌當時係應一個迫切嘅請求而趕路，不過佢停低咗。主認可呢個女人嘅信心，慈愛咁稱呼佢做「女兒」。¹³救主睇到嘅係女人本身，而唔係佢所患嘅病。主睇到一個需要被愛、被提升嘅人，而唔係要解決嘅問題或須要完成嘅工作。¹⁴

無論你需要完成咩工作，無論你要準備或教導咩課程，無論你遇到咩管教上嘅問題，永遠都有機會去提升其他人。

我希望我哋嘅愛能夠擴大到去目前冇註冊或冇出席嘅學生。很多人就好似該撒同呢個女人一樣，喺人群後面等緊。要效法救主嘅榜樣，搵佢哋出嚟。¹⁵大家喺尋求靈感，想知道點樣幫助更多年輕人去學習救主同佢嘅教訓嗰陣，請務必謙卑祈禱，一齊商議。喺我哋造福更多天父兒女嘅工作入面，註冊同結業應該係首要任務，亦係熱情所在。

「最重要的是，你們要把仁愛的約束，像外衣一樣穿在身上」

主對先知約瑟·斯密講過：「最重要的是，你們要把仁愛的約束，像外衣一樣穿在身上，那是完全與平安的約束。¹⁶將仁愛嘅約束著喺身上面會點樣嘅呢？

[insert image of Christ and woman taken in adultery]

我哋喺約翰福音第8章讀到一個婦人，俾法利賽人帶到聖殿，企喺耶穌面前。佢哋對耶穌講：

「夫子，這婦人是正行淫之時被拿的。

「摩西在律法上吩咐我們把這樣的婦人用石頭打死。你說該把她怎麼樣呢？」

耶穌彎住腰，用指尖喺地上畫字。佢哋仲繼續問佢，耶穌就直起腰嚟，對佢哋講：「你們中間誰是沒有罪的，誰就可以先拿石頭打她。」於是又彎住腰，用指尖喺地上畫字。

法利賽人受到良心譴責，開始一個個離開，最後得返耶穌同嗰個婦人，耶穌溫柔咁問佢：「婦人，那些人在哪裏呢？沒有人定你的罪嗎？

「她說：『主啊，沒有。』耶穌說：『我也不定你的罪。去吧，從此不要再犯罪了！』」¹⁷

大家喺思考呢事件嗰陣，請考慮我哋能夠由救主完美榜樣之中學到嘅其中三件事：

第一，耶穌基督嘅贖罪俾我哋經由悔改而從自己嘅錯誤中學習，而唔係被錯誤定罪。我哋班上有啲學生犯過錯誤。我哋滿懷愛心咁教導天父樂於寬恕同悔改嘅喜悅嗰陣，¹⁸就係喺度幫助學生（同埋仔女）相信救主嘅贖罪適用於佢哋，因為的確係咁。

而另一方面，呢項忠告亦同樣適用於我哋每個人。我哋都需要救主嘅贖罪來幫助我哋獲得寬恕，得到醫治。然後，我哋親自體驗到悔改嘅喜悅嗰陣，就可以啟發我哋嘅學生轉向救主，因為嗰個邀請係發自我哋已經改變嘅心。

第二，愛係我哋做啱嘅事嘅最大動機。戴爾·瑞隆長老說過：

「救主的確沒有縱容姦淫，但祂也沒有譴責這位婦人。祂鼓勵她改過自新，過新的生活。由於救主的憐憫和慈悲，她受到鼓舞、改過向善。約瑟·斯密聖經譯本證明她結果因此成了門徒:「這婦人從此以後榮耀神，並相信祂的名。」〔約翰福音8：11，註解c〕」¹⁹

我哋作為教師或父母嘅人，往往會因為驚變成原諒罪惡或縱容偏差行為，而唔去表達必要嘅愛。我哋嘅學生同仔女通常已經知道我哋對主同埋主嘅誡命嘅睇法。佢哋通常需要嘅係安慰，就係得到我哋嘅愛同重視。呢位婦人得到救主「仁愛的約束」嗰陣，內心必定充滿愛同希望，呢啲正係我哋希望所有學生能夠獲得嘅，我哋希望佢哋都能夠從救主同佢嘅福音中得到咁樣嘅感覺。

第三，無論過去或現在，救主喜愛父嘅教義，但絕對唔會用嚟當做教訓人嘅棍棒。法利賽人熟悉甚至訴諸摩西律法，成日引述條文同埋後果。但係，嗰位律法賜與者，佢嘅使命係「醫好傷心的人〔及〕報告被擄的得釋放」²⁰，所選擇嘅係慈悲憐憫。主幫嗰位婦女擋住法利賽人指謫嘅手同心，俾佢哋改變所需要嘅自我反省同覺悟。

有時候，我哋有啲學生同老師會用一種邀請指控同譴責之靈嘅方式嚟運用教義。咁嘅方式達唔到鼓勵同啟發嘅效果，反而造成貶低甚至摧毀。要效法夫子嘅榜樣，就要用可以帶嚟希望同埋醫治破碎嘅心嘅方式去教導。

除咗罪惡之外，仲有唔同嘅情況會令心破碎。好多學生處境困難，甚至帶嚟創傷，令佢哋懷疑自己係咪得到我哋嘅愛同重視。有啲人嘅挑戰係焦慮或者完美主義，令佢哋聽到嘅係指責，而唔係希望。有啲人感覺唔到被需要，因為佢哋面對性別認同嘅誘惑或挑戰，感到困惑，擔心佢哋喺耶穌基督嘅復興教會入面冇地位或者未來。

身為教師嘅我哋，需要尋求去了解對學生嚟講，呢啲會係點樣嘅經驗。例如，有位學生對於佢喺福音進修班嘅經驗，分享咗呢啲感覺：「誡命，」佢話：「係要愛鄰人，但總係覺得有人認為只要鄰人唔係同性戀者，就可以愛佢哋。總而言之，呢件係可能發生嘅最可怕嘅事情。我不禁質疑我要點樣有自我價值？仲有，天父究竟會點樣愛我？」

無論學生面對乜嘢個人挑戰，我哋需要聆聽，先可以了解，同傳達真誠嘅同情同埋愛。我哋需要將班房變成一個帶住尊重同理解嚟歡迎提問同討論議題嘅地方。我哋需要清楚咁教導真理，幫助每個學生都認可自己永恆嘅身分，就係天上慈愛父母嘅仔女。²¹我哋亦要幫助學生知道佢哋並唔孤單。向佢哋展現更多嘅愛同理解可以邀請聖靈，提升學習，醫治破碎嘅心。²²

達林·鄔克司會長教導：

「我們有義務『承擔彼此的重擔，使重擔減輕』〔摩賽亞書18：8〕。雖然我們無法改變教義，但我們仍希望教會成員和教會的政策，能顧及到那些在遵行重要的貞潔律法方面感到困擾的人。」佢亦講到：「此外，教會成員在表達更多諒解、憐憫和愛心方面所作的努力，應當能夠增進所有善意人士對我們的尊重同了解。……〔而且〕希望能減少今日盛行的憎恨同紛爭。……這確實是我們的願望，我們亦尋求成員和其他人的協助來達成這事。」²³

關鍵就在於每位教師要了解教義，知道主嘅先知目前對呢啲議題嘅立場，並且知道點樣用有幫助同有愛心嘅方式嚟回應。²⁴我哋好認真咁承諾要喺呢啲方面改進，亦會提供更多嘅訓練同資源嚟協助大家。

如果有啲時候，你哋或者任何學生講咗一啲嘢，令某個人有唔受歡迎嘅感覺，請你哋祈求可以有勇氣同體諒嘅心，令你哋知道點樣放低指謫嘅手。幫助學生記住，我哋每一個人都喺度進步緊，都需要救主嘅慈悲。路西弗，眾所周知嘅嗰位提告者，「在我們神面前晝夜控告〔我們〕。」²⁵相比之下，主嘅雙手、雙臂同埋愛依然向我哋伸展。

神嘅愛有另外一個特質，就係我哋嘅天父期望我哋變得好似佢一樣，獲得佢為所有仔女預備好嘅一切祝福。

Our Heavenly Father Is a God of High Expectations

陶德·克理斯多長老曾經教導，「天父這位神對我們寄予厚望。」²⁶天父唔會放棄我哋。佢喺我哋動搖嗰陣，寬待我哋；喺我哋改進嗰陣，對我哋充滿希望；喺我哋成長嗰陣，耐心咁忍耐。愛學生嘅老師亦會對學生有好高嘅期望，會更關心佢哋永恆嘅進步，而唔單止係今日嘅課程進行成點，或者學生有幾中意自己。

耶穌深切深心門徒嘅進步情況。

[insert image of Christ lifting person from water]

例如，耶穌睇到彼得嘅潛力，而彼得自己係睇不到嘅。佢邀請彼得憑信心採取行動，彼得動搖嗰陣，救主拉起佢，永遠都專注喺彼得最後將會成為嘅彼得。

寄予厚望會激發學生憑信心採取行動，俾佢哋去體驗主所應許嘅祝福。尼爾·安德森長老教導，當我哋喺帶領同教導嗰陣，如果冇愛，低期待，就等於鼓勵不當行為。高期待，但冇愛，會促進反叛。高度嘅愛，但低期待，營造出友誼嘅感覺但就好少進步。然而，高度嘅愛加上高期待，就可以創造奇蹟。²⁷咁就係救主所具備嘅嗰種愛，我哋如果想改變學生嘅生活，就一定都要具備嗰種愛。

而家，當我問福音進修班同研究所嘅學生，老師嘅愛點樣造福咗佢哋，佢哋回答得好快，而且都充滿咗對你哋嘅感激。以下只係其中幾個最近嘅例子。

有位女青年話：「我中意喺行入福音進修班嗰陣，見到快樂同微笑嘅教師。我冇辦法用言語表達佢嘅愛對我有幾重要。冇耐之前，佢讚賞我，而我行咗出會堂，想忍住唔喊，因為對我意義重大，佢嘅讚賞令我好開心。嗰句簡單嘅讚美，讓我每日都好高興去上福音進修班。係我嗰日入面最美好嘅時段。老師對我嘅愛令我識得要去當其他人係神嘅仔女咁去愛佢哋。」

我轉述另一個人嘅例子：「我哋班級今日真係改變咗我。我鼓起勇氣問咗一個困難嘅問題，教師認真咁聽，亦嘗試了解我嘅觀點。然後，花時間處理我嘅問題。佢講嘅嘢真係打開咗我嘅眼睛，令我睇到以前冇考慮過嘅嘢。」

最後，有位男青年寫道：「我呢個學期一開始，就態度唔好。我唔在乎福音，亦不在乎自己，一啲都不唔開心。我同父母講我唔想返福音進修班。後來，我去咗上堂，就算我以前未上過堂，教師都知道我個名。班上嘅靈性奠定咗我一日嘅情緒，生活亦變得好過啲。我改咗我嘅習慣，開始返多啲教會，研讀經文，同埋開始思考。由於教師對我哋嘅愛，對福音嘅愛，我喺佢身上睇到基督嘅光，亦努力想獲得咁嘅光，咁嘅愛。我會喺福音進修班畢業，去傳道，將來喺聖殿結婚，因為我嘅教師每日都邀請聖靈，以聖靈為伴，一齊去教導。」

而家，喺結束之前，我想表達我對主同對大家嘅感謝。我感謝主嘅無所不包同埋直接嘅愛。我感謝主耐心咁陪我學習今日所講嘅每一個課題。主嘅愛同埋憐憫令我想成為更加好嘅人。我想大家知道，我哋係幾咁愛你哋。我哋知道大家努力不懈咁為所教導同協助嘅人服務。我哋知道你哋為佢哋做咗好多祈禱，同埋佢哋掙扎嗰陣，你哋有幾痛心，同埋佢哋成功嗰陣，你哋係幾咁快樂。我哋知道大家孭住自己嘅重擔，每日仰賴主，得到主賜俾你哋同家人嘅力量。希望大家亦都知道，我哋為你哋祈禱，我哋愛你哋。

願你哋能夠幫助每位學生包括喺研讀經文嗰陣同埋喺你身上睇到救主，繼而去認識同埋愛救主。我祈求我哋會單純咁仁慈待人，睇人嘅潛能而唔係問題本身；願我哋都會伸出援手造福天父更多嘅兒女；願我哋放低指謫嘅手，同埋幫助每個人感受到佢哋喺主嘅教會入面有地位同有未來；願我哋會鼓勵學生遵行救主嘅教導，終身成為耶穌基督嘅門徒，堅持喺聖約道路上行走，令佢哋能夠獲得天父要俾佢哋嘅一切祝福。願我哋幫助佢哋感受同仰賴天父同佢兒子耶穌基督嘅愛。願大家永遠不要忘記「在你們的容貌上〔能〕刻上基督的形像。對於所有實際的目標，在那間教室裡的那個教導時刻，用那樣的表達方式並且伴隨那樣的靈感，你們就是救主，救主就是你們。」²⁸

奉耶穌基督嘅名，阿們。