Naan in Kam̧ool eo Āliktata
Nokon an Rūm̧m̧an Ded ro Ipeļaakin Laļ In
Jabōt, Pāpode 18, 2024
Amen. Kom̧ em̧ool, jitōn bōro. Rum̧m̧an ded ro m̧ōtta rejitenbōro jān aolepān laļin, ikōņaan kwaļo̧k aō naan in kam̧ool n̄an kom̧ bwe aenōm̧m̧an ilo mour in jej lo wōt ippān Jisōs Kraist im ilo en̄taan in pinmuur eo An. Ij kam̧ool n̄an kom̧ bwe ilo ad lōke E enaaj kōkajoor kōj n̄an wōnm̧aanļo̧k ilo mour in, jekdo̧o̧n men ko reppen jej iooni. Jouj im keememej aolep iien bwe itok n̄an Ippān ej letok n̄an kōj kōjatdikdik im ej letok juon emjak edimm n̄an jetōb ko ad, letok n̄an kōj juon aenōṃṃan ilowa ejjeļo̧k jem̧ļo̧kin im juon jikin kone ilo juon laļ eo etarpok im eokkoktak.
Ij kam̧ool n̄an kom̧ bwe Pein ej pelļo̧k im pojak n̄an an atbo̧kwōj kōj kōn iakwe eo An, aaet, im eļaptata, n̄e jej jebwābwe, atajinemjen, ak ajimakeke. Iien eo ekwojarjar ilo pein Rilo̧mo̧o̧r ej jon̄an wōt jekjekin bōro ko rerub, mour ko rejorrāān, jetōb ko rekinejnej, im m̧ōjņo̧ ko ad—eo kar kōm̧m̧an, bwe en waļo̧k n̄an kajjojo iaad. Jisōs ej kōllapļo̧k karuwainene eo An n̄an aiin kōj ilo atbo̧kwōje eo an em̧m̧an, indeeo. Ij kwalok aō naan in kam̧ool ke E ej pād itūriid aolep iien, kijenmej ilo an kōttar kōj, im mōņōņō in etetal ippād n̄an indeeo, eļaptata n̄e jej buromōj im ilo ad kappukot aenōm̧m̧an jān eddodo ko ad. Ij kajjitōk ippāmi n̄an tiljek kepaake ļo̧k ad Rilo̧mo̧o̧r, n̄an pukōt E ilo mour eo am̧, n̄an en̄jake iakwe eo An ekajoor n̄an kwe. Eļan̄n̄e kwonaaj kōm̧m̧an āindein, kwonaaj maron̄ bōk meram in im maron̄ etetal Ippān.
Ij kallim̧uri kom̧ ilo etan ad Rilo̧mo̧o̧r Jisōs Kraist bwe eļan̄n̄e koban eļļo̧k jān An ello̧ke waj pein, eo elap iakwe ie, jetōb eo am̧ enaaj obrak kōn aolepān ta eo aikuji n̄an kanne jetōb eo am̧. Ij kallim̧ur bwe ilo am̧ tiljek kappukot Rilo̧mo̧o̧r, kajoor in kemour eo An emaron̄ im enaaj kobrak jetōb eo am̧ kōn aenōm̧m̧an, meram, meļeļe, peran, lan̄ļōn̄, im iakwe.
Ij lukkuun kapene n̄an kwe bwe Jisōs Kraist emour im iakwe eo An me eweppān ej leļo̧k n̄an aolep ro rej itok n̄an E. En̄in ej Kabun̄ eo An emōj an jepļaaktok n̄an laļin ilo epepen in āliktata n̄an kōppopo n̄an Itok eo An Kein Karuo. Ij barāinwōt kam̧ool bwe Anij emour im ej iakwe kōj im bwe E eaar jilkintok Nejin n̄an jipan̄ kōj pukōt kōjatdikdik, aenōm̧m̧an, im mōņōņō eo ejjeļo̧k jem̧ļo̧kin. Ij nōbar kom̧. Kōmij kautiej kom̧, im kōmij iakwe kom̧ aolep. Ij ba men kein ilo āt eo ekwojarjar etan Rilo̧mo̧o̧r im Ripinmuur, Jisōs Kraist, amen.