Veikalasa

Vakasotari Vata ni iTuvatuva ni Kawa

O Eva e lako mai Rusia. E taleitaka o koya na cakava na itaviqaravi ni tuva kawa! E dau cakava na vidio me wasea na nona vakasama vei ira na tani. Oqo e dua o rawa ni tovolea.

1. Droinitaka se tabaka e rua na iyaloyalo ni lewe ni matavuvale yadua—dua ni ra se gone ka dua ni ra sa qase cake.

2. Vakabira na iyaloyalo ena pepa vavaku. Ukutaka na daku ni pepa. (A ukutaka o Eva na nona iboro ni waikala!) Qai kotiva na iyaloyalo me caka na kadi.

3. Qitora e dua na qito veisemati. Biuta sobu na kadi. Tuva e rua na kadi. Kevaka era vakaraitaka na tamata duidui, biuti ira lesu. Kevaka era vakaraitaka e dua ga na tamata, maroroya na kadi ka taura e dua tale. E vica na kadi tautauvata o raica rawa?

iTaviqaravi Bonisi

A cakava talega o Eva e dua na ivolaniitaba me baleti ira na nona qase e liu. E rawa ni o cakava ga na nomu! Vola na veika o kila me baleta na tamata yadua. Qai droinitaka se dregata ena iyaloyalo me veisotari donu.