Vola o iko
Era sa Waraki Au tiko!
Au sega ni rawa ni wawa meu papitaiso ena vukudra na noqu qase e liu!
Bula! Na yacaqu o Giselle Olivia. Au a sucu mai Idia. Au lomani Jisu Karisito.” E 2.3 ga na pasede ni tamata e Idia era Lotu Vakarisito. Io, e dau dredre ena so na gauna. Ia au kila ni vukei au o Koya ka dusimaki au. Ia oqo sa tara tiko na Lotu e dua na valetabu e Idia!
Au tiko ena dua na koro totoka ka milioni na tamata. Vei ira kece na milioni, e ono na tamata au taleitaka vakalevu: noqu nau; taciqu lailai, o Halle; oi rau na tubuqu dau loloma; noqu momo; kei noqu nei. Oqo o iratou na tamata e bibi duadua ena noqu bula.
Ena yabaki oqo keitou a cakava eso na itaviqaravi ni tuva kawa, kau vulica kina me baleti ira na noqu qase e liu. E kaya o Nau ni o rau ira ruarua na marama kei na turaga ena noqu matavuvale e balavu sara na drau ni uludra, me vakataki au ga. A qai kaya o koya e dua na ka bibi sara: era sa waraki au tiko na noqu qase e liu ena vuravura ni yalo! A kaya ni ra sa waraka tiko me ra papitaiso—me vaka ga na noqu a waraka meu yabaki walu meu qai papitaiso. (Ia, au a papitaiso ena noqu siganisucu! Totoka, e?)
E kaya o Nau ni o ira na noqu qase e liu era sa tiko ena vuravura ni yalo. E sega na yagodra me vakataki au, ka ra sa sega kina ni rawa ni papitaiso. E ka ni rarawa sara! Oqori na vuna eda na papitaiso kina ena vukudra ena valetabu. Au a tukuna vei Nau ni sa na tara na valetabu e Bengaluru, kau sa qase cake mai, au na via papitaiso ena vukudra.
Bula! Na yacaqu o Giselle Olivia. Au a sucu mai Idia. Au lomani Jisu Karisito.” E 2.3 ga na pasede ni tamata e Idia era Lotu Vakarisito. Io, e dau dredre ena so na gauna. Ia au kila ni vukei au o Koya ka dusimaki au. Ia oqo sa tara tiko na Lotu e dua na valetabu e Idia!
Au tiko ena dua na koro totoka ka milioni na tamata. Vei ira kece na milioni, e ono na tamata au taleitaka vakalevu: noqu nau; taciqu lailai, o Halle; oi rau na tubuqu dau loloma; noqu momo; kei noqu nei. Oqo o iratou na tamata e bibi duadua ena noqu bula.
Ena yabaki oqo keitou a cakava eso na itaviqaravi ni tuva kawa, kau vulica kina me baleti ira na noqu qase e liu. E kaya o Nau ni o rau ira ruarua na marama kei na turaga ena noqu matavuvale e balavu sara na drau ni uludra, me vakataki au ga. A qai kaya o koya e dua na ka bibi sara: era sa waraki au tiko na noqu qase e liu ena vuravura ni yalo! A kaya ni ra sa waraka tiko me ra papitaiso—me vaka ga na noqu a waraka meu yabaki walu meu qai papitaiso. (Ia, au a papitaiso ena noqu siganisucu! Totoka, e?)
Oqo na irairai ni Valetabu e Bengaluru Idia ni sa oti!
Droini mai vei Patricia Castelao