Molaetsa oa khoeli Liahona Mots´eanong 2023
Lithuto tsa Jesu Kreste
Likarolo tse qotsitsoeng
Joaloka ha moporefeta Nefi a re ruta, re lokela ho “keteka ka mantsoe a Kreste hobane bonang, mantsoe a Kreste a tla le bolella tsohle tse le tlamehang ho li etsa.”1 … Molaetsa oaka kajeno o na le khetho ea mantsoe a Mopholosi oa rona—seo A se buileng. …
“[Taelo e kholo molaong ke ena:] rata Morena Molimo oa hau ka pelo ea hau eohle, le ka moea oa hau ohle, le ka khopolo ea hau eohle.
“Molao oo ke o moholo oa pele.
“´Me oa bobeli ke o ts´oanang le oona, Rata oa heno joaloka ha u ithata.
“Melaong ena e ´meli ke motheo oa melao eohle le baporofeta.”2 …
“Kannete-nete ke re ho lona,le falimehe me le rapele ka mehla le se kene melekong ea liabolosi me la ba bats´oaruoa ba hae.”3 …
“Kahona, tsohle tseo le tla li etsa, le tlali etsa ka lebitso laka;kahona le tla bitsa kereke ka lebitso laka.”4 …
“Joale ona ke molao: Bakang, lona bohle ba lefats´eng, le tle ho ´na ´me le kolobetsoe ka lebitso laka, hore le tle le halaletsoe ke kamohelo ea Moea o Halalelang, hore le tle le hloeke pel´aka ka letsatsi la bofelo.”5 …
Re lumela ho Kreste. Ke qetella ka seo A se buileng ka kamoo re lokelang ho tseba le ho latela lithuto tsa Hae:
“Mots´elisi, e leng Moea o Halalelang, oo Ntate a tlang ho o romela ka lebitso laka, o tla le ruta lintho tsohle,´me o tlise lintho tsohle khopolong ea lona, eng kapa eng eo ke le boleletseng eona.”6
© 2023 by Intellectual Reserve, Inc. All rights reserved. E hatisitsoe USA. Tumello ea Sekhooa: 6/19. Tumello ea Phetolelo: 6/19. Phetolelo ea Monthly Liahona Message, May 2023.. Language. 19025 739