Molaetsa oa khoeli Liahona Mots´eanong 2023
Ho Iphumanela Khotso
Likarolo tse qotsitsoeng
Kajeno ke tla bua ka seo ke ithutileng sona ka mohlolo oa ho iphumanela khotso, ho sa tsotellehe maemo a rona. …
Ke ithutile bonyane linnete tse hlano ho tsoa ho lithuto tsa Mopholosi.
Ea pele, mpho ea khotso e fanoa kamor´a ho ba le tumelo ea ho boloka litaelo tsa Hae. …
Ea bobeli, Moea o Halalelang o tla tla ´me o lule ka ho rona. …
Ea boraro, Mopholosi o ts´episa hore ha re boloka lilekane tsa rona, re ka utloa lerato la Ntate le Mora bakeng sa ba bang le bakeng sa rona. …
Ea bone, ho boloka litaelo tsa Morena ho hloka ho feta kutlo. Re lokela ho rata Morena ka lipelo tsohle tsa rona, matla, kelello, le bokhoni bohle. …
Ea bohlano, ho hlakile hore Morena o re ratile ho lekana hore a lefelle libe tsa rona hore—ka tumelo ea rona ho Eena le ka pako ea rona, ka lebaka la Topollo ea Hae—re be le mpho ea khotso e “fetisang kutloisiso eohle” [Bafilipi 4:7], bophelong bona ´me le Eena ka hosafeleng. …
Litho ka kereke eohle li kile tsa utloa mpho ea Mopholosi ea ho iphumanela khotso. O khothalletsa bohle ho thusa ba bang ho ba le menyetla ea ho tla ho Eena ´me ba ts´oaneloe ke khotso eo le bona. Le bona ka tsela e ts´oanang, ba tla batla ts´usumetso ea ho tseba hore na ba ka fetisetsa joang mpho e na ho ba bang.
Moloko o ntseng o hola o tla hlokomela meloko e latelang. Ketsahalo ea katiso e tla tsoala mohlolo. E tla tlala le ho hola kamor´a nako, me ´muso oa Morena lefats´eng o tla be o itokiselitse ho mo lumelisa ka litlatse le li hosanna. Ho tla ba le khotso lefats´eng.
© 2023 by Intellectual Reserve, Inc. All rights reserved. E hatisitsoe USA. Tumello ea Sekhooa: 6/19. Tumello ea Phetolelo: 6/19. Phetolelo ea Monthly Liahona Message, May 2023.. Language. 19025 739