Ko e Kaumeʻá
Muimui Fakataha ʻia Sīsū
Māʻasi 2024

“Muimui Fakataha ʻia Sīsū,” Ko e Kaumeʻá, Māʻasi 2024, 20–21.

Muimui Fakataha ʻia Sīsū

alt text

Naʻe ako ʻa e fānau Palaimeli ʻi Sefa, Vanuatú, fekauʻaki mo honau hisitōlia fakafāmilí. Naʻa nau faʻu ha ngaahi pousitā ʻo ʻenau ʻakau fakafāmilí mo vahevahe ʻa e meʻa naʻa nau akó ʻi ha ʻekitivitī ʻa e Palaimelí.

alt text

“Ko e Ngoue ko Ketisemaní,” Mīsolo H., taʻu 10, ʻAlesona, USA

alt text

“ʻOku ʻIkai ʻi Heni Ia; Kuó Ne Toe Tuʻu,” Lesieli O., taʻu 7, ʻAkenisasi, USA

alt text

Kelela mo Pilitoni S., taʻu 5 mo e 7, Pevalia, Siamane

alt text

ʻAtelini B., taʻu 12, Tekisisi, USA

alt text

ʻOku mau manako ke valivali ʻa e fuaʻimoá mo kumi ʻa e fuaʻimoa ʻo e Toetuʻú. ʻE ʻi ai maʻu pē ha foʻi fuaʻimoa pelesitiki ia ʻe taha ʻoku ʻikai ha meʻa ai. ʻOkú ne fakamanatu mai kiate kimautolu ʻa e ngeʻesi fonualoto hili ʻa e toetuʻu ʻa Sīsuú!

ʻEli W., taʻu 6, Kalefōnia, USA

alt text

ʻI he pongipongi Toetuʻú, ʻoku tau ʻalu ki he lotú pea foki mai ki ʻapi ke ako lahi ange fekauʻaki mo hotau Fakamoʻuí. ʻOku ʻi ai ha foʻi fuaʻimoa ʻe 12 ʻo e Toetuʻú ʻokú ne fakafofongaʻi ʻa e ngaahi meʻa naʻá Ne fakahokó. ʻOku faʻa hala maʻu pē ke faʻo ha meʻa ʻi he foʻi fuaʻimoa fakaʻosí he ʻokú ne fakafofongaʻi kuo toe tuʻu ʻa Sīsū!

Sikāleti A., taʻu 10, Niu Mekisikou, USA

alt text

ʻOku ou ʻilo ʻoku ʻofa ʻa e Tamai Hēvaní ʻiate kitautolu pea naʻá Ne foaki Mai Hono ʻAló ke fakahaofi kitautolu. ʻOku ou saiʻia ʻi he ʻalu ki he lotú mo hoku fāmilí pea feʻiloaki mo hoku ngaahi kaungāmeʻá ʻi he Palaimelí. ʻOku ou ʻofa ʻi heʻeku kau faiako Palaimelí he ʻoku nau hiva mo kimautolu ʻi he kalasí!

Melanī C., taʻu 6, Palanitea, Malaui

alt text

Kuó u tā piano talu mei hoku taʻu nimá, pea ʻoku lahi ʻeku ako tā pianó. ʻOku ou ongoʻi fiefia ʻi heʻeku tā ʻa e pianó. ʻOku ou saiʻia ʻaupito ke tā piano maʻa hoku ngaahi kaungāmeʻá ʻi honau papitaisó.

Sulieni G., taʻu 7, Mauli, Silei

alt text

Naʻá ku ako ʻa e Ngaahi Tefito ʻo e Tuí ke teuteu ki hoku papitaisó. Naʻe tokoniʻi au ʻe heʻeku ongomātuʻá ke u ʻilo ʻa e ngaahi fuakava te u fai ʻi hoku papitaisó.

Lōkeni M., taʻu 9, Koahuila, Mekisikou

alt text

ʻOku lahi ʻa e fehikitaki hoku fāmilí. Kuó u ako ʻa e founga ke maʻu ai ha ngaahi kaungāmeʻa foʻou ʻi he ngaahi feituʻu foʻoú. ʻOku ou kole ki he kakaí pe te u lava ʻo tangutu ʻi honau tafaʻakí ʻi he maʻu meʻatokoni hoʻataá. ʻOku ou fakakaungāmeʻa ʻi he taimi ʻoku ou fai ai ha ngaahi fehuʻi pea talanoa mo e niʻihi kehé.

ʻEni W., taʻu 11, Kolomuʻa Kavanolaté, Pāleini