“Ko ha Faʻifaʻitakiʻanga Lelei,” Ko e Kaumeʻá, Māʻasi 2024, 32.
Kaumeʻa ki he Kaumeʻa
Ko ha Faʻifaʻitakiʻanga Lelei
Mei ha ‘initaviu mo Heili Ianisī.
Naʻe ʻikai ko ha mēmipa au ʻo e Siasí ʻi heʻeku kei siʻí. Naʻe toki papitaiso au ʻi heʻeku hoko ko ha tokotaha lahi mo ha tangata pisinisi.
Ko ha tangata pisinisi foki mo ʻeku tangataʻeikí. Naʻá ne fuʻu hohaʻa ʻaupito ʻi heʻeku kau ki he Siasí. Naʻá ne pehē mai, “ʻOku ʻikai ke ke toe inu kava mālohi. ʻE faingataʻa ia ʻi he ngaahi fakatahaʻanga ʻoku inu ai ʻa e tokotaha kotoa pē.”
Ka naʻe ʻikai ke u hohaʻa ki ai. Naʻá ku fakakaukau ko e taimi ʻe ʻomi ai ʻe ha taha kiate au ha kava mālohí, te u pehē ange, “ʻIkai, mālō pē.” Pea te u ʻota leva ha inu kehe.
Naʻe ʻosi atu ha ngaahi taʻu lahi peá u fai tuʻo lahi ʻeni. Hili ha kiʻi taimi siʻi, naʻe fakatokangaʻi ia ʻe hoku kaungāngāué. Kapau ʻe ʻomi ha kava mālohi kiate au, naʻa nau pehē, “ʻOku ʻikai maʻu kava mālohi ʻa Mataiasi ia. ʻOmi ha meʻa ʻe taha.” Naʻe fakaʻau ʻo tokolahi ange honau niʻihi naʻe taʻofi ʻenau ʻota kava mālohí. Naʻa nau pehē ange, “ʻOku ʻikai foki ke u fiemaʻu mo au ha kava mālohi.”
Ne tuʻo taha ha haʻu ha kau ʻaʻahi ki ha fakataha. Ko kinautolu pē naʻe inu kava mālohí.
Naʻa nau fehuʻi mai, “Ko e hā ʻoku ʻikai ke inu kava mālohi ai ha tahá? Ko ha kau mēmipa kotoa nai kinautolu ʻo homou siasí?”
Naʻá ku pehē ange, “ʻIkai.”
Naʻe ʻikai ke u malanga ki hoku ngaahi kaungāngāué fekauʻaki mo e Lea ʻo e Potó. Naʻá ku tuʻu maʻu pē ʻi he ngaahi meʻa naʻá ku tui ki aí, pea naʻa nau fakatokangaʻi ʻeku tā sīpingá.
Te ke lava foki mo koe ʻo hoko ko ha faʻifaʻitakiʻanga lelei. ʻE fakatokangaʻi ʻe he niʻihi kehé hoʻo fili ʻa e totonú. Te ke lava ʻo tokoni kiate kinautolu ʻaki hoʻo moʻui ʻaki ʻa e ongoongoleleí.
ʻŪ tā fakatātā ʻa Matt Smith