“Naʻe Mamata ʻa Sēkope mo Nīfai kia Sīsū,” Ko e Kaumeʻá, Māʻasi 2024, 26–27.
Ngaahi Talanoa mei he Folofolá
Naʻe Mamata ʻa Sēkope mo Nīfai kia Sīsū
Tā fakatātā ʻa Andrew Bosley
Ko Sēkopé ko e tehina ia ʻo Nīfai. Naʻe fāʻeleʻi ia hili e mavahe honau fāmilí mei Selusalemá. Naʻe haʻu ʻa Sēkope ki he fonua ʻo e talaʻofá ʻi heʻene kei siʻí.
Naʻe fakatou mamata ʻa Sēkope mo Nīfai kia Sīsū Kalaisi. Naʻá na vahevahe ʻena fakamoʻoní mo hona ngaahi fāmilí ke tokoniʻi kinautolu ke nau ako fekauʻaki mo Sīsū.
Naʻá na vahevahe foki e ngaahi lea ʻa e palōfita ko ʻĪsaiá. Naʻe mamata foki ʻa ʻĪsaia kia Sīsū peá ne tohi fekauʻaki mo Ia ʻi he folofolá. Naʻe fakaʻaongaʻi ʻe Sēkope mo Nīfai ʻa e ngaahi lea ʻa ʻIsaiá mei he folofolá ke akoʻi hona fāmilí ʻo kau kia Sīsū.
Naʻá na akoʻi ʻe hāʻele mai ʻa Sīsū ki he māmaní. Te Ne pekia pea toe moʻui. Naʻá na vahevahe ʻena fakamoʻoni kia Sīsū Kalaisí koeʻuhí ke hanganaki fiefia atu hona fāmilí ki Heʻene hāʻele maí.