Bulanan nga Mensahe sang Para sa Kusog sang mga Lamharon, Mayo 2024
Mangin Maayo ang Tanan Tungod sa mga Kasugtanan sa Templo
Mga Bahin
USA
Mga kauturan, mapainubuson ako nga nagasaksi nga kon magkadto kita sa templo, padumdumon kita sang wala katapusan nga kinaiya sang aton mga espiritu, sang aton relasyon sa Amay kag sa Iya diosnon nga Anak, kag sang aton pinakahandum nga magbalik sa aton langitnon nga puluy-an. …
Sa inspirado nga liderato ni Pangulong Nelson, ginpadasig sang Ginuo, kag padayon nga padasigon, ang pagpatindog sang mga templo sa bilog nga kalibutan. Hatagan sini ang tanan nga anak sang Dios sang oportunidad nga makabaton sang mga ordinansa sang kaluwasan kag pangkahitaasan kag maghimo kag magtuman sang sagrado nga mga kasugtanan. …
Ang pagpartisipar pirme sa mga ordinansa sang templo makahimo sang gawi sang debosyon sa Ginuo. Kon ginatuman ninyo ang inyo mga kasugtanan sa templo kag ginadumdom ini, ginahagad ninyo ang pagpakig-upod sang Balaan nga Espiritu para pabakuron kag tinloan kamo. …
Paagi sa mga kasugtanan sang pagselyo sa templo mabaton naton ang kasigurohan nga ang mapinalanggaon nga koneksyon sang mga pamilya magapadayon pagkatapos sang kamatayon kag magalawig tubtob sa wala katapusan. Ang pagtahod sang kasal kag mga kasugtanan sang pamilya nga ginhimo sa mga templo sang Dios magahatag sang proteksyon batok sa kalainan sang pagkamaiya-iyahon kag bugal. …
Ang mga pagtilaw, mga kabudlayan, kag mga kasakit sigurado magaabot sa aton tanan. Wala sa aton sang indi madutlan sang “mga tunok sang unod” [tan-awa sa 2 Mga Taga-Corinto 12:7–10]. Pero, kon magkadto kita sa templo kag magdumdom sang aton mga kasugtanan, makahanda kita sa pagbaton sang personal nga direksyon halin sa Ginuo. …
Pinalangga kong mga kauturan, nagapamatuod ako nga wala sang mas importante pa sangsa pagtahod sa mga kasugtanan nga inyo ginhimo ukon pwede himuon sa templo.
© 2024 iya sang Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly For the Strength of Youth Message, May 2024. Hiligaynon. 19298 861