Molaetsa oa Khoeli Bakeng sa Matlafalo ea Bacha Pulungoana 2024
Ho Latela Jesu Kreste
Mantsoe a qotsitsoeng
Philippines
Ho latela Kreste ha se tloaelo ea nakoana kapa ntho e etsahalang feela ha bonolo. Ke boitlamo bo tsoelang pele le mokhoa oa bophelo o lokelang ho re tataisa ka linako tsohle le libakeng tsohle. Lithuto tsa hae le mohlala oa hae li hlalosa tsela bakeng sa morutuoa e mong le e mong oa Jesu Kreste. …
Litaelo tsa Molimo li fana ka matla a tataisang le a tsitsitseng bophelong ba rona. …
E ´ngoe ea lithuto tsa Mopholosi oa rona e bonahala e hloka ho tsepamisitsoa hape maemong a nako ea rona.
Ena ke nako ea mantsoe a mangata a bohale le a bohloko likhokahanong tsa sechaba ´me ka linako tse ling le malapeng a rona. …
Balateli ba Kreste ba lokela ho ruta le ho etsa eng mehleng ee ea puisano e kotsi? Ke lithuto life le mehlala efe eo a re sietseng eona? …
… Re hloka ho rata le ho etsa hantle ho bohle. Re hloka ho qoba likhang ´me re be ba etsang khotso lipuisanong tsohle tsa rona. Sena ha se bolele ho sekisetsa metheo le lintho tse tlang pele, empa ho emisa ho hlasela ba bang ka matla ka lebaka la tsa bona. Hoo, ke ho entsoeng ke Mohlala o Phethahetseng ts´ebeletsong ea Hae. Hoo ke mohlala oo A re behetseng oona ha A re mema hore re mo latele. …
Joaloka balateli ba Kreste, re ruta le ho paka ka Jesu Kreste, Mohlala oa Rona o Phethahetseng. Ka hona, ha re Mo lateleng ka ho qoba likhang. Ha re ntse re phehella melaoana eo re e ratang liketsong tsa sechaba, ha re lumellane le litlhohonolofatso tsa Hae ka ho sebelisa puo le mekhoa ea ba etsang khotso. Malapeng a rona le likamanong tse ling tsa botho, ha re qobeng se bohale le se hloileng.
© 2024 by Intellectual Reserve, Inc. All rights reserved. E hatisitsoe USA. Tumello ea Senyesemane: 6/19. Tumello ea Phetolelo: 6/19. Phetolelo ea Monthly For the Strength of Youth Message, Pulungoana 2024.. South Sotho. 19345 739