Molaetsa oa Khoeli Bakeng sa Matlafalo ea Bacha Pulungoana 2024
Thuto ea Tumelo ea Jesu Kreste e Bonolo
Mantsoe a qotsitsoeng
Colombia
Lentsoe la Molimo ke thuto ea tumelo e rutuoeng ke Jesu Kreste le baporofeta ba Hae. …
… Thuto ena ea tumelo ke hore tumelo ho Morena Jesu Kreste, pako, kolobetso, ho amohela mpho ea Moea o Halalelang, le ho mamella ho fihlela qetellong e hlohonolofatsa bana bohle ba Molimo.
Ha re ruta baratuoa ba rona metheo ena, Moea o Halalelang o tla re thusa ho tseba ´nete. Hobane re hloka tataiso ea Moea o Halalelang, re lokela ho qoba ho hakanya kapa ho itlhalosa ho fetang ho ruta thuto ea ´nete.
… E ´ngoe ea litsela tse tiileng tsa ho qoba ho atamela thuto ea tumelo e fosahetseng ke ho khetha ho ba bonolo lithutong tsa rona. …
Ho ruta ka mokhoa o bonolo ho re lumella ho arolelana thuto ea tumelo ea poloko kapele, ha bana ba ntse ba sa amehe ke liteko tsa mohlorisi tse tla ba toba hamorao, pele haholo ho ´nete eo ba hlokang ho ithuta eona e koaheloa ke lerata la marang-rang a sechaba, lithaka, le mathata a bona. …
Ha re leka ka matla ho ruta baratuoa ba rona ka thuto ea Jesu Kreste, ba bang ba ntse ba ke ke ba arabela. Lipelaelo li ka kena kelellong ea hau. … U se ke ua inehela lipelaelong tseo. Fetohela ho Molimo bakeng sa thuso. …
… U tla ba mafolofolo le ho mamella. ´Me joale u tla tseba hore u entse sohle se matleng a hau ho thusa baratuoa ba hau le bao u ba rapellang hore ba phonyohe lits´itiso tsa Satane ho ba khelosa.
© 2024 by Intellectual Reserve, Inc. All rights reserved. E hatisitsoe USA. Tumello ea Senyesemane: 6/19. Tumello ea Phetolelo: 6/19. Phetolelo ea Monthly For the Strength of Youth Message, Pulungoana 2024.. South Sotho. 19345 739