“Haʻu kia Kalaisi pea ʻOua Naʻá Ke Haʻu Toko Taha,” Ki Hono Fakamālohia ʻo e Toʻu Tupú, Nōvema 2022.
Fakatahaʻanga ʻo e Pongipongi Tokonakí
Haʻu kia Kalaisi pea ʻOua Naʻá Ke Haʻu Toko Taha
Ngaahi Konga Fakamatala
Kuó ke maʻu nai ha ongoʻi fie ʻilo, ʻo fifili pe ʻoku ʻafioʻi nai ʻe he Tamai Hēvaní ko hai koe mo Ne fie maʻu nai koe? Siʻi toʻu tupu ʻofeina mo kimoutolu kotoa pē, ʻoku ou fakamoʻoni atu ko ʻeku talí ko e ʻio! ʻOku ʻi ai ha palani ʻa e ʻEikí maʻau. Kuó Ne teuteuʻi koe ki he kuongá ni, he taimí ni, ke ke hoko ko ha mālohi mo ha tākiekina ki he leleí ʻi Heʻene ngāue kafakafá. ʻOku mau fie maʻu koe! He ʻikai pē ke tatau ʻa hono maʻongoʻongá ʻo kapau he ʻikai te ke kau mai! …
Haʻu kia Kalaisi. Haʻu he taimí ni, kae ʻoua ʻe haʻu toko taha!…
Manatuʻi, ko e founga lelei taha ke ke fakalelei ʻaki ai e māmaní ko hoʻo teuteuʻi e māmaní kia Kalaisi ʻaki hoʻo fakaafeʻi e taha kotoa ke muimui ʻiate Ia. …
ʻOkú Ne ʻafioʻi foki ʻetau mamahí pea ʻokú Ne folofola tonu mai, ʻOmi ʻa e loto-hohaʻá mo e loto-mafasiá, ʻa e ongosiá, ko e hīkisiá mo e taʻepauʻiá, ʻa e fakamaau-halaʻí, ʻa e tuenoá, pe ko kinautolu ʻoku “puke ʻi ha mahaki ʻe taha.”
… Ko hai nai te ke ʻomi kia Kalaisí? Ko hai nai te ke ʻomí? …
… Kau finemui mo e kau talavou, kamata he taimí ni, ʻi homou ʻapí. …
Ko ha kuonga nāunauʻia moʻoni ʻeni ke tau kau ai ʻi he ngāue ʻa Kalaisí!
ʻIo, ʻoku mou ʻi hení koeʻuhí ko ha taumuʻa maʻongoʻonga. ʻOku ou kau fakataha mo Palesiteni Nalesoni ʻi heʻene pehē, “ʻOku finangalo ʻa e ʻEikí ke ke liliu ʻa e māmaní. ʻI he taimi te ke tali mo muimui ai ki Hono finangalo maʻaú, te ke ikunaʻi ʻa e ngaahi meʻa ne taʻemalavá!” [Russell M. Nelson, Accomplishing the Impossible: What God Does, What We Can Do2015), 147.]