“So’o i le So’o,” Mo Le Malosi o le Autalavou, Fep. 2024.
Autu a le Autalavou 2024
So’o i le So’o
O le avea ma se so’o o Keriso e le faigata tele e pei ona e mafaufau i ai.
Siaki le faataitaiga lenei na faasoa mai e se tasi o alii talavou e uiga i se so’o o Keriso i lona olaga.
Jack (agavale) ma Braiden (taumatau)
Braiden K., 12 tausaga
Mai le Teritori i Matu, Ausetalia. E fiafia e taalo lakapi ma aloese mai korokotaila.
I ni nai tausaga ua mavae, sa palauvale so’o ai la’u uo o Jack. Sa ou iloa e le’i mananao Iesu ma le Atua i lena mea. Sa ou fai atu ia te ia pe mafai ona tuu le palauvale pe a ou i ai i ona autafa, ma sa lava lona faaaloalo e taofia ai. O ma’ua o se uo mamae i le taimi nei.
So’o se taimi lava na te faalogo ai i se tasi o palauvale i le mea la ou te i ai, ona ia faatoese mai lea ia te a’u ma fai ia i latou e taofi. Ou te manatu e manaia tele. Ua toe sau o ia i le lotu mo ni nai taimi ma na oo lava i le faia o se tatalo. Sa ou fesili atu i faifeautalai mo se Tusi a Mamona ma tuu atu ia te ia.
Ou te manatu e manaia le i ai o se tasi o la’u tupulaga e tu atu mo le mea sa’o. Aemaise lava se tasi ou te iloa.
Ou te iloa o loo soifua Iesu. O Ia o le Alefa ma le Omeka (e pei ona fai mai ai le uo Eleni a lo’u tamā), o lē muamua ma le mulimuli. O Ia o lo’u Faaola ma lo’u Togiola. Na maliu o Ia mo a’u ina ia mafai ona ou toe ola. Ona o Ia, ua ou iloa ai e mafai ona ou ulu atu i le malo selesitila. Ou te iloa e alofa o Ia ia te a’u.