Siosiomia e le Alofa

Saunia e Kyla Kaye Hill

O Mekasini a le Ekalesia

E leai se mea e faatusalia i le alofa o lo tatou Faaola mo i tatou taitoatasi.

Ata

Iesu Keriso, faaopoopo i ai ma le autalavou i tulaga eseese

O ata na tusia e Corey Egbert

Pe na i ai se taimi na e lagonaina ai e leai se tasi e malamalama atoatoa ia te oe? Atonu e te lagona o ou luitau e tulaga ese ia te oe—e tulaga ese lava, o le mea moni, e tusa lava pe mafai ona fesootai isi ia te oe i nisi o auala, e leai se tasi e mafai ona malamalama moni ma atoatoa i mea o loo feagai ma oe. Ae e mafai e le Faaola.

E alofa tele le Faaola o Iesu Keriso ia te oe lea na Ia faatinoina ai Lana Togiola e fesoasoani ai ia te oe e faatoilalo mea e te oo i ai i auala e leai se tasi e mafaia. O lea la ua ia te oe le faitalia e aapa atu ia te Ia, faatuatua ia te Ia, faalagolago ia te Ia, lagona Lona alofa, salamo, osia ma tausia feagaiga, ma tumau e oo i le iuga.

O loo tu Iesu Keriso ma aao faaloaloa e siomia oe ma le alofa. O le mea lena na aoaoina e Liae, ma o le mea lena sa ia manao e aoao atu i lana fanau (tagai 2 Nifae 1). O se lesona taua e mafai foi ona tatou aoaoina!