“Aoao e Faatatau,” Mo Le Malosi o le Autalavou, Fep. 2024.
Aoaoga Autu o le Talalelei
Aoao e Faatatau
Vaai pe mafai faapefea ona e aoao atu lenei metotia mo le aumaia o tusitusiga paia ia latalata atili atu i lou olaga.
O le a le uiga o le “faatatau” o se mea? Na aoao mai Nifae e le gata i le faitauina o tusitusiga paia i lona nuu, ae sa ia “faatatauina tusitusiga paia uma ia te i matou, ina ia avea ma o matou manuia ma aoaoga” (1 Nifae 19:23).
E i ai le upu lena: faatatau. Pe o se metotia faafaiaoga anamua ua leiloloa i oneone o taimi ma e le mafai ona tatou malamalama i ai i aso nei?
E leai. O le “faatatau” o se mea o lona uiga o le faatusatusa ma mafaufau pe mafai faapefea ona fesootai i lou lava olaga. Ma o se tomai maoae lena e maua. O ni nai manatu nei e mafai ona e faaaogaina e fesoasoani ai e aoao lou aiga ma uo e uiga i lenei mataupu faavae.
O le Taimi e Aoao atu ai
-
Atatusi ma le tioata faalapopoa
Faamatala le uiga o le upu. E mafai ona e faamatalaina i au lava upu le uiga o le faatatau, pe e mafai ona e aoao faafaigofie atu o lona uiga o le faatusatusa o tusitusiga paia i lou lava olaga.
-
Atamatāuila
Tuu atu se faataitaiga. Mafaufau i se tala faatusipaia e te fiafia i ai. Ia faasoa atu la pe faapefea ona faatatau lenei tala ia te oe i le asō. Mo se faataitaiga, a o e faitau i lenei masina i le Sau, Mulimuli Mai ia te A’u, sa i ai ni faafitauli tetele a Nifae ma ona uso o Lamana ma Lemuelu. Na faapefea ona ia taulimaina? O le a se mea e mafai ona e aoao mai ia te ia e uiga i nisi o sootaga faigata i lou olaga?
-
Atafua
Faataitai faatasi. Fai atu i isi e ta’u mai nisi o a latou mau e fiafia i ai po o tala o tusitusiga paia. Ma, i se vaega, mafaufau pe mafai faapefea ona faatatau na mau i o outou olaga i aso nei.
Ata na tusia e Katy Dockrill
A e aoao e faatatau, ua e iloa ai o loo i ai i tusitusiga paia ni lesona ofoofogia mo lou olaga iinei ma le taimi nei—e pei lava ona sa latou faia mo Nifae!