Parau fa’a’ite a te tuha’a fa’atere nō te ’ohipa hi’opo’ara’a a te ’Ēkālesia, nō 2017
I te Peresidenira’a Mātāmua o te ’Ēkālesia a Iesu Mesia i te Feiā Mo’a i te Mau Mahana Hope’a nei
E au mau taea’e here ē : Mai tei arata’ihia i roto i te heheura’a i te tuha’a 120 o te Parau Ha’api’ira’a ’e te Mau Parau Fafau, nā te Tōmite ha’apa’o i te tufa’a ’ahuru―’oia ho’i te Peresidenira’a Mātāmua, te Pupu nō te Tino ’Ahuru Ma Piti ’āpōsetolo ’e te ’Ēpisōko Fa’atere Rahi, e fa’ati’a i te mau ha’amau’ara’a a te ’Ēkālesia.E fa’a’ohipa te mau fa’anahora’a a te ’Ēkālesia i te moni ’ia au i te moni ’āfata tei fa’ata’ahia e te mau ture arata’i a te ’Ēkālesia.
Nā te tuha’a fa’atere nō te ’ohipa hi’opo’ara’a a te ’Ēkālesia, tei roto te mau rave ’ohipa ’aravihi ha’amanahia ’e tei ta’a ’ē i te tahi atu mau tuha’a fa’atere a te ’Ēkālesia, te hopoi’a ’ia fa’atere i te hi’opo’ara’a, ’ia vai te tītī’aifarora’a i roto i te mau faufa’a tei fāri’ihia, te mau ha’amau’ara’a i ravehia, ’e te pārurura’a i te mau faufa’a a te ’Ēkālesia.
’Ia au i te mau hi’opo’ara’a i ravehia, tē mana’o nei te ’ohipa hi’opo’ara’a a te ’Ēkālesia ē, ’ua tāpa’ohia ’e ’ua ’ōperehia te mau faufa’a i fāri’ihia, te mau ha’amau’ara’a i ravehia ’e te mau faufa’a a te ’Ēkālesia nō te matahiti 2017, mai te au i te faufa’a a te ’Ēkālesia tei ha’amanahia, te mau ture ’e te nūmerara’a. Tē pe’e nei te ’Ēkālesia i te peu e ha’api’ihia nei i tōna mau melo ’ia ora mai te au i te faufa’a moni e vai ra, ’ia imi i te rāve’a nō te ha’apae i te mau tārahu, ’e ’ia fa’aherehere i te faufa’a nō te tau fifi.
’Ua fa’ataehia atu ma te fa’atura,
Te tuha’a fa’atere nō te ’ohipa hi’opo’ara’a a te ’Ēkālesia
Kevin R. Jergensen
Ti’a fa’atere rahi