Azhą́ Christgi át’áo Naneit’ááhígíí, Éí Ní’ Ałdó’ Akónit’ééh doo.
“Damóo biiskąnígo, t’ah abínídą́ą́’ likąní halchinii apáis wolyéii hast’eh dajíilaa yę́ę́’ dijíjáahgo tséní’ootséedi jíkai.
“Damóo biiskąnígo, t’ah abínídą́ą́’ likąní halchinii apáis wolyéii hast’eh dajíilaa yę́ę́’ dijíjáahgo tséní’ootséedi jíkai.
“Nít’éé’ tséní’ootséelgi tsé bidadiniąąnígíí nahjį́ eelmáaz lá.
“Nidi yah ajookaigo Bóhólńihii Jesus bits’íís che’ééh hádazdéé’į́į́’.
“Díí t’ahdii chééh baa nitsídadzikéego, jó’kon diné nidilt’éego bi’éé’ t’áá íiysíI bits’ádi’nílíidgo hwíighahgi yíízį́.
“Áko t’óó hoł dahóóyéégo nijį’ yaa ádadziidzaa, nít’éé’ diné áhodííniid, Ha’átíishą’ biniyé daneeznanígíí bitahgi hináanígíí hádasídóo’į́į́’?
“Éí doo kǫǫnaaghaa da, ndi éí naadiidzá.”1
Yiskąągo, éí Easter Damoo’, áko Diyin Jesus Christ bee haneenį́į́h dóó nighá adaazígíí: “Háálá Diyin God éí nihokáá’ diné’é t’áá íiyisí ayóó’ajó’níigo baa haYe’ t’ááłá’í há yizhchinínígíí baazhniłtį́, áko t’áá háida boodlą́ągo baa dzólíhígíí éí doo ádoodį́į́ł da, nidi iiná doo niníti’ii bee hólǫ́ǫ dooleeł.”2 Éí baa nihi ałdo naadidiiłaał Diyin adzaahígi’ at’ao, hoolaago hinį́į́’nąą doo.
Jesus Christ be’iiná yee nihá nináídlá’ígíí éí niheeyinílah, jó éí alilee binahjį́ nihi bąąhági’át’éí nihee iina’ łahgo áneelyáahgo éí nigha iishjaah alyaah doo, dóó t’áá nihi niidzingo. Dóó Diyin God bibee haz’áanii dóó ó’ool’įįłígíí dóó bee ałha’dit’aahii diniilzingo, hooláago Diyin God bił iina’dí baah diidaał.
Dishjiidí, éí andit’aah baa yashtį́ doo, éí Yisda’iinííłii Jesus Christ ye’i’gó baa hastí’ii niheenilá.
Niłch’ítsoh 1982 yaadą́ą́’, shichooni’ dóó shí, tł’ééhgo beesh diists’ąąhgo chééniihidnísid, íídą́ą́’ Pocatello, Idahodi nihighan. Beesh bee hane’í nidiitah, nt’ę́ę́’ ła’ jícha’go t’éísidíts’ąą’, Hódiina’-go, shadi’ ádiiniid, “Tommyaa nihits’ąą daazts’ą́.”
Kintahdí Denver, Coloradodi, ashkiileeh naadiin binaahai ádląągo chidi’ bił yiltał, 85 tsinsitahdi, ázha dahna’iichí łichiinidi nitsilí Tommy dóó be’esdzaan Joan yideesgogo t’áá ajíłah nahasts’-eed. Késhmish áhina’iidahdę́ę́’ nijoo’t’aash nt’ę́ę́’, hooghandí éí hatsí t’áá sa’go haba’ sidá.
Shichǫǫní dóó shí Denvergoo nihiłítah dóó diné daneezná haasht’édaalne’dí niit’aash. Shimá dóó shizhé’é dóó biłhaajeehígíí áádí diicha’go Joan dóó Tommy bee deeniih. Diné doo nitsé-keesgóó binįįhnaah t’áá’ałah ajídin. Nihijéí daasdił dóó tsiłkee ájítinígíí bich’į́ sháhach’įgo sidikees.
Tommyęęh éí Waashindoonjí ach’ąą’ya’tí’I jilį́ dóó Bitsí’ashtłiishii bikéyah doo kéyah bitłáadí ak’ah baaháháyá báyájiłt’į́’í doo nt’ę́e’.
Áádóó t’áá nízaa hódííná’go anihwiit’ááhiidi ashkii na’ałbąąshi bánahoot’ą́. Shadí Katy dóó shimá dóó shizhé’é áádi haghnaał ashkii bánahootą́. Ashkii bimá dóó bizhé’é ałdó áádi naa’aash áádóó ałtsohgo bik’idá’asdahi nineezígíí yikaa dahsikeego t’áá ajíłah jichá. Shadí dóó shimá dóó shizhé’é ałdó t’áá akǫǫh da’nahaazt’ąąhgo daachá. Nt’ę́ę́’ hodííhna’ deezį́ doo ashkii bimá dóó bizhé’é yaahyikaigo saad bee ha’ooníí’nii dóó aanídít’aah yee yich’į́ hadaasdziih. Hastóí ałkeh-doolnįįh saanii éí alah dah yót’ą; háála t’áá áłah yéígo tídahooznįįh. Íídą́ą́’ shimá dóó shizhé’é dóó Katy nihinaał aanideet’aah yee’nahineezt’ąąh.
Éí aanideet’ą́ yéídą́ą́’ t’áá shijéí yizoolí bi’níí’lííh áko naasgo hazhógo shitah yá’át’ééh na’hoo-dleeh. Naas hoolzhiishgo shijéí diné baa nishdee’aah yóhoołąąh. Yisdá’iiníílii binahjí tí’hoozh-niihyeeh nájį́ kóyiilaah. Tommy dóó Joan hoolaagoo bóhósaah doo, ndi diné baa nishdeeaahgo éí ayóó baa hózhó la. Háála yáaashdi bił keenąąhwiit’į́į́’ doo.
Doo éí beehaząąnii kídahnot’ííh doo dishnįįh da. Jó nihił bee hózin t’áá haashį́į́h bee haząąnii kíinit’í éí t’áá bí yah sízįį’ doo. Ndi Diyin Jesus Christ biyé dóó bitsį́ daníídlį́ áko diné t’áá ałtsoh baanishdee’aah, ázha doo ásiizíí’ da ndi.
Yisda’iiníiłii kót’áó na’nitin:
“Haalá diné nihich’į’ ákóó ádáát’įįdii bá yóó’adahidoh’aago nihiTaa’ yá’ąashdi hólóonii bich’į’ doo ákǫ́ǫ́ ádaot’įįdii ałdó’ nihá yóó’iidii’aah doo:
“Nidi dine’ nihich’į’ doo ákǫ́ǫ́ ádáát’įįdii doo bá yóó’adahidoh’aahgoogo nihiTaa’ bich’į’ doo ákǫ́ǫ́ ádaot’įįdii ałdó’ doo nihá yóó’ii didoo’aał da.”3
Diné baa nídídiit’aał t’áá héíshį́į́h “atíníhęęlaa’ígíí” Yisda’iinííłii biłgo nizhógo nihił hódeesyeeh doo. Díí Yisda’iinííłii bił Bidziilgo nihi iiná tsídí doo baah hiyóóneeh da.
Diyin Ya’ halne’é Paul kót’áó na’nitin:
“Éí bąą Diyin God atah nihiizláanii dadinohyin índa Diyin God ayóó’ánihónníinii danohłį́. Éí bą̨ ałhaa a’ááh danohsin, ałhaa dajiiinohba’, ádaa dahojiinołba’ígo nitsídaahkees, a’ohgo áda’díi-nołzin, índaałch’į’ nízaadgóó hada’díínołní;
“Ałch’į’ hada’íí nołní, ła’da bich’į’ daad dahosoołłį́į́go bił k’enída’ahididoohniił, doo ákwiiádaoh-t’įįdii Christ nihá yóó’iidii’aahígí at’éego doo ákwii áda’ahoł’į́į́ nit’ée’ii ahá yóó’ádahidoh’aah.”4
Bóhólníihii T’áábí ádííniid:
“Háálá, anihidishní, dine’ baa nishdíaah doo; t’áá haishį́į́h bik’is doo yaaneedíí’aahgo éí alaahgo ba’náhódooaał éí alaahdí bąąhigi’at’éíi doo.
“Shí éí Diyin nishłį́, t’áá háíshį́į́h baa nidashaał éí t’áá shí bee shóhólnįįh, ní éí t́áá ałtsoh diné baa nídíí’aał.”5
Diyin Yiada’iinííłii éí nizhónígo yee na’nitin; Baahigí’at’éI yaanąąghá’ígíí éí diné baanishdee’aah doo háálá ákot’áó t’éíyá diyin haaneedídooaał.6
Shikis dóó shilakee, da łah dine’ish ati’níílaah? Da t’ahdii daatsí dajiinołah? Da ádaa hojoosdii’ biniinaa doo anidinó’aah dah dóó doo baa yooneeh da? Haaį́ishdhą́ woshdę́ę́’ t’áá anołtsoh diné baa nidinóaah binahjį́ nihijéí biyídę́ę́’ nídoodzį́. Ázha diijį́ doo biigha dandi, naasdí bee neelnishgo dóó níídzingo bik’idoohaał—shí aashdzaahígí át’áó, shitsilí daaztą́ yaadą́ą́’.
T’áá shǫǫdí bee daanįįh aanídeet’aahgo éí t’áá hwo’ ałdó ádaanishdí’tah doo.
Bóhóníihii adíídniid, “T’áá héíshį́į́h bee iina’ łahgo aineeyiidlaahígíí éí baa’nídideeshaał, dóó shí doo bé’nashnįįh dah doo.”7
Nonhihooshk’ąąh t’áá anołtsoh éí Jesus Christ bek’ehgo dóó bee daałtį́į́h. Golgothadi tsin ałná’asdzoh doo tįhoonį́į́h go, kodíí’niid, “Shizhé’é, baanídiníaah, háálá adaatį́’ígíí doo bił bee dahózin da.”8
Diné baanizdeeaahgo dóó ajít’į́į́’go, shimá dóó shizhé’é doo Katy adzaaígíígí át’ao, baa ákódínííhdziił Yisda’iinííłii yee haadziih: “Hodeeshiił t’áá kǫǫh naanishłé, shi hódeesheeł naanishłé’: na’hasdzaanjí éí dooda. Nijéí éí t’áá doo bich’į́ nahwííh naní, dóó t’áá doo naldzidí.”9
Shił bee hózin Diyin Jesus Christ bik’eh hóniilįįgo díí hódeesheel ni iiná baa doolhaał nihi naał diné yee néédiníaah. Éí ákeetį́į́hgo Yisda’iinííłii nihi dziil doo dóó nihihee’iina’ bidziil dóó bił hózhó doo.
Tsébeéookaaz biyidi adin. Yisda’iinííłii hiná. Bá’hási. Áyóó’íí’noshní. Baa’ajoobá baa aheenisin, éí biníí’nąągo bee adziil binají nídii’dzí. Jesus Christ bizhi binahjį́ amen.