Saad yee Ąą’ííléééh
Nihí Melchizedek Bibee’ádziil dah deiyikáhígíí hazho’ó ándeilyaaígíí binahjį’ Bóhólníihii bináanish ayíwóhgo bee na’ánish doolééł.
Ahéhee’, Shík’is Holmes, bee hainidzí’ii bidin hóyee’.
Shik’is dahayóí, ayóó bídahwiilzááh Naat’áanii Thomas S. Monson and Eldir Robert D. Hales. Ákondi “t’áá áníiltso Bóhólníihii bináanish ádeiilnííł.”1
Hastóí t’ááła’í nizíngo Diyin bibee’ádziil dah yooléłii baa ahééh nísin. Nihí Ánina’ídláii niha’ólí, éí ánwo’ní “hastóí t’áá’at’é dah eíí Bóhólníihii Diyin God bízhi’ yinahjį’ yádaałti’ doo, azhą́ nihokáá’ dine’é biYisda’iinííłii.” Yídenilį́ ałtso2 biye’ké dáalzį’ii bá deidóózííł, bá áda’ał’į́, dóó nahasdzáá bikáá’góó Diyin God ba’áłchíní eel’áágóó be’íina’ yik’idajísdli’go eíí ałdó’ nahasdzáá [ałtso] biyi’ oodlą’ ąą dinóot’į́į́ł.”3
Nihí shį́į́ ła’ lą’í na’ázhchįįdi Sodízin bá hooghan nihá nidaháas’nil bii’ ndáałnish. Nááná ła’ ánii Sodízin bá hooghan nihá nidaháas’nilgo bii’ ndáałnish. Ła’ bá, wardgóó dáalą’í. Nááná ła’ bá, branchgóó ádanołch’į́įdi dóó nihá danízaad. Nihił ákodahóotée ndi, t’áá anółtso diyin bibee’ádziil ła’ binóhtahgo nihaadeet’ą́ íhoo’ááh dóó na’nítin, diné ayóó iinóh’nį́ dóó bił náałnish.
Diitł’éé’, nihił ííshją́ ádeilné Melchizedek bibee’ádziil dah yikáhígíí łáhgo alnéhii bináhjį’ Bóhól-níihii bináanish hazhó’ó ádeil’į́į doo.Ward nínilgóó, high príís dóó elder danlį́į t’ááła’í eldir dah yikáh dooleeł. Díí hasht’éelyaaígíí hastóí bee’ádziil yináhjį’ yídanaal’ą́ dóó dayii-chį́įhgo diné yiká anájahdoo. Eldir ndáhaleehígíí k’é déiiłní dóó dah yikáhígíí bił nidáalnish. Stakejí, ádah náheeztą́nii t’áá high príís yá dah náháaztą́. Ndi k’ad áájí bee’ádziil bee bik’ih sodáhodoozingo dah yikáhii, hodíina’go bee nihił hódooníh.
Eldir D. Todd Christofferson dóó Eldir Ronald A. Rasband nléí Naakits’áadah bá sizį́nii lá k’ad hasht’eh dáalyaagóó yaa nidí’nóotįįł.
Díidi alhíikaigi t’óó ahayóí ńdeezid náalkaahgo. Hazhó’ó ihídiikááh bił na’ánishígíí yá’at’ééh dooígíí biká dóó bił yíilnishígíí t’ąą’ baa náhane’. Eíí yá’at’ééh dóogo, bibee’ádziil dah yikáhii bítse’go ályáo Bóhólníihii be’ayóó ó’ó’ní dóó nihiká análwo’go ídiiyáii biká adiijáh.
Díidi Bóhólníihii íinízingo hasht’éelyaa. Chodeiníil’į́įgo, nigháidę́ę́’ bee níilnish shę́ę biláahgo bee ndádíilnish.
Diyin God Ayóó át’éi bináanish ádéiilnííł. Jesus lá Christ nilį́! Bá néiil’a’go jooba’ daníidlį́! Shík’iské bóhooł’áahgo dóó biwółnishgo Diyin God nihik’ijídlį́, Jesus Christ bízhi’ bee sodíszin, áámen.