Mkpri Iban ke Utom Emi
Yak ofuri mkpri iban ke Ufok Abasi emi ekere ete ke mmimo imedi nkpo, ke imo nko imenyene ufang ndisin unwam ke utom emi.
Ke isua emi ebede, ke priesthood session, Bishop Caussé ama eting iko ono irenowo ufok Abasi emi, anam efiok nte Itie Oku Aaron ye Melchizedek eyiride kiet ke ndinam utom erinyanga. Iko oro eyenwam mmo ndifiok ubiong utom mmo ke ndibop obio ubong Abasi ke ererimbot. Utom mmo ebuanade enam mi esin uko ke ufok Abasi, ye osongo ke nte mmo ekutde ufon ke utom mmo ye edisin ukeme ke utom emi.
Mfin, yak se nditing-de mi edi ibuot iko oro etingde ebanga ndino mkpri iban ufok Abasi ufang ndinam utom Abasi ke ufokemana mmo ye ke Ufok Abasi.
Nte Bishop Caussé etingde abanga idemesie, ami nko kini ndide ekpri eyen-anwan, ema-esi-yak ami nnam utom ekedide, mme utom ikpo owo. Nnyin ke youth program ima isi-da iso ndinam ndutim mbanga edinam ye usoro. Nnyin ima-isi-wet mbre, idiana kiet ndikwo ikwo ke mme edinam eke branch oro. Ema ekot mi ndikpeb nyung ndausung ke ikwo ke Sunday ke sacrament meeting ke branch oro. Ami mma nkut ke ebat mi nte nkpo nyung mfiok nko ke mmenyene unwam ndino. Mme edinam oro ama anam iko ntiense mi ke Jesus Christ osong ukem nte Bishop Caussé, nko anam uwem mi eyire ke utom gospel emi.
Mme member, efiok ete ke eyeyom mmimo. Owo kiet-kiet enyene unwam ye ukeme ndinam akwa utom emi akaka-iso. Mme akama Itie Oku Aaron emi eting-de ke nwed Doctrine ye Covenants enyene ubiong-utom emi esinamde. Itimke inwanga mkpri iban emi, ete ke ini emi mmo ekeduok-de mmong ke mmo emi ema enam enwongo “nditua ye mmo oro etuade, ndino ndong-esit, ndida nte ntiense nno Abasi ke kpukpru ini, ke kpukpru nkpo, ye ke kpukpru ebiet emi [mmo] edude, ekpedide ke mkpa.” Mmo enyene ufang ndinam mme utom emi kini ebode ikoot ke ward nte class presidencies, youth council, ye mme ikoot efen. Yak eyen-anwan enyime ke ebat mmimo nte nkpo, imonyung inyene ufang ndisin unwam ke utom emi.
Ke Handbook 2 imekpep ibanga utom erinyanga emi, nte “missionary work, ekpemede mbufa owo, ndisongo mmo oro idem emem-de, utom temple ye family history, ye ndikpeb gospel emi.” Bishops eno item ebanga utom emi ke ward mmo. Ke ediwak isua, mbon presidency nnyin ke ebebup ete, “Ewe ke otu mme utom emi ke mkpri iban nnyin midikeme-ke ndinam?” Iboro edi, ke mmo enyene unwam ndisin ke ofuri utom emi.
Ami mma nsobo ye ediwak mkpri iban ke Las Vegas emi ekekot-de ndinam utom ward temple ye family history. Mmo ema enam ofon. Mmo enyene ifiok ebanga computer sia ema efiok ebanga nte ekama-de Family Search enam utom emi. Ama oworo ada sanga-sanga ke mmo enyene iko ntiense ye ifiok ndiyom enying mmo oro ekekpade man ekpenam utom erinyanga emi eno mmo ke temple.
Ke ediwak ofiong ebede, mma nsobo mkpri iban iba edide isua 14 ke emana. Mma mbo agenda ward council iba nno Emma ye Maggie. Mma ndoho mmo ekot se ewetde mme mmo eyekut nkpo emi ward council enamde emi mmo edikemede ndisin unwam. Emma ama okut ke odu obufa ufokemana emi eduk-de edi ward oro, enye ama odoho ke imo iyenwam mmo nditang mkpoduoho mmo, ke imo iyenam ufan ye ndito oro inyung ida mmo ika obufa ufoknwed mmo. Enye ama eting abanga ward dinner emi edinamde ye usung efen emi enye edisin-de unwam.
Maggie ama eting abanga ndikese ikpo owo ye edida mmo ndian idem. Enye ama odoho ete ke ikpema ndisin unwam nno mmo. Enye ama ekere abanga ndikpep mmo nte ekpefiok-de ebanga social media. Iduhe baba nkpo kiet ke agenda oro emi mmo mikekeme-ke ndinwam!
Nte mmo oro edude ke ward council, ye ke ikoot efen, ekut mkpri iban emi nte mmo oro ekpesinde unwam ke ward nnyin? Esidu ediwak nkpo ndinam, edi nnyin isikere ibanga ikpo-owo ikpong ndinam utom emi. Ukem nte enode mbon Itie Oku Aaron ndidiana ye ete mmo ye mme akama Itie Oku Melchizedek, ekeme nko ndino mme mkpri iban nnyin ufang man ekpesin unwam, ke ndimen mmo ndian ye eka mmo, ye nti sisters. Mmo ekeme, eyom, enyung enyime ndinam se ifonde akan ndika ufok Abasi ke Sunday kpot-kpot!
Nte ikerede ibanga utom ekpenode mkpri iban nnyin kini iso, emi anam ibup mme nso utom ifiok ke ikeme ndino mmo idahaemi man ekpenwam mmo ndika mission, ndikot nwed Abasi, ndida usung ke auxiliary Ufok Abasi, ndinam utom ke temple, ndidi eti anwan-ndo, eka, andikpeb, ye ufan. Mmo ekeme nditongo nam ntre idahaemi. Eyak mkpri owo enwam edikpep nkpo ke usen Sunday ke class mmo. Ufang mmodo ke temple ono mkpri iban ndinam se ordinance worker ama akanam okure kini mmo ekade ndiduok mmong nno mme akpa-mkpa. Ekot iban primary k’emi eduk mbono Temple ye Priesthood Preparation emi edinamde mmo efiok ke ebat mmimo nte nkpo ke utom emi mme akama itie oku edade iso. Ke ntem mmo ke-ekpep ete ke kpukpru owo edi mmo oro ebode edidiong itie oku emi, ndien ke kpukpru owo ekeme ndinwam man utom Abasi aka iso.
Bishops, imefiok ete ke utom mbufo okpon, kiet edide ndise nkpo mbanga eboho Itie Oku Aaron, Handbook 2 ete yak “bishop ye mme onoitem esie eno nka Mkpri Iban ndausung eke itie oku. Yak ese mmo enyin enyung enam mmo ekpere ete ye eka mmo ye mme adausung mmo ke nte ededi.” Adian ete, “yak bishops ye mme onoitem esie eduk class mkpri iban, ebuana ke utom ye edinam mmo.” Nnyin imokom mme bishop oro esikade mme class Mkpri Iban emi enyung enode mmo ufang ndiwut se mmo ekamade akan mmo ndisanga nte isenowo ke utom emi. Esosongo ke ndinam mkpri iban mbufo enwam members ke ward! Ndinam ntem eyediong mmo akan edisuk nnanam usoro ofuri ini nno mmo.
Mbufo, mkpri iban ufok Abasi, ini uyen mbufo ekeme ndiyoho ye ata afanikong. Nnyin imokut ke ediwak mbufo emefina-idem kabanga ndaha mbufo, atuak mbufo kidem onyung ada mfina iduo-esit edi. Mbufo ikemeke ndiyo emi ikpong. Ndinam nti utom eyenam mme ikpo mfina uwem edi mfefere. Kiet ke otu nti usung emi edi ndikere mbanga ufon mbon efen ye edinam nti utom emi owutde ke nnyin imekeme ndisin unwam. Ami ndoho nte yak mbufo emenede ubok mbufo ndinyime ke emi odu mbufo kiso ndinam ntem. Nte ekade iso ndinam mme ediomi ndibop obio ubong Abasi, edidiong eyesim uwem mbufo ndien eyekeme ndikut ntotungo ye nsinsi idara emi odude ke utom emi.
Ndito-eka irenowo ye iban, mme mkpri iban nnyin emi efon ekem. Mmo enyene eno, nti udong, ye ukeme, ekop mbom, ndien ekere ebanga ufon mbon efen. Mmo esuk eyom ndino unwam. Enyung eyom ndifiok ke eyeyom mmo edinanam nti utom erinyanga emi. Kpa nte mkparawa Aaronic Priesthood ekpep-de nkpo man ekpe-bo Melchizedek Priesthood, mkpri iban nnyin nko ke ebenge idem ndidi member ke nka iban—Relief Society. K’emi, mme ndiye iban ye iren, ke ebenge idem ndidi nnwan ye ebe ndo, ete ye eka emi edidade nti ufokemana emi odot-de ndiduk obio ubong Abasi.
Ami nno iko ntiense nte ke utom Ete nnyin ke Heaven edi ndino ndito Esie anyan ye uwem nsinsi. Mme nsong-urua mkpri iban nnyin emi, enyene ata ubiong utom ndinam man ekpe-nam akwa utom emi oyoho-oyoho. Ke ennying Jesus Christ, amen.