Oodlą’ bee Áńt’į́ dóó Nileeh
Sodizin bee, Diyin bizaad bóhwiilaahgo, dóó yéego bá íít’į́įgo, yá’ąąshdę́ę́’ áki’hojidłí bá’ąą’ádiilnííł dóó Yisdá’iiníiłii yá’át’ééhgo yikéé’ sizį́įnii daniidłį́į doołeeł.
T’áá áníídígo General Authority Tsosts’idiin atah shikihodiinii’go, President Russell M. Nelson bił ahiłhwiishne’ t’áá díkwíí dah’alzhinjį’. Da’adąą góne’ ahíídiikah doo bee ndahosiit’ą́ą da, dóó ayóó jooba’go Elder S. Mark Palmer dóó shí hoshdę́ę́ nihiłníigo bił dahdiniibin dóó nihił dahózhǫ́ǫ bił da’iidą́ą́’.
“Da’iidą́ągo Diyin yá naal’a’í lá ha’át’íí bee bił yádajiłti’ łeh?” éí baa tsídíkeez. Áko ííniizį́į́’ President Nelson naabídídééshkił na’nitin doodaii’ nahat’á ła’ daatsí yee shíká’adoolwoł jó ániid shik’ihodiinii’. Doo nanitł’ahgo dóó t’áá baahózínígo haadzíí’; shinéíł’į́į́ dóó kóshidííniid, “Elder Schmeil, dííleełígíí bee nik’ihodiinii’.” Áádóó bits’ą́ąjį’ dahdiiyáago baantséskees Diyin Bóhólníihii lá ha’átíí deeshłeełgo shá yinízin. Díí baa ntséskeesgo, baa ákoniizį́į́’ hazhó’í ach’ooní, azhé’é, dóó aye’ dóó naal’a’í deeshłeełgo shá yinízin. Áko índa baa ákoniizį́į́’ díí t’áá át’é ła’ doonííł Yisdá’iiníiłii Jesus Christ yá’át’ééhgo bikéé’ sizį́įgo binaashnishgo.
Áłtséédą́ą́’ ńtsaago áłah azlį́į́’ yę́ędą́ą́’, President Nelson ádííniid, “T’áádoo le’é yá’át’ééhgo azhdoolííłgo yéego ájít’į́įgo t’éíya bíighah. Jesus Christ t’áá aníí yikéé’ sizį́įnii jidooleełgo éí ndi doo łahgo át’ée da.” 1 President Nelson anihiłní ts’ídá yéego ádeit’́į́įgo Jesus Christ yá’át’ééhgo yikéé’ sizį́įnii dadiidłeeł. Kónihiłní Yisdá’iinííłii hózhǫ́ biniiłt’é diidłeełgo, nihé’oodlą’ dabidziilgo ádadiilnííł sodadiilzingo, yéego ádeet’į́įgo, dóó baa da’ííníilta’go, nááná ła’ ałdó’.
1. Na’ídikid
Kódííniid,“Yá’ąąshdę́ę́’ niZhe’é Diyin aahdiní, áká a’ayeed bííníkeed, Jesus Christ bízhi’ binahjį’.” 2 Sodizin bee na’azhdiłkidgo ła’ ayisíí át’éego bee hołbééhoozįįh hait’áo Jesus Christ yá’át’ééhgo bikéé’ jizį́į dooleeł.
Nephi dine’é America kédaayahdi neinitingo nihoolzhiizh, Jesus Christ yá’ąąshgóó dahdiiyá. Áádóó bik’ijį’, Bikéé’ naazíinii ahíikai, “t’áá íiyisíí sodadilzingo dóó dahodísingo ch’iyáán ádąąhdeit’į́įgo. Dóó Jesus bich’į’ ííshjání ánáá’diilyaa, háálá bízhi’ yee Diyin Azhé’é nilíinii yich’į’ sodadilzin.” 3 Há’át’íí lá biniyé Jesus bikéé’ naazíinii yich’į’ ííshjání ánáá’diilyaa? Háálá sodadilzin; nda’ídíłkidgo.
Áádóó kónáádoo’niid:
“K’ad Diyin Azhe’é nilíinii bich’į’ dahdiishááh. Dóó t’áá aaníí ánihidishní, t’áá ha’át’ííshį́į́ Diyin Azhé’é nilíinii bíínóhkeedígíí nihaidoolééł shízhi’ binahjį’.
“Éí bąą, bíínóhkeed, áko nihaa doolyééł; dáá’dílkał nanóhłts’in, dóó nihich’į’ ąą ádoolnííł; háálá t’áá háiida adókeedígíí, éí baa doolyééł, dóó dáádílkał neiniłts’inígíí, éí bá ąą ádoolnííł.” 4
Nihe’oodlą’ bee na’ídíílkidgo áko Diyin Bóhólníihii nihá yinízinígíí nihił bééhodoozįįł dóó Diyin Bóhólníihii nihá yá’át’ééhígíi nihiláahdi bił bééhózin éí nihił t’áá áko dooleeł.
2. Íít’įį
Yá’át’ééhgo Jesus Christ yikéé’ sizíinii jidooleełgo binjilnishgo ałdó’ t’áá íiyisíí bóhólnííh. Yéego ádeit’į́įgo, Nihoo’ish dóó bikéé’ yiikahgo nanihintin dooleeł. Nephi shį́į́ Diyin Bóhólníihii neiyídííłkid hait’áó Laban bits’ą́ą́ béésh t’́ahí nídeididooniłígíí yee biká’adoolwołgo, ákot’ée ndi bí dóó bik’iské naakidi ch’ééh ádáát’įįd. Ádaat’į́į’ ndi, Diyin Bóhólníihii nabinitin yikahgóó. Hojooba’ígo, táádi azlį́į’go índa Nephi ła’ dayiilaa. Yénáálnii’, “Ii’sizíinii shinílóóz, ádeeshníłígíí t’ah bítséedi doo shił bééhózingóó.” 5
Díígi át’éego Diyin Bóhółníihii naalnish nihídó’ yéego ádeet’į́įgo dóó azhą́ ádiilnííłíí doo hazhó’ó bik’ida’diit’́įįh da ndi. Diyin Bóhółníihii Nephi ha’át’íí íidooliiłígíí yee yiłhółne’: tį’nilaah dóó béésh t’ąhí n’diinííł. Ákó ndi Nephi t’áadoo yee yił hoolne’ da hait’éego ádooniiłígíí. Bíni’di Nephi yaa ntsékees doogo dóó Diyin Bóhólníihii bee aná’áwo’ yíidookił—dóó díígi’ át’áo t’áá ahą́ą́h Diyin Bóhółníihii nihił naalnish. Oodlą’ bee ádeet’íígo, Diyin Bóhółníihii nanihi’éésh dóó nanhintin.
3. Baa ííníiłt’a’
Nephi táá’ saad yisdzoh bii’dę́ę́’, Yisdá’íiníiłii yikéé’ naazį́įnii ádabiłní Sodizin bee yójihígíí biniinaa diné bitahgo ałgha’dit’ááh hólǫ́. Kóhodíínįįd, Yisdá’íiníiłii alahdi át’éi yee na’neezt’ąa’ “Diyin bizaad’ish t’ahdoo dayoołta’da?” 6 Baa ajółta’go ayisi t’áá’ákóinéehee éí bee Jesus Christ yikéé sizį́įnii yá’át’ééhii jileeh. Sodizin dóó Diyin bizaad bídahoo’aah ahidadii’t’i’. Ahił choo’ígo niha t’áá’ákónéehee. Diyin Bóhółníihii díígi’ átéego choo’į́go áyiilaa. “Christ bizaad yéego yinółta’; jó háálá, Christ bizaad éí t’áá ałtso ádiiłíłígíí yee niłhodoołní.” 7
Yisdá’íiníiłii ałdo’ yee na’neezt’ąą éí Diyin bizaad doo t’óó bits’ąadoo ídahołaahda, ndi bee nida’nootin ałdó’, Nephites dine’é yił’íishjání áyiila yę́ę́ bik’ehgo: “Áadoo baahoolzhiizh Jesus ałtso bizaad yee naneezt’ąą t’ah ła’íjį’, éí ńda’yíízo lą́, yee nabineezt’ąą’ígíí bee nida’not’in dííniidgo yee hooł’a’.” 8
Díí ts’ídá alááhdi át’éii át’́ehígíí biniinaa Nephi t’ą́ą́’ nálwod dóó béésh t’ą́hí nídííjih bi’doo’niid: ba’áłchíní dóó yiłháájéé’ Diyin bizaad ba’át’é doo éí t’óó yee kéyah baadiit’ą́ą́góó yinééłgo biniyé da ndi ałdó’ ba’áłch́iní yee ndeidinoot’įįł. Nihi’do’ ákah’ana’áwo’ nhi’dinoot’į́į́łígíí hadadiit’́íídoo Diyin bizaad biyí’déę́ deiy,niikaagoo, dóó danighangoo bee nda’níítindoołeeł dóó Sodizin ba’dahooghangoo andeelwo’go.
4. Diiłeełgo anit’į́
Lą’ídi sohodizįįh ndi doo t’áá hoshch’į’ bik’eh áhool’įįh da. Ndi nihe’oodlą́ hólǫ́ naas yidaałdo, Diyin ke’hgo ít’íígo, dóó bidiilkaaldoo Nephi béésh t’ąhí nediijaah yę́ę́ gi’at’áo. Diyin Bóhółníihii nihił ííshjání iidoolííł kóníshéígo ndi t’áá ałkéé’; Diyin bizaad yiníílta’go, Diyin Bóhóníihii hane’ nihił ííshjaní iiłį́į doo doodaii’ adziil da éí bee nihee anáá’doot’ááł, t’áá ła’í damóo da, dóó t’áá łá’íde bináádinį́įtah. Elder Richard G. Scott ádííniid: “Baa ahééh nínízin łahda Diyin God shiidą́ą́dii ti’hwiinííhgo ánihósin áko índa nihisodizin yik’eh áhooł’įįh. Éí ni’oodlą’ bidziil íidoolííł dóó bee áant’éhígíí dinissé.” 9
Sodiszingo dóó Diyin bizaad yiinishta’go, Diyin Bóhóníihii áłahjí adziił yee shikijidlí yéego ásht’į́į dooleełgo dóó ha’íínishníigo shee anáádoot’ááł, t’áá ła’í damóo da, dóó t’áá łáhídi bináádínííshtah. T’óó’ ahayóídi doo tsxįįłgo shił ííshjání é’élyaa da. Na’ídíkid ła’ t’ahdoo biniyé shich’į’ náhane’da, ndi t’ahdii bika sodizin dóó baa íínisht’a’ dóó baa shiłhózhó Diyin Bóhólníihii t’ahdii adziil bee asht’inígíí yee shikidjidłí shich’į’ náhane’ biba’.
Elder Richard G. Scott ałdó’ ádííniid, “Ak’i’diit’į́įh niniilą́ąjį’ nííníyáágo doo ééhózin bee ni’hoojį́į́h biyi’jį’, oodlą’ choi’niił’į́įgo, biká ánit’inígíí bikídíínááł éí doo nááná łahdéé’ shóidííłt’eeł da.” 10
Yá’át’ééhgo Yisdá’iiníiłii yikéé’ sizį́įinii jidooleełgo są́ą́góó ahodoolzhish, dóó t’áá’anííłtso ał’ąą ’át’éego bikida’diit’įįh, t’áá ałąą át’éego nihił adahwiil’zhíísh. Benéilniih dooleeł dii doo ałhahoninééh at’éeda, dóó ayóí’áda’ahíínííní dóó ahíłká’ańeejah. T’aa nihí ít’íígo t’éeya Yisdá’íiníiłíí nihe’iina’ yinaalnishdogo ba’bohónéedzą́ dooleeł.
Sidney Rigdon yich’i’ yałti’go, Diyin Bóhółníihii kódííniid: “Hanihísííd dóó bindaałnishígíí yish’į́. Ni’sodizin disíts’ą’, dóó naanish ayoo át’éii bá handishłeeh.” 11 Shi’oodlą’ bee ádíshní éí Diyin Bóhółníihii nidiits’a’ dóó nihisodizin yik’eh’áhoolííł; Nihééhósin, dóó t’áá ádíighahágo naanish ayóí’ át’éé niha bee hółǫ́. Sodizin bee, Diyin bizaad bóhwiił’a, dóó yéego iit’į́į́go, yá’ąąshdee áki’hojidłí ba’ą’ádiilnííł dóó Yisdá’iiníiłii yikee sizíínii yá’á’t’ééhii nidłįįdołeeł.
President Dallin H. Oaks yee na’neezt’ąa’éí “Tsi’di Akéedi Nihwiit’aahdi doo t’oo yá’á’t’ééh dóó bąąhagi át’éii nidoołka’da—hadee t’į́įdígíí. Éí baa nishiilnishígíí dóó baa ntsííkeesígíí éí bee bééhodozįįł—ha’at’íí a’diilyaa.” 12
Baa ahéénisin Diyin yá’dahałne’íí, biłéédahóziníí, dóó náásgóó ádaa’téii yadahalne’íí; yadiitłin yikáá’dóó ha’asídí danił’í. T’áadoole’é doo déét’in’ígíí da’yoo’į́. Shi’oodlą’ bee ádíshní bizaad bee, Yisdá’iiníiłii Jesus Christ dóó yá’át’ééhgo yikeé’’ sizíinii ániit’éé dooleełígíí dóó biká’íít’į́įgo nihá bóhóníidzą́. Shi’oodlą’ bee ádíshní Jesus Christ hiná dóó t’áá ádííghahágo nihééhósin. Díí Bísodizin beeda’ooldah át’é. Jesus Christ bízhi’ baa hast’ii binahjį́, áamen.