![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fcf%2Fd3%2Fcfd3e5e61c6cae33f9c8091736f974371a6b1981%2Fcfd3e5e61c6cae33f9c8091736f974371a6b1981.jpeg/full/!250,/0/default)
Obult el mo er a Moktek er a Dios
A beltel a chad a uldimukl er a ngerachel el mo ouchais er a ebangkelio er a Jesus Kristo el mo er a beluulechad.
Ak mereng a sulel a President Russell M. Nelson er sel mesisiich el okedongel er a urerel a misionari me a klemechel a President M. Russell Ballard me a Marcos A. Aidukaitis ra ulekrael el tekingir el kirir a remisionari er chelechang.
A urerek el misionari el mo er a Great Britain er tial mlo merek el rak a rirelak el mo omdasu a ikel mekreos el chedaol teletael el ngii a mle dodai er a uldesuek el mo mesiou el misionari.1 Sera leteruich me a eim a rekik, ea obekuk, er a Joe, a mle lluich a rekil—el ngii a sel rekil a chad el sebechel mo mesiou el misionari. Chelsel a beluu er a Merikel, eleng sel mle klautok er a Korea, eng di mle remekesai a sebechir el mo mesiou. Ng di imong a mokedong er a chelsel a bek el ikelesia er a chelsel a tal rak.2 Ng mlo mechas a rengmam er a bishop er kemam a lolengit er a Joe mel lomdasu el kirel tial techall ngii me a demmam. A Joe a mla omuchel el meruul a babilengel el mo er a skuul er a kltoktang. A demmam, el dimlak el omais el mo er a Ikelesia, a mla kudmokl a udoud el mo olngeseu er ngii er a skulel e dimlak el soal a Joe a lebo losiou. A chedam a millekoi er a Joe el kmo ng bai ngarngii a betok el ungil bo el ruul sel bora skuul er a kltoktang. Tia mlo klou el tekoi er a chelsel a telungalek er kemam.
Sel cheldecheduch el obengkel a ungil obekuk, ea ki tilbir el kmo sel uldesuel el mo mesiou el mo misionari e diak le bora skuul el telkib el taem a ultuil er a edei el ker:(1) A Jesus Kristo ng chedaol? (2) A Babier er a Mormon ng tekingel a Dios? ea (3) A Joseph Smith ng Profet er a Oluut? Omko me a nger el mora ikal ker a choi, eng bleketakl el kmo a Joe a sebechel remuul a betok el ungil sel ouchais er a ebangkelio er a Jesus Kristo el mo er a beluulechad er a bai lebo el toktang er sel mereched el taem.3
Seikid el kesus e ak miluluuch el meral mla er ngii er a renguk. A Chedaol Reng, el kltukl el mle mesisiich, a ulechotii er ngak el kmo a nger el mo er a ikal edei el ker a klemerang. Tia mlo klou a ultutelel el tekoi el me er ngak el kirel a klengar er ngak. Ak mlo metebengii el kmo a bek el uldasu el bo kulilt er a chelsel a klengar er ngak a mo meruul lokiu aikal klemerang. Ak dirrek el mlo medengei el kmo ak mo mesiou el misionari a lsekum eng mo er ngii a techellek. Chelsel a klengar er a omesiou me a chedaol omeruul, e ak mlo ungil medengei el kmo a meral blult a sel omkengei er a moktek er a Dios e a omerelled a sebechel mukrael lokiu a Chedaol Reng.
Ng di mla er ngii a klaumerang er ngak er a chedaol Jesus Kristo el Osobelel a beluulechad. Seikid el kesus e ak ngiluu a chedaol klaumerang el kirel Babier er a Mormon4 me a Profet Joseph Smith.
A Joseph Smith a Mle Dongu er a Chimal a Rubak
A klaumerang er kemiu a mo mesisiich sel modengeii a rengmiu lokiu a nglunguchiu el kmo a Profet Joseph Smith a mle dongu er a chimal a Rubak. Aika el merko el eai el rak, e a tara urerek el ngara Teruich me a terung el Apostol a mlo omes e menguiu a rokui el babilengel a Joseph Smith me sel mle ultaut lurreor el mlo mechelii otebedelel sel buk el Saints volumes.5 A sioning er ngak me a renguk el soak a Profet Joseph Smith a mla mengai el mo mesisiich e mukeroul e ruriul er a kchuiu a ikel ulekrael el telengtengil a klengar er ngii me a dimla mekedmokl ruchei el ngara ulaoch el urerel.
A Joseph er a loidii a Babier er a Mormon lokiu a sengk me a klisichel a Dios a mle dodai er a Oluut.6 A Babier er a Mormon a osisiu, e ungil llechukl, e olab a nger el kirel a ker er a klengar. Ng dirrek el ouchais el kirel a Jesus Kristo. Ak ouchais el kmo a Joseph Smith a mle melemalt, e mui er a klaumerang, e dongu el chimal a Rubak el mo olecholt er a Babier er a Mormon.
A ocholt me a omeruul el llechukl er a chelsel a Doctrine and Covenants a ocholt a kiis, chedaol ruoll, me a telbiil el usbechall el kirel a olsobel me a diak a ulebengelel klengar. Ng diak el di locholt a ikel meklou a ultutelel teletael el mo rullii a Ikelesia ng dirrek el ocholt a dmolech el osisechakl el rullid el mo medengelii a moktek er a klengar e meskid ues el bedul a ngarmedad el diak a ulebengelel.
Sel tara ikel betok el okesiu er a Joseph Smith el kirel a ulaoch el ngerchelel a debetik er ngii er a chelsel a 76th el bliongel er a Doctrine and Covenants. Ngii a bleketakl el llechukl el kirel ues er a babeluades, luldimukl er a rengedel a klebkall, el Profet Joseph me a Sidney Rigdon a mlo mukngeltengat el mlo ngmai sera February 16, 1832. Seikid el taem, eng betok el ikelesia a ulsisechakl el kmo a Tngakireng er a Osobel a diak el sebechel mo olsobel el kirir a rebetok el chad. Ng mle klaumerang el di remekesai a mo suobel, ea rebetok a mo er a beluu er a ngau me a re mo medebeakl, luldimukl a diak el ngemed el ringel “el diak a ngidil tekoi el sebechel smodii el ringel.”7
A ocholt el ngar sel 76th el bliongel a ouchais a klebokel el ues el kirel a kakerous el klebkall el rebetok el rengelekel a Chedam er a Babeluades el mle bekeu a rengrir er sel beluulechad ruchei a mo mukngeltengat er a uriul er sel klou el kerekeriil.8 A ues el kirel a ikal kldei el dauch er a klebkall, el sel kot el ngariou a “chengelakl er a klemedengei er a chad,”9 e melemalt el omtok er sel mle mesisiich eng ding cheleuid el osisechakl el kmo a rebetok el chad a mo er a beluu er a ngau e mo medebeakl.
Sel momtab el Joseph Smith a di mle lluich me a elolem a rekil, e dimlak a kmal skulel, e di mle kekerei malechub eng diak a klemedengei er ngii er a tekoi luluusbech el oleiuid er a Biblia, a olechotel a kmo ngii a meral mle dongu er a chimal a Rubak. Sel 17th el bades er a bliongel 76, eng ulmelchesuar el mo ousbech er a tekoi el diak el melemalt er a bai lousbech er a delbeakl el lulusbech er ngii er sel Ebangkelio er a Johanes.10
Ng kora mengasireng el okeua ma eim el rak ruriul ea merreder er a ikelesia er a Anglican e ngarbab a skulel el brobesong,11 Frederic W. Farrar, el milluches el kirel a Klengar er a Jesus Kristo,12 a ulechais el kmo sel belkul a delbeakl el ngar sel King James Version er a Biblia a mle cheleuid a oidel el mlara Hebrew ma Greek el mo English.13
Chelechal temed, eng betok a ousbech er sel uldasu el kmo ngdiak a telemellel a klengit. Te blak a rengrir el oldubech a omerellel a klengit el diak a ouchel reng el kirel. A mla mocholt el osisechakl a diak dil omtok er sel uldasu el kmo a rebetok el chad a mo er a beluu er a ngau e medebeakl ngbai dirrek el ouchais el kmo a ouchel el reng a kirem el rulii ruchei er a bom nguu a Tngakireng er a Osobel e mochu nguu sel kot ngarbab el klebkall.14 Ak ouchais el kmo a Joseph Smtih a meral mle dongu er a chimal a Rubak el mle uchul e a Olutel a ebangkelio er Ngii a mlei!
Ele uchul Olutel a ebangkelio er a Jesus Kristo, e kede medengelii sel ultutelel a ouchel el reng me a “ureor er a llemalt.”15 Kede medengelii sel klou a ultutelel el Tngakireng er a Osobel me a olsobel chedaol ruoll me a telbiil, luldimukl a ikel meruul er a chelsel a templo.
A “ureor er a llemalt” a ngarngii lokiu a bult e dirrek el redechel a obult. A meral bult a mo er ngii lokiu a kengei e ngarngii er a rengud el mo oltirakl er a moktek er a Dios.16 A rodech me a klengeltengat a betok e le uchul a bult a merang me a budech me a ulterekokl el deurreng17—a di ngarngii el diak el iior er a ringel er a klengar .
Obult el mo er a Osobel a ngodechii a klechad er a tech el mo klikiid, mechell el beches, klikiid el chad—e mo beches el chad el ngara Jesus Kristo.18
Te Betok A Diak Lodengelii a Klemerang Eleng Ng Diak Lodengei el kmo Te Mo Metik er Ngii er Ker
Ngera ikel ngerachel eleng bult a uchul? Chelsel a kelbus er a Liberty ea Joseph a milluches el kmo te betok “a diak lodengelii a klemerang eleng diak lodengei el kmo te mo metik er ngii er ker.”19
Sel uchelel a tekingel a Rubak el ngara Doctrine and Covenants, e sel klou el moktek er a Rubak el kired a chemolt. E le Ngii el medengelii a kerreior el kirel mera rechad er a beluulechad eng milkedongii a mesiungel er a Joseph Smith, Jun., e milngedecheduch er ngii el mlara babeluades e milsang a llach. Ea uriull eng kmo, “A cherrungel el ebangkelio er Ngii a mo medung lokiu a mechitechut me a re beot el mo er a beluulechad.”20 Tiang a uldimukl er a cherrungel el remisionari. Tiang a uldimukl er a dersta er kid. Tiang a kirel el domekdalm er ngii el mo er a rokui el chad el mla mukngeltengat el obult el mo er a moktek er a Dios. A Osobel a siotai er kid el mo Ngerel me a Chimal.21 A beltkil a rengul a Osobel a mo omekellomes a roled. A Osobel a ulsisechakl er a roltirakl er ngii el kmo, “Me chelechang e morael, el mo olisechakl er a rokui el beluu.”22 E mo er a Joseph Smith, e Ngii a dilung el kmo, “Molsisechakl er a ebangkelio er Ngii el mo er a rokui el chad el dirkak el nguu.”23
A tal sandei uriul er a oterkeklel a Kirkland Templo er a April 3, 1836, el mle Sandei el Baskua e dirrek el mle Passover, ea Rubak a mlo chemolt er a ues el mo er a Joseph me a Oliver Cowdery. A Rubak a kilengei er a templo e milekoi el kmo, “Ngmo uchelel a klengeltengat el mo mochubel el mo er a re chedal.”24
Uriul er a lemechesimer tial ues, e a Moses a dilum “e milskemam … a kiis er a omengideb er a Israel er a ikel eua el saus er a beluulechad, me a ikel teruich el blai el ngara diluches.”25
President Russell M. Nelson, el betik ra rengud el profet er kid er chelechal sils a olab ikal osisiu el kiis, a ulisechakl er chelechal tutau: “Kemiu el ngeasek el sechal a lulerreked er kemiu el kiriu el mei er chelechal taem el le ngarngii tial blel yaksok er ngii el mengideb er a re Iserael. Me sel bo a mosiou, e kemiu a klou a ngercheliu er a chelsel tial klou el ureor!”26
El sel moktek er a Osobel el mo ouchais er a ebangkelio el ngii a mo olechotel a klengar er kid, eng kired el mo obult el mo er a moktek er a Dios; ngkired el mo oubeltik el reng el mo er a rechad el kmeed er kid, e ouchais er a mla moluut el ebangkelio er a Jesus Kristo, e siotai er a rokui el mei e lesang. Sel de rechedal a Ikelesia, e kede soad sel nger er a Profet Joseph el mo er a Wentworth, el editor er sel Chicago Democrat,er a 1842. Ngii a uleker a tekoi el kirel a Ikelesia. A Joseph a ulenger ngii el ulusbech er sel “Omerelel a Klemerang” el uchelel a omsodel a teruich me a edei el Tebechelel a Klemerang. Sel omerelel a ochotii, a bleketakl el teletael, el kirel a ikel mo mekedmokl:
“Ng diak a diak el chedaol el chim el mo torbengii a berekel tial ureor; a klaudechelakl morngii, remekngit el chad a mo dmak, re soldau a mo dmak, e mocha oltuub er a rechad, engdi a klemerang er a Dios a di melemolm merael el di mesiich, e chetengakl, e mimokl, el di merekmo bolsisb er a bek el beluu, oldingel a bek el cheltel a beluu, e mo er a bek el basio, e oderngesall el mo er a bek el ding el di merekmo a moktek er a Dios a mo mekedmokl, ea Ngarbab el Jehovah a mo dmung el uasei a ureor a mla mo merek.”27
Tiang sel mle okedong el mo er a telcheroll er a Uriul-klebesei el Santo, el tokuni a remisionari. Sel reng er a “Omerellel a Klemerang,” kede mereng a saul el kmo mel ngarngii a bekuiuiull el rakt el meliuekl er a beluulechad, engdi a mui a klaumerang er tir el remisioari a ochais er a ebangkelio. Remisionari, ng betik a rengmam er kemiu! A Rubak a olengit er a dersta er kid el mo ouchais er a ebangkelio er Ngii el okiu a omelekoi me a omeruul. A beltel a chad a uldimukl er a ngerachel el mo ouchais er a ebangkelio er a Jesus Kristo el mo er a beluulechad.
A klengeltengat er a olechotel a ebangkelio a uldimukl el mo menglou a belted el mo er a moktek er a Dios e mecherei a Dios meng mesisiich el ngara chelsel a klengar er kid.28 Kede omekngeltengat er a rebebil mel bo el chau “tial klou el mo ngodech” er a chelsel a reng.29 Ng meral ngarngii a diak a ulebengelel deurreng sel dolengeseu er a rebebil el mo er a Kristo.30 A oureor el kirel a beltel a tal chad me a rebebil a meralkot el ngarbab el ngerachel.30 Aika kdung el ngara ngklel a Jesus Kristo, amen.