Mahoday, Hamein Ishu Ko Dekhna Hai

Elder Robert M. Daines dwara

Sattar ke

Woh jo hai aur Unke pyaar ko mehsoos karne ke liye hum Ishu ko dekhna chahate hai.

Chehra Naa Pehchaanna(Fes Blaaindnas)

1945 ke bahaar ke samay ka ek din, ek jawaan yuwak ek sena ke aspataal me jaaga. Wohbhaagyashaali tha ki woh zinda bach gaya—use kaan ke ekdam peeche goli maari gayi thi, lekin daaktaro ne opreshan kar diya tha, aur woh ab aam taur pe chal aur baat kar sakta tha.

Dukh ki baat yeh hai ki goli ne uske bheje ke us hisse ko nuksaan pahunchaya tha jo chehro ko pehchaanta tha. Ab woh bina pehchaan ki chingari ke apne patni ki or dekha; woh apni maa ko nahi pehchaan saka. Yahan tak ki sheesha me chehra bhi uske liye ajnabi tha—woh aadmi aur mahila ke beech ka antar nahi batla paa raha tha.¹

Woh fes-blaaind ho gaya tha—ek aysi stithi jo laakho logon ko hota hai.²

Jo log gambheer roop se fes-blaaind hai woh niyamo ko yaad karke dusron ko pehchanne ki koshish karte hai—ek beti ko uski chainya(freckles) ke petan se yaa ek dost ko uski hilti chaal se pehchanne ka niyam.

Badha Hona

Yeh ek dusri kahani hai, gahr ke kareeb ka: Ek yuwa ladka ke roop me, mai aksar apni maa ko niyam banane-waali ke roop me dekhta tha. Woh tay karti thi mai kab khelne jaaun aur mai kab sone jaaun ya, bagiche me ghaas-foos ukhaadu.

Yeh spasht tha ki woh mujhse pyaar karti thi. Lekin bahut baar aur mujhe sharmindagi hai, maine use sirf “Woh Jiski Aagya Maanni Chahiye” ke roop me dekha.

Sirf saalon baad hi mai use ek vaastawik insaan ke roop me dekh paaya. Mujhe is baat pe sharmindagi hai ki maine kabhi uske tyaag par dhyaan nahi diya ya mujhe ashcharye jua ki saalo tak usne wahi do puraani skirt hi kyun pehni (jabki mujhe skool ke naye kapde mile the) ya aakhir kyun, din ke anth me, woh itni thaki hui thi aur mere liye utsuk thi ki mai jaldi so jaaun.

Hum Shaayad Chehra-Naa-Pehchaan Paae

Shaayad aapne dekha hoga ki yeh donon kahaniyaan vaastao me ek hi kahani hai—kayi saalo tak, mai vaastao me, chehra-naa-pehchaan paaya tha. Mai apni maa ko ek vaastavik insaan ke roop me dekhne me asafal raha. Maine uske niyam toh dekhe lekin unme uska pyaar nahin dekha.

Mai ne aapko ek baat spasht karne ke liye yeh do kahaniyaan sunaaya hoon: Mujhe aysa lagta hai ki aap kisi ayse insaan ko jaante hain (shaayad aap ayse insaan hai) jo ek tarah ke dhaarmik fes-blaaindnas se peedit hai.

Aapko Ishwar ko ek pyaare Pita ke roop me dekhne me kathinaai ho sakti hai. Aap swarg ki or dekh sakte hai aur pyaar aur daya ka chehra nahin balki niyamo ka ek samooh dekh sakte hain jis se aapko apna raasta banana hoga. Shaayad aap vishwaas karte hai ki Ishwar Apne swarg me raaj karta hai, Apne prophets se baat karta hai, aur aapki bahan se pyaar karta hai, lekin aap gupt roop se ashcharye karte hai ki kya Woh aap se pyaar karta hai.³ Shaayad aapne apne haath me lohe ki chadi(iron rod) ko mehsoos kiya hai, lekin abhi tak Rakshak ke pyaar ka ehsaas nahi mila hai jiski or yeh le jaata hai. ⁴

Mujhe sandeh hai ki aap ayse logon ko jaante hain kyunki lambe samay tak, mai aysa hi insaan tha—mai dhaarmik roop se fes-blaaind tha.

Maine socha ki mera jiwan niyamo ka paalan karne aur amoort staron(abstract standards) tak maapne ke baare me tha. Mai jaanta tha ki Parmeshwar tumse puri tarah pyaar karta hai lekin mujhe khud iska ehsaas nahi hua. Mujhe dar hai ki maine apne Swarg ke Pita ke saath rehne ke bajaae swarg me jaane ke baare me adhik socha.

Agar aap, meri tarah kabhi-kabhi sirf lip-synch kar sakte hai, lekin mukti ke prem ka geet nahin gaa sakte,”⁵ toh hum kya kar sakte hai?

Jaise President Russell M. Nelson hamein yaad dilaata hai, jawaab hamesha Ishu hota hai.⁶ Aur yeh bahut achcha samachaar hai.

Mahoday, Hamein Ishu Ko Dekhna Hai

John ki pustak me ek chota sa verse mujhe pasand hai. Isme kuch baahar ke log ek chela ke paas jaate hai ek zaroori niwedan ke saath. “Mahoday,” woh kehte hai, “hamein Ishu ko dekhne[ki chahat] hai.”⁷

Hum sab bhi yahi chahate hai—Woh jo hai aur Unke pyaar ko mehsoos karne ke liye hum Ishu ko dekhna chahate hai. Yahi wajah hona chahiye zyaadatar cheezon ka jo hum Girjaghar—me karte hai ka aur har prabhubhoj sabha me. Agar aap kabhi ashcharye karte ho kaisa paath padhana hai, kaisi meeting ayojit karni hai, aur deacons ko rehne dete hai aur hum dojbol khelte hai,aap is verse ko apna maargdarshan maane: kya isse logon ko madad milegi Ishu Masih ko dekhne aur pyaar karne me? Agar nahi, shaayad kuch alag koshish kee jiye.

Jab mujhe laga ki mai dhaarmik roop se fes-blaaind hoon, ki mai kaanoon ko dekh paa raha hoon lekin Pita ke kripa ka chehra nahi, mai jaanta tha yeh Girjaghar ke wajah se nahi hai. Yeh Parmeshwar ke wajah se nahi, aur iska matlab yeh nahi tha ki sab kuch khatm ho gaya hai; yeh kuch aysa hai jo hum sabhi ko seekhna hai. Yahan tak ki Punaruthaan ke shuruaati gawaah bhi aksar punarjiwit Prabhu ke aamne-saamne aate the par Unhe pehchaan nahi paate the; Bageeche ke Kabr se lekar Galilee ke tat(shore) tak, Unke pehle chelon ne “Ishu ko khada dekha, aur naa jaana ki yeh Ishu hai.”⁸ Unhe Use pehchaanna seekhna tha, aur hamein bhi aysa hi karna hai.⁹

Dayaluta

Jab mujhe ehsaas hua ki mai dhaarmik roop se andha ho gaya hoon, toh maine “hriday ki puri urja ke saath” praathna karne ke liye Mormon ki salaah ka paalan karna shuru kar diya, taaki mai us pyaar se bhar jaaun jo Uske chelon se waada kiya gaya tha—Uske liye mera pyaar aur mere liye Uska pyaar—aur “woh jaisa hai use waise hi dekhein … aur yahi aasha rakkhein.”¹⁰ Maine Ishwar se pyaar karne ki pehli mahaan aagya ka paalan karne aur yeh mehsoos karne ke liye saalon tak praathna kee ki “pehla mahaan sach ki Ishwar hameinApnepure dil, shakti, dimaag, aur taaqat se pyaar karta hai.”¹¹

Woh Susamachaarein(Gospels)

Maine woh chaar Susamachaarein bhi padhi aur dobaara padhi—is baar niyamo ko nikaalne ke liye nahi balki yeh dekhne ke liye ki Woh kaun hai aur Woh kya chahata karta hai. Aur, samay ke saath, mai Usse behne waali pyaar ki naddi me beh gaya.

Ishu ne ghoshna kee ki Woh aaya tha “toote huwe dilon ko changa karne, bandiyon ko [aazaadi kee ghoshna] karne, aur andhon ko drishti [pradaan] karne ke liye aaye hai.”¹²

Yeh sirf ek kaarye suchi yaa achcha naam banana nahi tha; yeh Uske pyaar ka aakaar hai.

Susamachaaron ko betarteeb dhang se kholein; ;agbhag har panne par hum Use un logon ki dekhbhaal karte huwe dekhte hai—jo samaajik, aadhyaatmik, aur shaaririk roop se peedit hai. Woh prdushit aur ashudh samjhe jaane waale logon ko choota hai¹³aur bhookhon ko khaana khilaata hai.¹⁴

Ishu ke baare me aapke manpasand kahani kon laa hai? Mujhe sandeh hai ki yeh Ishwar ke Putr ko aage badhkar koi vanchit dal ke logon ko gale lagate ya aasha dete dikhaata hai—kodhee,¹⁵grihnit Samaaree,¹⁶doshi aur,¹⁷badnaam paapi, ya raashtriye dushman.¹⁸ Is tarah ka kripa adbhut hai.

Har baar jab Woh kisi baahari insaan ki prashansa karta hai ya changaai karta hai ya uske saath bhojan karta hai jo use likhne ka prayaas karein, aur Luke khatm hone se pehle aapke pen ki ink kam padh jaaegi.

Jaise hi maine yah dekha, mera dil pyaar bhare maanyata se uchal pada, aur mujhe lagne laga ki shaayad woh mujhse pyaar karta hai. Jaisa ki President Nelson ne sikhaaya, “Jitna zyaada aap Rakshak ke baare me jaanenge, Unki daya, Unke anant pyaar par bharosa karna utna hi aasaan hoga.”¹⁹ Aur utna hi zyaada aap apne Swarg ke Pita par bharosa aur Unse pyaar karenge.

Elder Holland ne hamein sikhaya hai ki Ishu hamein yeh dikhaane aaye the ki “hamara anant Pita Parmeshwar kaun hai aur kaisa hai, Woh Apne bachchon ke prati kitna samarpit hai”²⁰har ek yug aur desh me.

Paul kehte hai “ki Parmeshwar [sabhi] dayalutaaon ka Pita aur sabhi saantaaonaao ka Parmeshwar hai.”²¹

Agar aap use alag tarah se dekhte hai, toh kripya koshish karte rahein.

Anubandh aur bhagavaan ka aalingan

Profats hum logon ko Uska chehra talaash karne ke liye amantrit karta hai.²² Mai khud ko isse yaad dilaata hoon ki hum apne Pita ki bhakti karte hai, kisi tay kiye niyam ki nahi, aur jab tak hum Ishu ko apne Pita ke pyaar ke chehre ke roop me nahi dekhte tab tak hum samaapt nahi hote²³aur Uski raah pe chale, naa ki kewal Uske niyamo par.²⁴

Jab profats aur devdut vachano ki baat karte hai, toh veh(laal makhmalee) bleechers se chillaane waale prashikshakon ki tarah nahi hote hain, jo hamein “kadi mehnat karne” ke liye kehte hai!” Woh chahate hai ki hum dekhein ki hamare vachanein mool roop se rishton ke baare me hai²⁵aur dhaarmik chehre ke andhepan ka ilaaj ho sakta hai.²⁶ Woh Uska pyaar paane ke niyam nahi hai; woh pehle se hi aapse puri tarah se pyaar karta hai. Hamari chunaoti us pyaar ko samajhna aur uske tarah apne jiwan ko aakaar dena hai. ²⁷

Hum apne vachano ke maadhyam se, jaise ki agar ek khidki ke maadhyam se, piche Pita ki daya ko dekhne ka prayaas karte hai.

Vachanein Parmeshwar ke aalingan ka aakaar hai.

Parmeshwar ke Prem ki Nadee

Aant mein, hum Uski sewa kar ke use dekhna seekh sakte hai. “Kyunki woh insaan kis swami ko jaanta hai jiski usne sewa nahi ki?”²⁸

Kuch saal pehle, mujhe ek fon aaya jo mujhe achcha nahi laga. Mai jaldi uth gaya, ghabraya hua—lekin mann me ek bol tha jo maine pehle kabhi nahi suna tha: ki is Girjaghar me sewa karna Parmeshwar bachcho ke liye Unke pyaar kee naddi me khada hona hai. Yeh Girjaghar un mehnati logon ka sangathan hai jo aozaar liye, is koshish me hai ki woh Parmeshwar ke bachchon ki madad kar sakein Unke pyaar ki naddi ko bina rukawat ke mehsoos karne me.

Aap jo bhi hain, aapka ateet jo bhi ho, is Girjaghar me aapke liye jagah hai.²⁹

Apne aozaar uthaao aur is sangathan me shaamil ho jaao. Unke pyaar ko Unke bachcho tak le jaane me madad karo, aur iska kuch chidhkaao aap par bhi barsega.³⁰

Aaiye hum Unke pyaar bhare chehre, Unke vachan ke aalingan ko talaash karein, aur phir Unke bachcho ke saath haath milaaen, aur saath me hum “Redeemer of Israel” gaaenge:

Restore, my dear Savior(Punahsthaapit karo, mere priye Rakshak),

The light of thy face(Tere chehre ka prakaash);

Thy soul-cheering comfort impart(Aapka aatm-shaabhaashi karne waala aaraam pradaan karta hai);

And let the sweet longing(Aur meetha hasrat rehne do)

For thy holy place(Aapke pawitr sthaan ke liye)

Bring hope to my desolate heart(Mere veeraan hirday me aasha laao).³¹

Aao hum Unke pyaar bhare chehre ki talaash karein aur phir Unke bachcho ke liye Unki daya ka ghada ban sakte hai.³² Ishu Masih ke naam se, amen.

Notes

1. Dekhiye Hadyn D. Ellis and Melanie Florence, “Bodamer’s (1947) Paper on Prosopagnosia,” Cognitive Neuropsychology, vol. 7, no. 2 (1990), 84–91; Joshua Davis, “Face Blind,” Wired, Nov. 1, 2006, wired.com

2. Dekhiye Dennis Nealon, “How Common Is Face Blindness?,” Harvard Medical School, Feb. 24, 2023, hms.harvard.edu; Oliver Sacks, “Face-Blind,” New Yorker, Aug. 23, 2010, newyorker.com.

3. “Girjaghar ke kuch sadasye siddhaanton, aadarshon, aur gawahon ko apnaate hai jo baar baar duniya bhar me Sammelan Kendr aur sthaaniye sabhaaon me ghoshna ki jaati hai manch par se—aur phir bhi in anant sachchaaiyon ko maanna mushkil hota hai khaas roop se unke jiwan aur paristhitiyon ke anusaar” (David A. Bednar, “Abide in Me, and I in You; Therefore Walk with Me,” Liahona, May 2023, 125).

4. Dekhiye 1 Nephi 8:19; 15:23. “Bina Prabhu me vishwaas aur bharosa ke Unke aagyaaon ka paalan karna mushkil hai” (Henry B. Eyring, “The Faith to Ask and Then to Act,” Liahona, Nov. 2021, 75).

5. Alma 5:26

6. Dekhiye Russell M. Nelson, “The Answer Is Always Jesus Christ,” Liahona, May 2023, 127–28.

7. John 12:21.

8. John 20:14. Emmaus ke raaste pe unhonne Use dekha par par pehchaana nahi (dekhiye Luke 24:16), ek band kamre me (dekhiye Luke 24:37), Galilee ke tath par (dekhiye John 21:4), aur Bagiche waale Kabr par (dekhiye John 20:14).

9. Agar hum pure hriday se Unhe khojenge aur vishwaas ke saath chalte rahenge, Woh mil jaaega.

   “Kyunki Prabhu kehta hai, mai jaanta hoon ki jo vichaar mai tumhare vishay me sochta hoon, woh haani ke nahin, parantu mel hi ke hote hai. …

   “Aur tum mujhe dhoondhoge aur paaoge, aur tum apne sampurn mann se mujhe dhoondhoge” (Jeremiah 29:11, 13

   “Woh din aaega jab tum Parmeshwar ko bhi samjhoge, Usme aur Uske dwara jiwit ho kar.

   Tab tum jaanoge ki tum ne mujhe dekha hai, ki mai hoon” (Doctrine and Covenants 88:49–50

   “Sabhi aatma jo apne paapon ko tyaagate hai aur mere paas aata hai, aur mere naam ko pookarte hai, aur meri aawaaz ka paalan karta hai, aur mere aagyaon ko maanta hai, mera chehara dekh kar jaan lega ki mai hoon” (Doctrine and Covenants 93:1

10. Moroni 7:48. Paul dayaluta ko hamari spasht roop se dekhne ki chamta se bhi jodta hai. Dayaluta par apne mahaan updesh ke anth me, woh likhte hai ki bhale “abhi hum sheeshe me se andhera dekhte hai,” hum baad me “aamne saamne dekhenge: … tab jaisa mai jaanata hoon waisa jaan loonga” (1 Corinthians 13:12).

11. Jeffrey R. Holland, “Tomorrow the Lord Will Do Wonders among You,” Liahona, May 2016, 127. “Masih ke shudh prem ki badee paribhasha’ … woh nahi hai jise hum Isaai hone ke naate doosron ke prati pradarshit karne ki koshish karte hai lekin kaafi had tak nakaam ho jaate hai, nalki woh hai jo Masih hamare prati pradarshit karne me puri tarah se safal rahe hain. Sachcha dayaluta kewal ek baar hi jaana gaya hai. Yeh hamare liye Masih ke sada ek saa, param, aur praeshchit prem me dikhata hai (Jeffrey R. Holland, Christ and the New Covenant: The Messianic Message of the Book of Mormon [1997], 336).

12. Luke 4:18, New King James Version.

13. Dekhiye Matthew 8:3; 9:25.

14. Dekhiye Matthew 14:13–21

15. Dekhiye Matthew 8:1–3.

16. Dekhiye John 4:7–10; Usane Samaritan kee prashansa kee (see Luke 10:25–37).

17. Dekhiye Matthew 21:31; Luke 7:27–50; 15:1–10; John 8:2–12.

18. Dekhiye Matthew 8:5–13

19. Russell M. Nelson, “Christ Is Risen; Faith in Him Will Move Mountains,” Liahona, May 2021, 103.

20. Jeffrey R. Holland, “The Grandeur of God,” Liahona, Nov. 2003, 70. “Woh jisne Mujhe dekha hai ne Pita ko dekh liya hai” (John 14:9).

21. 2 Corinthians 1:3

22. Dekhiye Psalm 27:8; Doctrine and Covenants 88:68.

23. Dekhiye 2 Corinthians 4:6; Pope Francis, “Misericordiae Vultus: Bull of Indiction of the Extraordinary Jubilee of Mercy,” Apostolic Letters, vatican.va.

24. Yeh ek mahatvapurn vishay hai Yehkewal mukti aur unnati ka kaam nahi hai balki Uskakaarye hai (dekhiye General Handbook: Serving in The Church of Jesus Christ of Latter-day Saints1.2Gospel Library). Mai sirf mandir nahi balki Prabhu ke ghar jaata hoon; yeh Mormon Girjaghar nahi balki Ishu Masih ke Girjaghar hai (dekhiye Russell M. Nelson, “The Correct Name of the Church,” Liahona, Nov. 2018, 87–89); aur yahan tak ki “‘Praeshchit’ naamak koi anaakaar ikaai nahi hai jisse hum sahayta, changaai, chama, ya shakti maang sakein. Hamare neta hamen usakee or ishaara karate hain aur yahaan tak ki hamen yaad dilaate hain ki “Praeshchit naamak koee anaakaar ikaee nahin hai jis par ham sahaayata, upachaar, kshama ya shakti maang saken. Ishu Masih woh srot hai” (Russell M. Nelson, “Drawing the Power of Jesus Christ into Our Lives,” LiahonaMay 2017, 40).

25. “Woh vachanbadh maarg Ishwar ke saath hamare sambandh ke baare me hai”; yeh “prem ka maarg hai— … ek dusri ki dayalu dekhbhaal karna aur un tak pahunchna” (Russell M. Nelson, “The Everlasting Covenant,” Liahona, Oct. 2022, 11).

    Dekhiye David A. Bednar, “The Blessed and Happy State” (address given at the seminar for new mission leaders, June 24, 2022); Scott Taylor, “Elder Bednar Shares 7 Lessons on ‘the Blessed and Happy State’ of Obedience,” Church News, June 27, 2022, thechurchnews.com.

    “Pawitr vachano me shaamil hona aur yogye rup se purohiti vidhiyon ke praapt kare se hum log Prabhu Ishu Masih aur Swarg ke Pita se jud jaata hai. Iske yahi matlab hai ki hum log Rakshak pe apan Wakeel aur Mediator ke rup me bharosa karta hai aur Uske khoobi, taras, aur upkaar pe nirbhar rehta hai apan jiwan ke yaatra ke daoraan. …

    “Vachano ki pratibandho ko jeena aur pyaar karna Prabhu ke saath ek sambandh banaata hai jon ki gehra rup se niji aur dhaarmik rup se shaktishaali rahe hai. Ishu tab shaastro me dewal kahaniyon ke mukhye kirdaar se bahut zyaada ho jaate hai; Uske uddhaaran aur shikshaaen hum log ke har ek ichcha, vichaar aur kaarye ke prabhaawit kare hai.” (David A. Bednar, “Par Humne Unki Nahi Suni,” Liahona, May 2022, 15).

    Dekhiye D. Todd Christofferson, “Our Relationship with God,” Liahona, May 2022, 78–80.

26. “Aur in siddhaanton ke bina, aur purohiti ke adhikaaar ke, parmeshwartav ki shakti insaan ke sharir mein prawesh nahi kar sakta hai;

    “Kyunki iske bina koi bhi insaan Parmeshwar, yahan tak ki Pita ka chehra nahi dekh sakta, aur jiwit nahi reh sakta” (Doctrine and Covenants 84:21–22

27. Patricia Holland, “A Future Filled with Hope” (worldwide devotional for young adults, Jan. 8, 2023), Gospel Library:

    Aapko is [aasha ke peeche bhaagna nahi ki woh aapki madad karega]; aap aysa nahi karte aur aap iska nirmaan nahi kar sakte. Anugrah ke maamle me, aap ise apni taaqat ya kisi anye insaan ki taaqat par nirbhar rehkar haasil nahi kar sakte. Isme koi gupt formula ya koi jaaduyee mantr shaamil nahi hai. …

    “Sach me. hum jo bhumika nibhaate hai woh mahatwapurn hai lekin vaastav me bahut choti hai; kaarye ka bada bhaag Parmeshwar ke paas hai. Hamara hissa deenta aur saralta se Uske paas aana hai, toh hamein chinta nahi karni chahiye aur darna nahi chahiye.”

28. Mosiah 5:13; bhi dekhiye John 17:3

29. President Nelson ne hum se baar baar “pure manushye jaati ko gale lagane ke liye apne pyaar daere ko bhaari karne” ke baare me kaha hai (“Blessed Are the Peacemakers,” Liahona, Nov. 2002, 41). May 2022 me unhonne young adults se kaha ki “labels sake nirnay aur shatruta ke janm dewe. Sexual Orienteshan, ling, padhaai ki degree, ya anye ,ahatvapurn pehchaan-kartaaon ke kaaran kisi dusre ke prati koi bhi durvyavahaar ya tarafdaari hamare Bananewaale ke liye apmaan janak hai” (“Choices for Eternity” [worldwide devotional for young adults, May 15, 2022], Gospel Library). Hamme afsos hai ki duniya bhar ke hamare Black(Kaale) bhaai aur bahane jaatiwaad aur tarafdaari sahe hai. Aaj hum sab jagah ke hamare sadasyo se kehta hai tarafdaari ke rawaiya aur kriyaaon ko hataane me pahal karo. Mai aap se Parmeshwar ke sabhi bachcho ke prati sammaan ko badhaawa dene ka niwedan karta hoon” (“Let God Prevail,” Liahona, Nov. 2020, 94).

    “Tarafdaari Parmeshwar ke prakat vachan ke khilaaf hai. Parmeshwar ke paksh ya napasand Uske prati samarpan aur Uski aagyaaon par nirbhar karta hai, naa ki kisi insaan ki twacha ke rang ya anye gunon par.

    “… Isme nasl, jaatiyeta, raashtriyeta, janjaati, ling, aayu, viklaangta, samaajik aarthik atithi, dhaarmik vishwaas ya avishwaas, aur yaun abhivinyaas par adhaarit tarafdaari shaamil hai” (General Handbook, 38.6.14, Gospel Library).

30. Dekhiye 1 Nephi 11:25

31. “Redeemer of Israel,” Hymns, no. 6.

32. Dekhiye Romans 9:23