Juon bwebwenato in Kabun̄ ilo

Guam

Kōmeļeļe ilo tukadu in

Ilo jem̧ļo̧kin Pata eo an Laļ in kein II, Armej ro Rekwojarjar ilo Raan Ko Āliktata rej jerbal ilo jarin tariņae eo an United States im kar jerbal ilo Guam kar jino kweilo̧k ilo kumi bajjōk ko. Epaakeļo̧k jinoin 1950 ko, branch ko raar ejaak n̄an rijerbal in jarin tariņae, baam̧le ko aer, im Rikwojarjar ro jet rejjab rilaļ en rej jokwei lo Guam. Kōn jipan̄ an mijenede ro jān Japanese Mijen eo, membōr ro raar jino kajeeded gospel eo ippān ro riturier. Epaakeļo̧k jem̧ļo̧kin jon̄oul iiō ko, im̧ōn kweilo̧k ko jinoin tata ilo Guam raar aje n̄an jipan̄ eddōkļo̧k eo ekajoor an branch ko.

Armej ro rekwojarjar ilo Guam raar lukkuun jerbal ippān doon ippān ro rūturier. Ilo lukon iien kam̧ōņōņō eo, juon ļan̄ eļap, im iien kōkāāl m̧anit, membōr ro raar kōm̧m̧an jerbal in jipan̄, katakin, im ukook. Ilo 1970 ko, armej in RiCHamoru ro, me kajin eo im m̧anit eo ekar pen wōt ium̧win epepen ko, kar jino ioon membōr ro im mijenede ro. Ālkin oktak eo an RiCHamoru ro jinoin tata, Maria im Donald Calvo, raar peptaij ilo Māe 1977 eo, Maria ekar jino jerbal in ukook eo an Bok in Mormon n̄an kajin CHamoru. Maria ekar kōjatdikdik bwe ukook eo en kar jipan̄ rioktak in RiCHamoru ro jet katak gospel eo ilo kajin eo aer im bwe en kar jipan̄ kōjparok kajin eo aer. Ke kāālet ko an raar jeje ilo 1989 eo, jikin kōm̧m̧an kien eo an armej in Guam raar kōm̧m̧ane juon kakien (resolution) n̄an kile ukook eo an an Bok in Mormon āinwōt juon “tōprak ļapļap” ilo kōjparok kajin eo an RiCHamoru.

Mekarta pata eo ekar ļōn̄aj kōketak eo n̄an kajutak branch ko ilo Guam, Armej ro Rekwojarjar ijōņ ekar wōr ippāer jibadbad eo n̄an “kōjparok bōro wōt juon an Jetōb ilo liāp in aenōm̧m̧an” (Epesōs 4:3) ilo aer kar jerbal ippān doon ippān ro rūturier.