Fakamāloó

Naʻe tokoni ha kakai ʻe laungeau ki he hisitōlia foʻou ko ʻeni ʻo e Siasí, pea ʻoku mau houngaʻia ʻiate kinautolu takitaha. ʻOku tau moʻua ki he kau faihisitōlia laui toʻu tangata kuo nau ngāue ʻi he Siasí ʻo nau tānaki fakaʻauliliki mo fakatolonga e ngaahi lekooti ʻoku makatuʻunga ai e tohí ni. Naʻe tokoni fakahangatonu pe ʻikai fakahangatonu ʻa e kau ngāue kotoa pē, kau faifekau, mo e kau ngāue ʻofa ʻi he Potungāue Hisitōlia ʻo e Siasí. ʻOku ʻoatu ha fakamālō makehe kia James Goldberg, David Golding, Elizabeth Mott, Jennifer Reeder mo Ryan Saltzgiver ʻi heʻenau faʻu ha ngaahi naunau tānaki atu ki ai ʻi he ʻinitanetí. Naʻe tataki hono liliu fakaʻilekitulōnika e ngaahi maʻuʻanga tokoní ʻe Audrey Spainhower Dunshee mo Jay Burton ʻi he Church Hisitory Catalog.

ʻOku makatuʻunga fakatautautefito e ʻanalaiso fakahisitōlia ʻi he tohí he The Joseph Smith Papers. ʻOku tau fakamālō foki ki hono toe vakaiʻi ʻo e ngāue ko iá ʻe he kau faihisitōliá, ʻo kau ai ʻa Matthew Godfrey, Mark Ashurst-McGee, Elizabeth Kuehn, David Grua, Spencer McBride mo Alex Smith. Naʻe ʻomi foki ʻe Jenny Lund mo Mark Staker ʻo e Tafaʻaki ki he Ngaahi Feituʻu Fakahisitōliá hano toe vakaiʻi fakalelei mo ha ngaahi fakatonutonu. Naʻe fakahoko ʻe R. Eric Smith, ko e pule fakaʻētita ʻo e Tafaʻaki Pulusí ha ngaahi tokoni lahi pea pehē kia Alison Palmer mo Stephanie Steed. Naʻe hokohoko e tokoni mai ʻa e kau mēmipa ʻo e Poate Faka-ʻĒtita Fakamatala Paaki ʻo e Kau Faihisitōlia ʻo e Siasí.

Naʻa mau talanoa mo Ardis Parshall, Chris Crowe, Angela Hallstrom, mo Jonathan Langford, pehē kia Eric C. Olson kuó na mamaʻo atú, Brandon Sanderson, Laurel Barlow, Kathleen mo Dean Hughes, H. B. Moore, Kimberley Heuston Sorenson, pea mo Gale Sears ʻi hono fokotuʻutuʻu e faʻunga fakatohi ʻo e tohí. Naʻe ʻomi foki ʻe he kau faihisitōlia ko Alex Baugh mo Melissa Wei-Tsing Inouye ha tokoni mahuʻinga pehē kia Frank Rolapp. Naʻe faʻu ʻe Greg Newbold ʻa e ngaahi ngāue fakaʻaati fakamānakó mo e ngaahi mapé.

Naʻe tokoni ʻa John Heath, Debra Abercrombie mo Miryelle Resek ki hono fakaaʻu e ngāué ki he ngaahi tapa kehekehe. Naʻe tokoni ʻa Kiersten Olson, Jo Lyn Curtis, Andrea Maxfield mo Debi Robins ʻi he ngaahi ngāue ki hono fokotuʻutuʻú. Naʻe tokoni ʻa Lizzie Saltsman ki hono puleʻi e ngāué.

Ne tokoni foki mo e kau mēmipa ʻo e ngaahi potungāue kehe ʻa e Siasí, ʻo kau ai ha timi mei ha ngaahi potungāue kehekehe ʻa ia ne kau ki ai ʻa Irinna Danielson, Alan Paulsen, Karlie Guymon, Robert Ewer, Jen Ward, Drew Conrad, David Dickson, mo Paul Murphy. ʻOku kau ʻa Eliza Nevin, Patric Gerber, Nick Olvera, Paul VanDerHoeven, Randall Pixton, Brooke Frandsen, David Mann, Alan Blake, Jeff Hutchings, Gary Walton, Matt Evans, Scott Welty mo Jeff Hatch ʻi he niʻihi kehe ne nau ʻomi ha fakamatalá. Ne fakamoleki ʻe Kelly Haws, Mark Eastmond, Casey Olson mo Tom Valletta ha ngaahi houa lahi ki hono toe vakaiʻi e ngaahi meʻa kuo tohí. Ne teuteuʻi lelei ʻe ha kau liliu lea ʻa e fakamatalá kotoa ʻi ha ngaahi lea fakafonua ʻe hongofulu mā tolu, pea mo ha ngaahi lea fakafonua kehe ʻi he ʻuluaki vahe ʻe valú.

Naʻe toe vakaiʻi e fakamatalá ʻe ha kau laukonga ngāue tokoni mei he tapa kehekehe ʻo e māmaní pea ʻomi ha ngaahi fakamatala tokoni ke fakaleleiʻi e tohí mo tokoni ke fakapapauʻi ʻe mahino ki he ʻatamai mo e loto ʻo e Kāingalotú ʻi he feituʻu kotoa.