Ko e Teunga Naʻe Taʻetāú

Naʻe teuteu ʻemau faiva hiva ke fai ʻi he polokalama homau ʻapiakó ki he fakaʻosinga ʻo e taʻú. Naʻá ku fiefia ʻaupito, kae tautautefito ʻi heʻeku kaú. Naʻá ku ʻalu ki he ako faiva kotoa pē neongo naʻe ʻikai lava ke ʻave meʻalele au ki ai ʻe ha taha. Ka ʻi he taimi naʻe fakaʻaliʻali mai ai ʻe heʻeku faiakó homau teungá, naʻe tō ʻeku ʻamanakí. Naʻe taʻetaau e teungá.

Naʻá ku talaange ki heʻeku faiakó he ʻikai te u tui e teungá, pea naʻá ne loto-mamahi ʻiate au. Naʻá ne talamai ʻoku ʻikai ha palopalema ia ʻa e tamaiki fefine kehé fekauʻaki mo e teungá, pea kapau naʻe ʻikai te u fie tui, pea he ʻikai te u kau he faivá. Naʻe aʻu pē ki heʻene feinga ke fakalotoʻi ʻeku faʻeé ke fakamālohiʻi au ke u tui. Ka naʻá ku ʻiloʻi naʻe fie maʻu ke u tauhi e ngaahi fekaú, ko ia naʻa ku talaange he ʻikai te u kau au.

ʻI he ngaahi ʻaho siʻi kimuʻa pea fai e polokalamá, naʻe kumi mai ʻe he faiakó ha ngaahi teunga naʻe taau. ʻOku ou fiefia naʻe ʻikai te u pehē ʻe lelei ke u kiʻi teunga taʻetaau “tuʻo taha pē.”

ʻEsitela C., taʻu 12, ʻi hono tokoniʻi ia ʻe Sesilia Sikuasia, ʻĪtali