Ko e Fakapulipuli ki he Lavameʻá

ʻEtisi Heisolo T., taʻu 11, ʻEle Salavatoa

ʻI heʻeku kei siʻi mo ako laukongá, naʻe faingataʻa ʻaupito. Ka naʻá ku ako ke u laukonga ʻi hono tokoniʻi au ʻe heʻeku faʻeé mo e Tamai Hēvaní. Naʻe faingataʻaʻia foki mo hoku kaumeʻa lelei tahá, ʻa Lenisou, ʻi he ako laukongá.

Naʻá ku talaange ki ai he ʻaho ʻe taha te u ʻoange ha kiʻi fakapulipuli ke tokoni ki heʻene ako laukongá he naʻe ʻaonga ia kiate au. Naʻá ma hū atu ki ʻapiako. Naʻá ku akoʻi ʻa Lenisou ke lotu, pea naʻá ne lotu ki he Tamai Hēvaní ʻo kole ke tokoniʻi ia.

ʻI he fakaʻosinga ʻo e taʻu fakaakó, naʻá ma fakatou maʻu mētali fakalāngilangi mo Lenisou ʻi he laukongá koeʻuhi pē ko e tokoni ʻa e Tamai Hēvaní. ʻOku ou ʻilo ʻoku tali ʻe he Tamai Hēvaní ʻetau ngaahi lotú.