Cov Hluas

Koj qhov Koob Hmoov Yawg Suab

Thawj Tswj Hwm Monson hais tias qhov koob hmoov yawg suab yog “lub Liyahaunas uas yuav pab tho kev thiab coj koj kev. ”Ces qhov koob hmoov no yog dab tsi, thiab yuav pab coj koj kev hauv koj lub neej li cas?

Koob hmoov yawg suab yog dab tsi?

Koj qhov koob hmoov muaj ob lub ntsiab. Qhov thib ib, yuav qhia txog koj caj ceg, los sis saib koj koom pawg neeg Ixayees twg. Qhov thib ob, yuav muaj tej yam uas yuav pab coj koj kev. Koj qhov koob hmoov tej zaum yuav muaj tej lus cog tseg, tej lus ntuas, thiab tej lus ceeb toom.

Kuv yuav tsum muaj pes tsawg xyoo es thiaj li txais tau kuv qhov koob hmoov?

Tsis tau teem tseg hais tias yuav tsum muaj pes tsawg xyoo, tab sis yuav tsum tos txog koj hlob txaus los saib tej lus dawb ceev ntawm qhov koob hmoov no rau nqi lawm. Cov mej zeej feem coob pib xav txog kev txais lawv qhov koob hmoov thaum lawv tiav nkauj tiav nraug.

Kuv yuav ua li cas thiaj li txais tau qhov koob hmoov?

Qhov thib ib, nrog koj tus npiv sov los sis ceg ntseeg tus thawj tswj hwm sib tham. Yog hais koj npaj tau thiab tsim nyog lawm, ces koj yuav tau ib daim ntawv tso cai. Tom qab ntawd, ces koj teem sij hawm mus ntsib tus yawg suab ntawm cheeb tsam uas koj nyob.

Kuv yuav tsum ua li cas rau kuv qhov koob hmoov?

Muab khaws cia zoo zoo, thiab yuav tsum ib sij nyeem ib zaug. Nco ntsoov hais tias, koj qhov koob hmoov yog ib yam dawb ceeb thiab yog koj li nkaus nkaus xwb. Tej zaum koj qhia tau rau cov neeg hauv koj tsev neeg kiag xwb, tab sis tsis txhob muaj qhia rau cov neeg sab nraud. Thiab, tag nrho tej koob hmoov uas hais tseg rau hauv koj qhov koob hmoov yawg suab yuav yog nyob ntawm koj txoj kev ntseeg thiab nyob rau tus Tswv lub sij hawm.