2010
Tej Kev Pab Ua Tib Zoo Saib Xyuas tej Khoom Ntiag Tug thiab Ua Kom Tsis Txhob Tshuav Nuj Nqi
February 2010

Lub Ob Hlis Ntuj 2010 cov Mus Xyuas Tom Tsev Tsab Xov

Tej Kev Pab Ua Tib Zoo Saib Xyuas tej Khoom Ntiag Tug thiab Ua Kom Tsis Txhob Tshuav Nuj Nqi

Qhia txog tej vaj lug kub thiab tej kab lus twg los sis, yog hais tias yuav tsum ua li no, siv lwm txoj ntsiab cai uas yuav foom tau koob hmoov rau cov viv ncaus uas koj mus ntsib. Hais lus tim khawv txog zaj lus qhuab qhia. Caw kom cov uas koj qhia ntawd piav saib lawv xav li cas thiab kawm tau dab tsi.

Tej Kev Pab Saib Xyuas tej Khoom Ntiag Tug

“‘Kev ua neej raws li kev vam meej’ … hais txog qhov uas [tshwj] peb tej khoom ntiag tug tseg cia zoo, npaj siv nyiaj txiag raws li ib lub tswv yim zoo, npaj them tej nqi ntawm kev saib xyuas yus txoj kev noj qab nyob zoo, thiab npaj them tej nqi kawm ntawv thiab kawm txuj ci hauj lwm, es ua tib zoo saib xyuas tej kev ua khoom noj thiab cia hauv tsev thiab npaj peb tus kheej kom tiv tau txhua yam. … Yog tias peb ua neej raws li lub tswv yim zoo thiab tej kev cai vam meej, peb yuav nyob puaj phais ib yam li peb nyob hauv Vajtswv lub xib tes.”1

Thawj Tswj Hwm Spencer W. Kimball (1895–1985).

“Peb yuav tsum txawj ua dab tsi es peb thiaj yuav pab tau peb tus kheej? … Thaum ub hauv lub Koom Txoom, Brigham Young tau thov kom cov muam xyaum ua tej yam uas pab tsev neeg tsis txhob muaj mob, ua kom muaj tes hauj lwm hauv tsev, thiab kawm kom paub txog tej ntaub ntawv khaws nyiaj txiag thiab lwm yam zoo uas yuav tsum txawj ua. Tej ntsiab cai ntawd los tseem siv tau rau niaj hnub nim no. Kev kawm ntawv yog ib qho tseem ceeb heev

“Kuv tau nug ob peb tus npiv sov saib cov muam hauv lawv pawg ntseeg xav tau kev pab kawm dab tsi tshaj, thiab cov npiv sov tau teb hais tias yog kev saib xyuas nyiaj txiag. Cov poj niam yuav tsum to taub txog tej yam uas yuav muaj los yog hais tias pheej cia li siv nyiaj tag zog thiab siv nyiaj ntau tshaj qhov uas yus muaj. Qhov thib ob uas cov npiv sov hais tias yuav kawm yog kev ua zaub mov. Tej pluag mov uas ua thiab noj hauv tsev feem ntau yuav tsis kim, yuav ua rau tsev neeg noj qab nyob zoo dua, thiab ua rau tej kev sib raug zoo hauv tsev neeg muaj zog dua tuaj.”2

Julie B. Beck, lub Koom Haum Niam Tsev tus Tuam Thawj Tswj Hwm.

Ua Kom Tsis Txhob Tshuav Nuj Nqis

“Cia kuv qhia txog tsib yam uas pab kom tsis txhob tshuav nuj nqi

“Qhov thib ib, them ib feem kaum.

“Qhov thib ob, siv tsawg tshaj qhov yus khwv tau.

“Qhov thib peb, xyaum txuag nyiaj.

“Qhov thib plaub, them koj tus nqi raws li koj tau lees tseg.

“Qhov thib tsib, qhia kom koj cov me nyuam ua raws li koj tus yam ntxwv.”3

Txwj Laug Joseph B. Wirthlin (1917–2008) ntawm Pawg Kaum Ob Tug Thwj Tim.

“Thaum peb tshuav nuj nqi, ces peb tsis muaj qhov kev zoo heev uas yog kev xaiv lawm thiab peb ua rau peb tus kheej muaj ib tug tswv los tswj peb lawm. Peb cog lus hais tias peb yuav siv peb lub sij hawm, lub zog, thiab tej uas peb muaj los mus them tus nqi uas peb tau txais—lawm es tiag tiag twb tsim nyog peb siv tej no los pab peb tus kheej, peb tsev neeg thiab lwm cov neeg.

“Kom thiaj li them tau peb tej nuj nqi thiab ua kom tsis txhob tshuav nuj nqi rau yav tom ntej lawm ces peb yuav tsum muaj kev ntseeg rau tus Cawm Seej—tsis yog hais tias mam ua zoo dua xwb tab yuav tsum coj kom zoo dua. Yuav siv kev ntseeg loj heev es thiaj hais tau tias, ‘Qhov no peb tsis muaj nyiaj yuav.’ Yuav siv kev ntseeg loj kom thiaj tso siab tau tias lub neej yuav zoo dua thaum peb tsis txhob yuav tej yam uas peb xav tau es cia los yuav tej yam uas peb toob kas thiab lwm tus neeg toob kas xwb.”4

Txwj Laug Robert D. Hales ntawm Pawg Kaum Ob Tug Thwj Tim.

© 2010 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam ua lus As Kiv: 6/09. Pub txhais ua lus Hmoob: 6/09. Kev txhais Visiting Teaching Message, February 2010. Hmong. 09362 295

LUS CIM

  1. “Welfare Services: The Gospel in Action,” Ensign, Kaum Ib Hlis Ntuj 1977, 78.

  2. “The Welfare Responsibilities of the Relief Society President,” Basic Principles of Welfare and Self-Reliance (2009), 5.

  3. “Earthly Debts, Heavenly Debts,” Liahona, Tsib Hlis Ntuj 2004, 41, 42.

  4. “A Gospel Vision of Welfare: Faith in Action,” Basic Principles of Welfare and Self-Reliance (2009), 1.

Kev Pab rau Cov Mus Xyuas Tom Tsev

Nrog koj tus khub sib tham saib yuav ua li ca thiaj li qhia tau zaj lus hais no kom haum rau cov viv ncaus lub neej.Yuav qhia tau tej yam uas koj txawj ua twg rau tus viv ncaus?

Kev Npaj ntawm Yus tus Kheej

Malakis 3:10

Mathais 6:19–21

Lukas 12:15

D&C 38:30; 88:119

Kom tau ntaub ntawv xov xwm ntxiv, saib All Is Safely Gathered In: Family Finances (item no. 04007).

Luam