Molaetsa wa Thuto ya Ketelo, Tlhakole 2010
Go Laola Ditsompelo ka Kelelo le Go Nna Ntle le Sekoloto
Ruta mafoko a a boitshepo le dinankolo kgotsa, fa go tlhokafala, molawana o mongwe yo o tlaa segofatsang bakaulengwe bao ba etelang. Fa bosupi jwa dithuto Laletsa bao ba etelang go abelana maikutlo ka se ba se ithutile
Go Laola Ditsompelo
“‘Go tshela ka go itshetsa’ … go raya go somarela ditsompelo, go thaya ka kelelo tse di amang madi, go seegela thoko a a tlhokomelang botsogo, le a a lekaneng go ka ipaakanyetsa thuto le tlhabololo ya mmereko, go baya leitlho tsedi dirwang mo lelwapeng le tse di seegetsweng kwa thoko ga mmogo le tlhabololo ya boitekanelo-maikutlo. … Fa re ka tshela ka manontlhotlho e bile re itshetsa, re ka bolokega jaaka e kete re mo pelong ya seatla sa Gagwe.”1
Mopresidente Spencer W. Kimball (1895–1985).
“Ke botsipa bofe jo re bo tlhokang go re thusa go itshetsa? … Mo malatsing a pele a Kereke, Brigham Young o ne a kopa bomme go ithuta go hema malwetse mo malwapeng, go tlhoma tirelo, le go ithuta ka tsa madi le dibukana le botsipa jo bongwe fela jalo jo bo tlhokegang. Melawana eo e santse e ka dirisiwa gompieno. Thuto e tswelela e le selo sa botlhokwa. …
“Ke kopile bobishopo ba le mmalwa gore ke botsipa bofe jwa go itshetsa jo bomme mo makalaneng a bone ba bo tlhokang thata, ba bo ba re go laola madi. Bomme ba tlhoka go tlhalognya ditlamorago tsa go reka ka sekoloto le go tlhoka go laola madi. Botsipa jwa bobedi jo bobishopo ba bo nankotseng ke jwa kapei. Dijo tse di apewang tsa bo di jewa mo lwapeng gantsi di tlhwatlhwa e ekwa tlase, e bile di etleetsa bosika jo bo tiileng jwa lelwapa.”2
Julie B. Beck, Moporesidente wa kakaretso wa Mokgatlho wa Thuso.
Go tila Sekoloto
“Mma ke nankole dikgato di le botlhano tsa kgololesego ya tsa madi. …
“Sa ntlha, duela tsa bolesome. …
“Sa bobedi, dirisa bonnye go na le se o se amogelang. …
“Sa boraro, ithute go boloka. …
“Sa bone, tlhompha dikgwetlho tsa gago tsa madi. …
“Sa botlhano, ruta bana ba gago go sala sekai sa gago morago.”3
Mogolwane Joseph B. Wirthlin (1917–2008) wa Lekgotla la Baaposetole Ba ba Lesome le Bobedi.
“Fa re tsena mo sekolotong, re aba bontlha bonwe jwa boikemelo jwa rona jo bo kgethefileng ra bo re ipaya mo bokgobeng. Re itlama ka nako, bokgoni, le ditsompelo tsa rona go duela se re se adimileng — ditsompelo tse di kabong di ne tsa dirisiwa go ithusa, le ba lelwapa, le babangwe …
“Go duela dikoloto le go tila sekoloto mo isagong go re lopa gore re dirise tumelo ya rona mo Mmoloking e seng fela go dira botoka mme le go nna botoka. Go lopa tumelo e e kgolo go bua mafoko a a motlhofo, ‘Ga re na madi.’ Go lopa tumelo e e kgolo go tshepa gore botshelo bo tlaa nna botoka fa re seegela tlhoko se re se batlang gore re kgone go diragatsa se re se tlhokang le ba bangwe.”4
Mogolwane Robert D. Hale wa Lekgotla la Baaposetole Ba ba Lesome le Bobedi.
© 2009 ka Kutlwisiso e e Beilweng, Inc. Tetla tsotlhe di beilwe. E gatisitswe mo USA Tetla ya Sekgoa: 6/08. Teseletso ya tlhanolo: 6/09 Tlhanolo ya February Visiting Teaching Message 2010. Tswana. 09362 763
Thuso Go Baruti ba Ketelo
Buisana le mmati wa gago ka tsela e le ka dirisang molaetsa o ka mokgwa o o tlaa thusang mokaulengwe mongwe le mongwe mo seemong sa gagwe. Ke botsipa bofe jwa go itshetsa jo le ka bo amoganang le ene?
Go Ipaakanya Ka Bowena
Fa o batla kitso e e tseneletseng, bona All Is Safely Gathered In: Family Finances (item no. 04007).