Pweng ke Forfor Luti, Mahs 2010
Ahkkweye Luhlahlfongi ke God Pahpah ac Jisus Kraist ke Lutlut ke Ma Suhmuhslah nuhtin Kais Sie
Luti ma suhmuhslah ac fahk inge kuh, fin enenuh, sie pac mwe luti ma ac ahkinsewowoye tahmtahel ma kom muhtwacta nuh yohroh an. Fahkwack luhlahlfongi kuh lom ke mwe luti an. Suli elos suc kom muhtwacta yohroh an in akacsruhi ke ma elos puhla ac lotwelah an.
“Ke nga pahyuck sasuc ah, … suliyuck nga nuh ke sie mongo infulwacnlwen se nuh sin tahmtahel ke Rilif Sosaiti nohfohn ke ward luhk ah ma riti kwewana Puk luhn Mormon kuh sie puk ke sramsram mahtuh fototo ke Alu uh. Rit ke ma suhmuhslah luhk uh tiac plwacn lac wo, ruh nga fal in wi mongo sacn ke riti sie puk srihsrihk ke srihpen fihsrwacsr ac srihklac pacl. Ke nga kang mongo nak an, oasr puhla na fokoko se luhk lah puk ke ma mahtuh inge el ma na wowo se, ac nga enenuh in riti Puk luhn Mormon an. Nguhn Muhtahl pihrihkyuc in ahollah ohiyacn rit ma suhmuhslah se luhk inge. Ke lwen sac na nga muhtwacwacack in riti Puk luhn Mormon, ac nga tiac sifil tui. … Ke srihpen nga muhtwacwacack riti ma suhmuhslah lwen nuh kwewa uh, nga lotwelah ke Pahpah tuhmuhk Lucng, Wen Nahtuhl Jisus Kraist, ac ma nga enenuh in oruh in oacna El. …
“… Muhtwacn nuh kwewa kuh in mwet luti se ke wosasuc in lohm sel ah, ac tahmtahel nuh kwewa ke Alu uh enenuh etwacack ke wosasuc uh oacna sie mwet kol ac mwet luti. Fin kom sonna ahkyohkye elah ke lutlut ke ma suhmuhslah lwen nuh kwewa uh, muhtwacwacack ingena ac lutlut na in kuh in ahkolah nuh ke kunohkohn lom ke moul se inge ac ne tok ma pahtpaht uh.”1
Julie B. Beck, prestuhn luhlahp ke U luhn Muhtwacn in Kahsruh.
“Lutlut ke ma suhmuhslah uh fah kahsruh fahkwack luhlahlfongi lasr ac mwet ke sucu lasr uh. Tuhlihk nahtuhsr mihsenge uh kapwack rauniyucklac ke puhsra ahkkweyaclos in sislah ma ma pwacye ac in ukwe, sahyac, mwe kahsruhp luhn facluh uh. Fin te oasr luhlahlfongi kuh lalos ke wosasuc luhn Jisus Kraist, sie fahkwack luhlahlfongi ke ma pwacye, ac sie mwe nuhnak in moul suwohswohs, elos oasr ke mukwikwi inge. Ma kunacsr in ahkyohkye ac karuhnganuhlosyang.”2
Prestuhn Thomas S. Monson.
“Kuht luhngse tahmtahel wiyacsr uh in lahlmwetmwet ke ma suhmuhslah uh. … Kom enenuh sie aetuhilac ke ma pwacye ma pahtpaht lal ke ma ac wo nuh sum sifacna, ac nuh ke srihpac in luti tuhhlihk nuhtum sifacna ac mwet nuh kwewa sahyac ma tuhkuh ke mokleyuck lom an.”3
“Kuht luhngse lohm sesr uh in ahkinsewowoyeyuck ke tahmtahel ma rit ma suhmuhslah finne—kom tiac pahyuck kuh pahyuck, fuhsr kuh mahtuh, katinmas kuh muhta yurin sie sucu. … In yohk etuh la ke ma suhmuhslah uh—tiac in oruh mwet sahyac puhla koluk, tuhsruhk in kahsrwelos!”4
Prestuhn Spencer W. Kimball (1895–1985).
© 2010 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/09. Ahkkweyeyucklac ke lweng: 6/09. Lwenglah luhn Visiting Teaching Message, March 2010. Kosraean. 09363 868
Kahsruh nuh ke Forfor Luti
Ke puhlan pacl in muhtwacta lom an, tohpohklah kihsen siyuck ac akacsruhi mwe kahsruh an orekmakihn ma suhmuhslah an. Fahkwack luhlahlfongi ke fuhkah lutlut ke ma suhmuhslah uh ahkkweye luhlahlfongi lom an. Siyuck sin tahmtahel ma kom muhtwacta yohroh an in akacsruhi lah lutlut lal ke ma suhmuhslah uh ahkkweye lohm sel an ac sucu lal an fuhkah.
Ahkolah luhn Kais Sie