Messaġġ tal-Għalliema taż-Żjajjar, Marzu 2010
Insaħħu l-Fidi f’ Alla l-Missier u f’ Ġesù Kristu Permezz tal-Istudju Personali tal-Iskrittura
Għallem l-iskrittura u l-kwotazzjonijiet jew, jekk ikun hemm bżonn, xi prinċipju ieħor li jista’ jbierek lill-aħwa li inti żżur. Agħti t-testimonjanza tiegħek ta’ din id-duttrina. Stieden lil dawk li inti tgħallem sabiex jaqsmu miegħek dak li huma ħassew u tgħallmu.
“Meta kont għadni kif iżżewwiġt, … ġejt mistiedna biex nattendi ikla għall-aħwa kollha tas-Soċjetà tal-Għajnuna tal-qasam tiegħi li jew kienu qraw il-Ktieb ta’ Mormon jew inkella qraw ktieb qasir dwar l-istorja tal-Knisja. Il-qari tiegħi tal-iskrittura ma tantx kien wieħed regolari, għalhekk jiena ikkwalifikajt billi qrajt il-ktieb il-qasir għaliex kien aktar faċli u jieħu anqas ħin. Hekk kif kont qed niekol l-ikla tiegħi, ħassejt sentiment mill-aktar qawwi li għalkemm il-ktieb tal-istorja kien wieħed tajjeb, kien missni qrajt il-Ktieb ta’ Mormon. L-Ispirtu s-Santu kien qed iħeġġiġni sabiex nibda naqra ferm aktar l-iskrittura. Dak inhar stess jiena bdejt naqra l-Ktieb ta’ Mormon, u qatt ma waqaft. … Għaliex bdejt naqra l-iskrittura kuljum, tgħallimt dwar Missieri tas-Smewwiet, Ibnu Ġesù Kristu u x’ għandi nagħmel biex insir bħalhom. …
“… Kull mara tista’ tkun għalliema tad-duttrina tal-evanġelju fid-dar tagħha, u kull oħt fil-Knisja għandha bżonn l-għarfien tal-evanġelju bħala mexxejja u għalliema. Jekk għadek ma żviluppajtx id-drawwa li tistudja l-iskrittura kuljum, ibda minn issa u ibqa’ studja sabiex inti tkun mħejjija għar-responsabbiltajiet tiegħek kemm f’ din il-ħajja kif ukoll fl-eternitajiet”1
Julie B. Beck, president ġenerali tas-Soċjetà tal-Għajnuna.
“L-istudju ta’ l-iskrittura jgħin lit-testimonjanzi tagħna u tal-membri tal-familja tagħna. Uliedna llum qed jikbru mdawrin b’ vuċijiet li jtanbrulhom kontinwament sabiex jabbandunaw dak li hu sewwa u jfittxu, minflok, il-pjaċiri tad-dinja. Sakemm ma jkollhomx bażi soda fl-evanġelju ta’ Ġesù Kristu, testimonjanza tal-verità, u determinazzjoni li jgħixu sewwa, huma jistgħu jaqgħu għal dawn l-influwenzi. Hija r-responsabbiltà tagħna li niffortifikawhom u nipproteġuhom. ”2
Il-President Thomas S. Monson.
“Irridu li n-nisa tagħna jkunu studjużi tal-iskrittura. … Għandkom bżonn li ssiru tafu mill-viċin il-veritajiet eterni għall-aħjar tagħkom, u bl-iskop li tgħallmu lil uliedkom u lil dawk kollha li jkunu taħt l-influwenza tagħkom.”3
“Irridu li djarna jkunu mberkin b’ nisa studjużi tal-iskrittura—kemm jekk huma xebbiet jew miżżewġin, żgħażagħ jew xjuħ, romol jew jgħixu ġo familja. … Siru studjużi tal-iskrittura – mhux biex tkunu superjuri għall-oħrajn, iżda sabiex tedifikawhom!”4
Il-President Spencer W. Kimball (1895–1985).
© 2009 by Intellectual Reserve, Inc. Id-drittijiet kollha riservati. Printed in USA. Approvazzjoni bl-Ingliż: 6/09. Approvazzjoni tat-traduzzjoni: 6/09. Translation of Visiting Teaching Message, March 2010. Maltese. 09363 159
Għajnuna għat-Tagħlim taż-Żjajjar
Tul iż-żjara tiegħek, wieġeb il-mistoqsijiet u aqsam xi ħsibijiet billi tuża l-iskrittura. Aqsam it-testimonjanza tiegħek dwar kif l-istudju tal-iskrittura saħħaħlek il-fidi tiegħek. Itlob lill-oħt li inti żżur sabiex hi titkellem miegħek dwar kif l-istudju tal-iskrittura saħħaħ darha u lill-familja tagħha.
Tħejjija Personali