Mwet Fuhsr
Ma Sikyak ke Luhlahlfongi Luhk
Ke nga yac 13 ah, nga muhtwacwacack in riti Puk luhn Mormon lwen nuh kwewa, ac nga ahkinsewowoyeyuck ke na lwen sac me.
Sacnri Skul luhn yac -13-matwac lasr ah tiac etweyuck ke muhtahl la uh. Ne ohinge, oasr mwet luti na wowo se lasr suc srihke kuhiyacl nohfohn in luti kais sie mwe luti ke Nguhn. Sie mwe luti ingacn ma ke riti ma suhmuhslah uh.
Ke sahflahiyen mwe luti an el ac use nuh sesr sie mwe srihke ah. Arlac yohk srihpac nuh sesr nohfohn, tuhsruhk ke kuhtuh srihpac el ac ngwetma na nuh sihk ke el ac fahk, “Nga srihke kom in riti ke Puk luhn Mormon kais sie lwen nuh kwewa!” Nga sifacna nuhnkuh nuh sihk, “Nga fah ahkkahlwemye nuh sum. Nga fah orwaclah!”
Nga muhtwacwacack 1 Nephi sapta 1 kena fong sac ac kalweni in riti lwen nuh kwewa. Sahp tiacna wo atac se ke nga tuhfahna muhtwacwacack ah, tuhsruhk ke sahflah ah nga muhtwacwacack in luhngse atac se ma Puk luhn Mormon oruh nga puhla uh. Riti ke kais sie fong oacna in sie pahlah na wowo.
Mahlwem ekahsr tohkoh nga sun Alma 32 ac nga lut ke nuhnak ke sie ma sikyak ke luhlahlfongi uh. E in lutlut ah kuht lotwelah in kol kuh oruh experiment ke science ma uh, na nga sikuck muhtuhnteyak ac fahk nuh sel Pahpah Lucng lah ngwac muhtwacwacack experiment sac. Nga siyuck lah nga ac etuh fuhkah lah Puk luhn Mormon pwacye.
Ke tukun etwacack sac, nga etuh lah Pahpah Lucng el topuk pruhe luhk pacl pucspucs. Rit lwen nuh kwewa ke Puk luhn Mormon use nuh sihk in ahkyohkye luhpah in kuhtanglah ma koluk. Nga puhla fototo nuh sin Pahpah tuhmuhk Inkuhsrao. Nga puhla ahkkweyeyuck ke kuh luhn Nguhn Muhtahl in kuhtanglah ma sik uh. Ma Alma el fahk ke in srihke lah kahs luhn God uh el ma pwacye se: “Muhtwacwacack in ahkyohkye nguhnihk; muhtwacwacack in kahlwemack etwacack luhk uh, ahok, muhtwacwacack in yuc nuh sihk” (Alma 32:28).