Pweng ke Forfor Luti, Eprel 2010
Suk ac Eis Fwackyuck La Sifacna
Luti ma suhmuhslah ac fahk inge kuh, fin enenuh, sie pac mwe luti ma ac ahkinsewowoye tahmtahel ma kom muhtwacta nuh yohroh an. Fahkwack luhlahlfongi kuh lom ke mwe luti an. Suli elos suc kom muhtwacta yohroh an in akacsruhi ke ma elos puhla ac lotwelah an.
Nga Ac Kuh in Suk Fuhkah Fwackyuck La Sifacna?
“Kuht ahkolah in eis fwackyuck la sifacna oacna ke mwet pahluh uh oruh uh, ke lutlutkihn ma suhmuhslah, lalo, pruhe, ac muhsaheack luhlahlfongi uh. Luhlahlfongi pa ki uh. Esam ahkolah lal Joseph nuh ke Araruhma Se Met ah:
“Fin kuhtwena suwos enenuh lahlmwetmwet, lwelah elan siyuck sin God. …
“Tuhsruhk lwelah elan siyuck ke luhlahlfongi, tiac ahlohloh.’”1
Elder Robert D. Hales ke U luhn Mwet Sap Singucul Luo.
“Pruhe uh pa ki nuh inkuhsrao lom sifacna. Lak uh el wi kom lac ke lihsrlihsr sac.
“Tuhsruhk tiac pa ingacn nohfohn. Nuh sin suc luti fwackyuck sac fah fahsr sahyen kuh, Leum el fahk:
“Kom tiacna kahlwem kac; kom pahngon muh nga ac fah usot nuh sum, ke kom tiac motko in siyuck sihk.
“‘Tuhsruhk, liye, nga fahk nuh sum, lah kom enenuh in lutlutkihn ke insifom; na kom enenuh in siyuck sihk fin pwacye, ac fin pwacye nga fah oruh insiom in mokle kom; ke ma inge, kom fah puhla lah ma inge pwacye.’”2
Prestuhn Boyd K. Packer, Prestuhn ke U luhn Mwet Sap Singucul Luo.
Nga ac Eis Fuhkah Fwackyuck La Sifacna?
“Ke inkaiyen atac uh, fwackyuck kuh mokleyuck uh tuhkuh ke kalmeyacn kahs kuh nuhnak ma oasr ke insifac uh (liye Enos 1:10; D&C 8:2–3), ke ahkkweyeyuck sa (liye D&C 6:14–15), ke puhla wo kuh koluk ke mukwikwi ke inkacnek akwucki, kuh finne ke mokleyuck luhn orekma, oacna ke orekma ke sroal uh. Oacna ke Prestuhn Boyd K. Packer, … Prestuhn ke U luhn Mwet Sap Singucul Luo, el fahk, ‘Mokleyuck uh tuhkuh yohk oacna sie puhla likina puhsra se.’”3
Elder Dallin H. Oaks ke U luhn Mwet Sap Singucul Luo.
“Tempuhl uh pa sie lohm in lutlut. Inkaiyen mwe kol intuckyang nuh ke tempuhl uh pa akucl ac lutiyuck ke Nguhn uh. Kalmac pa lutiyuck kuht inkuhsrao mwe. … Kahlwem lasr ke kalmeyacn akwuck ac olwelah uh fah yohkwaclihk ke kuht fohlohk nuh tempuhl in fusus ke atacn lutlut ac nuhnkuh yohk ke mwe lutlut pwacye lutiyuck uh. … Lwelah kuht in engankihn ahkkweyeyuck ke nguhn ac fwackyuck ma kuht eis ke kuht fahsri tempuhl uh lwen nuh kwewa uh.”4
Silvia H. Allred, mwet in kahsruh se met ke prestuhnsi luhlahp luhn Rilif Sosaiti.
© 2010 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/09. Ahkkweyeyucklac ke lweng: 6/09. Lwenglah luhn Visiting Teaching Message, April 2010. Kosraean. 09364 868
Kahsruh nuh ke Forfor Luti
In oacna sie mwet forfor luti, kom kuh in eis atac luhn Nguhn oacna ke enenuh luhn tahmtahel wiyom an ac in oruh fuhkah in sun enenuh lalos an. Ke kom ac luti pweng se inge, akacsruhi, fin kuh, kuhtwena mokleyuck kuh kahsruh ma kom ac eis nuh ke forfor luti an.
Ahkolah luhn Kais Sie