Poraus seni Fefin Chon Amwa, April 2010
Kutta me Angei Pwäratä Pwisin
Asukuna ekkei pukfel me uwekisin are, ika mi namot, ekkoch nongonong epwe efeiochu ekkewe sister ke churir. Apasa om kapasen pwäratä usun ekkew annuk. Mut ngeni ekkewe ke churir repwe apasa usun met ra mefi me kaeo.
Ifa Usun Ai Upwe Tongeni Kutta Pwäratä Pwisin?
“Sia ammonata ne angei pwäratä pwisin usun ekkewe soufos, seni kaeo ekkewe pukfel, echikipin, iotek, me apochokuna nuku. Nuku iei ewe kii. Chechemeni an Joseph ammonata ren ewe Aewin Nemasepwi:
“‘Ika emon me neimi ese mirit, epwe tingor ngeni Kot. …
“‘Nge nupwen oupwe iotek oupwe chok nuku, nge ousap tipemwaramwar.’”1
Elder Robert D. Hales seni ewe Mwichen ekkewe Engon me Ruemon Aposel.
“Iotek iei pwisin om we kii ngeni nang. Ewe nok mi nom won pwisin pekum .
“Nge esap ina meinisin Ngeni emon mi ekieki pwe pwäratä epwe chok fis me ese wor angang, ewe Samon a apasa:
“‘Kese weweiti; ka ekieki pwe upwe chok ngonuk, nge kese ekiekin om kopwe tingore ei .
“‘Nge, nengeni, ua apasa ngonuk, pwe mi namot pwe kopwe kaeo me non tupuwom; me mwirin kopwe tingore ei ika mi pung, me ika mi pung upwe efisata pwe netipom epwe pwichikar; iwe, kopwe mefi pwe mi pung.’”2
Preseten Boyd K. Packer, Prestenin ewe Mwichen Engon me Ruemon Aposel.
Ifa Usun Ua Tongeni Angei Pwäratä Pwisin?
“Non ekkoch napanap, pwäratä a feito non napanapan kapas are ekiek mi tonong non ewe ekiek (nengeni Enos 1:10; D&C 8:2–3), me ren ekiek mi keran fis (nengeni D&C 6:14–15), seni memef mi och are memef mi ngaw usun ekkoch sokkun föfför , are seni sipai mi fis seni ewe Ngun mi Fel. Usun chok Preseten Boyd K. Packer,… Presetenin ewe Mwichen Engon me Ruemon Aposel, mi apasa, ‘Pwäratä a feito pwe eu memmef nap seni eu mettoch kopwe rongorong.’”3
Elter Dallin H. Oaks seni ewe Mwichen Engon me Ruemon Aposel.
“Ewe tempel mi eu imwen kaeo Chommong pwäratä me non ewe tempel mi eu esisin me a kaeo seni ewe Ngun mi Fel. Ei a wewen pwe sia kaeo seni nang. … Ach weweiti wewen ekkewe efeioch me pwon epwe napano nupwen sia niwinsefan ngeni ewe tempel fan chommong ren ewe mochen ne kaeo me ekiek usun ekkewe ennet ese much mi afanafana. … Sipwe pwapwaiti ewe pochokunan ngun me ewe pwäratä sia angei nupwen sia feino ngeni ewe tempel iteitan.”4
Silvia H. Allred, aewin chon aninis non ewe mwichen Fin Anisi presetensi.
© 2010 seni Intellectual Reserve, Inc. Meinisin pung mi kawor. A för non Amerika. Kapungunon non fasun engenes: 6/09. Kapungunon chiakun: 6/09. Chiakun Visiting Teaching Message, April 2010. Chuukese. 09364 901
Aninis ren Fefin Chon Amwa
Emon chon amwa, ka tongeni angei pwäratä seni ewe Ngun mi Fel usun namotan ekkewe fefin ka churi me ifa usun epwe anisir ren ekkewe mettoch. Nupwen ka afanafana ei poraus, kopwe poraus usun, ika mi och, pwäratä are aninis ka angei non pekin an fefin chon amwa.
Ammonetan Emon me Emon