Abril 2010 Mensahe sa Visiting Teaching
Paghangad kag Pagbaton sang Personal nga Rebelasyon
Itudlo ining balaan nga mga kasulatan kag sinambit nga mga pulong ukon, kon kinahanglanon, isa pa ka prinsipyo nga magabugay sa mga utod nga babayi nga inyo ginabisita. Magpanaksihon parte sa doktrina. Agdaha ang inyo mga ginabisita nga magpaambit sang ila nabatyagan kag natun-an.
Paano Ako Maghangad sang Personal nga Rebelasyon?
Ginahandaan naton ang pagbaton sang personal nga rebelasyon subong man sang mga propeta, paagi sa pagtuon sang balaan nga mga kasulatan, pagpuasa, pagpangamuyo, kag pagpalambo sang pagtuo. Pagtuo amo ang yabi. Dumduma ang paghanda ni Joseph para sa Unang Palanan-awon:
“‘Kon may yara sa inyo nga nakulangan sing kaalam, papangayoa sia sa Dios. …
“Apang papangayoa sia nga may pagtuo, sa wala’y pangduhaduha.’”1
Elder Robert D. Hales sang Korum sang Napulo’g Duha ka mga Apostoles.
“Ang pangamuyo amo ang inyo personal nga yabi pakadto sa langit. Ang kandado yara sa inyo nga bahin sang tabon.
“Apang indi lang ina. Sa isa nga nagapensar nga ang rebelasyon ginahatag lang nga wala ginatinguhaan, ang Ginuo nagsiling:
“‘Wala ka makahangop; nagpensar ka ayhan nga ihatag ko ini sa imo, kon wala ka man lang sing ginahimo luwas nga magpangayo sa akon.
“‘Apang, yari karon, nagasiling ako sa inyo, nga tun-an ninyo ini sa inyo kaisipan; kag mamangkot kamo sa akon kon ini matuod, kag kon ini matuod makabatyag kamo sing kompirmasyon sa inyo; gani, kamo makabatyag nga ini matuod.’”2
Pangulong Boyd K. Packer, Pangulo sang Korum sang Napulo’g Duha ka mga Apostoles.
Paano Ako Makabaton sang Personal nga Rebelasyon?
‘‘Sa iya sini mas pamilyar nga mga pamaagi, ang rebelasyon ukon inspirasyon nagaabot paagi sa tingug sang Ginuo ukon mga pamensaron nga ginapabutyag sa kaisipan (tan-awa sa Enos 1:10; D&C 8:2–3), paagi sa hinali nga kasanagan (tan-awa sa D&C 6:14–15), paagi sa positibo ukon negatibo nga mga balatyagon parte sa ginatanyag nga mga pagpili, ukon bisan pa gani paagi sa mga inspirado nga pagpasundayag, subong sa mga pagpasundayag sa arte. Subong nga si Pangulong Boyd K. Packer, … Pangulo sang Korum sang Napulo’g Duha ka mga Apostoles, nagpabutyag, ‘Ang inspirasyon masami nagaabot bilang balatyagon sangsa tingug.’”3
Elder Dallin H. Oaks sang Korum sang Napulo’g Duha ka mga Apostoles.
“Ang templo isa ka balay-tulun-an. Kadam-an sang mga instruksyon nga ginapaambit sa templo isa ka representasyon kag ginatun-an paagi sa Espiritu. Nagakahulugan ini nga kita ginatudloan gikan sa kahitaasan. … Ang aton paghangop sang kahulugan sang mga ordinansa kag mga kasugtanan magadugang pa gid sa masami naton nga pagbalik sa templo upod ang panimuot sa pagtuon kag sa paghunahuna sang ginatudlo nga mga kamatuoran nga wala’y dulonan. … Ikalipay naton ang espiritual nga kabakod kag ang rebelasyon nga aton ginabaton samtang nagatambong kita sa templo sing regular.”4
Silvia H. Allred, unang manuglaygay sa pangkabilugan nga panguluhan sang Relief Society.
© 2009 iya sang Intellectual Reserve, Inc. Tanan nga kinamatarong ginahuptan. Ginbalhag sa Pilipinas. Petsa sang pagtugot sa Ingles: 6/09. Petsa sang pagtugot sa paglubad: 6/09. Linubad sang Visiting Teaching Message, April 2010. Hiligaynon. 09364 861
Mga Bulig para sa Visiting Teaching
Bilang isa ka visiting teacher, sarang ka makabaton sang mga pagpabatyag sang Espiritu parte sa mga panginahanglan sang imo kautoran nga mga babayi kag kon paano mo matigayon yadtong mga panginahanglan. Sa imo pagtudlo sining mensahe, ipaambit, kon nagakabagay, ang bisan ano nga inspirasyon ukon bulig nga imo nabaton parte sa visiting teaching.
Personal nga Pagpanghanda