Klumech er a Oldingel e Olischakl, Ongeuang el Buil 2009
Skel me a Ngeiul a Ocholt el di Kirem
Molisechakl a chedaol llechukl ma tekoi malechub, a lusbechall, a kuk tara osisechakl el mo omekngeltengat ra rodos el moldingel er tir. Mouchais er a klemerang el kirel osisechakl. Molengit er tirkel moldingel er tir el mo ouchais aikel lomelchesiu me a bla lsuub.
Ngmekerang a kusiik a ocholt el di kirek?
“Kede mengedmokl er kid el mo ngmai a ocholt el di ua reprofet, kede mesuub a edaol llechukl, e olsengerenger, meluluuch, e dirrek el melisiich er a klaumerang. Ngklaumerang a kisel. Di mletkii a omengedmeklel a Joseph er kirel sel kot el ues:
“‘Alsekum a ngii dil tang er kemiu a diak a llemesel a rengul, e lolengit er a Dios. …
“‘Ng di lolengit lobang a klaumerang, e lak loumededenger.’”1
A Elder Robert D. Hales ra Chelechad ra Teruich ma Terung el Apostol.
“A nglunguuch er kau a kisem el mor babeluades. A eseches a sel bitang el mngarngii er a dekedek.
“Ngdi diak dil sei el merkong. A ngii dil chad el melatk el kmo a ocholt a di mor ngii a lak el blak a rengul, a Rubak a dilung el kmo:
“‘Kau a dirkak bo modengei; ke millebedebek el kmo ak di odersii el ekong er kau, e dimlak el kot e molatk el olengit er ngak.
“‘Ngdi, momtab, ak kuuchais er kau, el kmo ngkirem el suubii er a elsel a bdelum esolang eng kirem el oker er ngak el kmo ngmerang, ea alsekum eng merang ak mo rullii a ulum meng mo melkedukem; me sei a mo uchul e ke kmal mo melchesuar el kmo ngkmal merang.’”2
A President Boyd K. Packer, el President er a Chelchad er a Teruich me a Terung el Apostol.
Ngmekerang ak nguu a ocholt el di kirek?
“Sel teletelel el dungil medengelii, a ocholt malechub eng ocholt er a reng a mei el okui a tekoi malechub eng uldasu el mei er a bdelud (mesang a Enos 1:10; D&C 8:2–3), el okui a llomes el di kiul duubech er a elsel a rengud (mesang a D&C 6:14–15), el okui a omelatk er a reng el ungil malechub eng mekngit el kirel omeruul el kedmekill, malechub eng okui a ulekrael omeloik al tekoi er a omesubel a ngloik. El di ua al dilung a President Boyd K. Packer, … President er a Chelchad er a Teruich me a Terung el Apostol el kmo, ‘A ocholt er a reng a bai mei el omelatk er a reng e diak el morenges.’”3
A Elder Dallin H. Oaks er a Chelchad er a Teruich me a Terung el Apostol.
“A templo a blai er a omesuub. Ngbetok er a suobel el desuub er a templo a di olechotel a tekoi e mosischakl er a Reng. Tiang a belkul a kmo kede mosischakl el mlar bab el mei. … A klemedengei er kid er a belkul a ruoll me a telbiil a di merael el mo klou sel de luut el mora templo el di mekudem el obang reng er a omesubed me a ultebenged er a diak a ulebengelel klemerang el de mosischakl. … Di bol ungil a rengud er a klisichel a reng me a ocholt el dengai sel di de blechoel mora templo.”4
A Silvia H. Allred, el kot el counselor er a Cheldebechel er a Rolngeseu el ngarbab el presidency.
© 2010 lokiu a Intellectual Reserve, Inc. Urre10del a rokui el klisiich. Milluches er a USA. Kengei er a English: 6/09. Kengei ra oidel: 6/09. Oidel a April 2010 Visiting Tekaching Message. Palauan. 09364 881
Ngesou el mora Roldingel e Olisechakl
A omoldingel sensei, eng sebechem el mukrael er a Reng el mo medengei a lousbech a rodos e mekerang a omsiik el mseterir. Sel molischskl er tiang el klumech, e mouchais, a bol kirel a ocholt er a reng malechub eng ngeso el mngilai el kirel tiang el odingel.
Omengedmeklem